CCTV App: ನಿಮ್ಮ ಹಳೇ ಫೋನನ್ನು ಈಗ ಸಿಸಿಟಿವಿಯನ್ನಾಗಿ ಪರಿವರ್ತಿಸಬಹುದು! ಹೇಗೆ ಎಂಬುದನ್ನು ಇಲ್ಲಿ ತಿಳಿಯಿರಿ

ಹೊಸ ಹೊಸ ಅಪ್‌ಡೇಟ್‌ಗಳೊಂದಿಗೆ ಸ್ಮಾರ್ಟ್‌ಫೋನ್‌ಗಳು ಮಾರುಕಟ್ಟೆಗೆ ಬರುತ್ತಲೇ ಇವೆ. ಈ ಕಾರಣದಿಂದಾಗಿ ಅನೇಕ ಜನರು ತಮ್ಮ ಫೋನ್ ಅನ್ನು ಆಗಾಗ್ಗೆ ಬದಲಾಯಿಸುತ್ತಿರುತ್ತಾರೆ. ಆ ಸಮಯದಲ್ಲಿ ಅವರು ಹಳೆಯ ಫೋನ್ ಅನ್ನು ಪಕ್ಕಕ್ಕೆ ಎಸೆಯುತ್ತಾರೆ. ಆದರೆ ಇನ್ಮುಂದೆ ಹಳೆಯ ಫೋನ್‌ಗಳನ್ನು ಸಹ ಬಳಸಬಹುದು ಎಂಬುದನ್ನು ಗಮನಿಸಬೇಕು. ಎಚ್ಚರಿಕೆಯಿಂದ ಬಳಸಿದರೆ ಅವುಗಳನ್ನು ಇತರ ಉದ್ದೇಶಗಳಿಗಾಗಿಯೂ ಬಳಸಬಹುದು.

ಹೆಚ್ಚಿನ ಜನರು ತಮಗೆ ಹೊಸ ಫೋನ್ ಬಂದಾಗ ಹಳೆಯ ಫೋನ್​ ಅನ್ನು ಮರೆತೇ ಬಿಡುತ್ತಾರೆ. ಅದರ ಅಗತ್ಯವೇ ಇಲ್ಲವೆಂಬಂತೆ ಮಾಡುತ್ತಾರೆ. ಆದರೆ ಇನ್ಮುಂದೆ ನಿಮ್ಮ ಹಳೇ ಫೋನನ್ನು ಸಿಸಿ ಕ್ಯಾಮೆರಾವನ್ನಾಗಿ ಪರಿವರ್ತಿಸಬಹುದು.

ಪ್ರಸ್ತುತ, ಸಣ್ಣ ಮತ್ತು ದೊಡ್ಡ ನಗರಗಳು ಮತ್ತು ಹಳ್ಳಿಗಳಲ್ಲಿ ಕಳ್ಳತನ ಮತ್ತು ಅಪರಾಧಗಳು ಹೆಚ್ಚಿವೆ. ಇಂತಹ ಸಂದರ್ಭಗಳಲ್ಲಿ ಜನರು ತಮ್ಮ ಮನೆಗಳಲ್ಲಿ ಸಿಸಿಟಿವಿ ಅಳವಡಿಸಲು ಆಸಕ್ತಿ ತೋರಿಸುತ್ತಿದ್ದಾರೆ. ಮನೆಯ ಹೊರಗಿನಿಂದ ಮನೆಯನ್ನು ಮೇಲ್ವಿಚಾರಣೆ ಮಾಡಬಹುದು ಎಂಬುದು ಕಲ್ಪನೆ. ಆದರೆ, ಸಿಸಿಟಿವಿ ಅಳವಡಿಸಲು 5ರಿಂದ 20 ಸಾವಿರ ರೂ.ವರೆಗೆ ವೆಚ್ಚವಾಗುವುದರಿಂದ ಅವುಗಳನ್ನು ಖರೀದಿಸಲು ಕೆಲವರು ಭಯಪಡುತ್ತಿದ್ದಾರೆ.

ಅಂತಹ ಪರಿಸ್ಥಿತಿಯಲ್ಲಿ, ನೀವು ಮನೆಯಲ್ಲಿ ಇರಿಸಲಾದ ಹಳೆಯ ಫೋನ್ ಅನ್ನು ಸಿಸಿಟಿವಿಯಾಗಿ ಬಳಸಬಹುದು. ನಿಮ್ಮ ಹಳೆಯ ಫೋನ್ ಅನ್ನು ಸಿಸಿಟಿವಿ ಆಗಿ ಹೇಗೆ ಪರಿವರ್ತಿಸಬಹುದು ಎಂಬುದನ್ನು ಈ ಕೆಳಗಿನ ಲೇಖನದಲ್ಲಿ ಓದಿ.

ನಿಮ್ಮ ಹಳೆಯ ಫೋನ್ ಮತ್ತು ನಿಮ್ಮ ಪ್ರಸ್ತುತ ಫೋನ್ ಎರಡರಲ್ಲೂ ನೀವು ಆಲ್ಫ್ರೆಡ್ ಸಿಸಿಟಿವಿ ಕ್ಯಾಮೆರಾ ಎಂಬ ಅಪ್ಲಿಕೇಶನ್ ಅನ್ನು ಡೌನ್‌ಲೋಡ್ ಮಾಡಬೇಕಾಗುತ್ತದೆ. ಹಳೆಯ ಸ್ಮಾರ್ಟ್‌ಫೋನ್ ಅನ್ನು ಸಿಸಿಟಿವಿಯಾಗಿ ಪರಿವರ್ತಿಸಲು ಈ ಅಪ್ಲಿಕೇಶನ್ ಬಹಳಷ್ಟು ಸಹಕಾರಿಯಾಗುತ್ತದೆ.

ಈ ಅಪ್ಲಿಕೇಶನ್ ಅನ್ನು ಡೌನ್‌ಲೋಡ್ ಮಾಡಿದ ನಂತರ, ನೀವು ನಿಮ್ಮ ಹಳೆಯ ಸ್ಮಾರ್ಟ್‌ಫೋನ್ ಅನ್ನು ಸಿಸಿಟಿವಿಯಾಗಿ ಮತ್ತು ಈಗಾಗಲೇ  ನಿಮ್ಮ ಬಳಿ ಇರುವಂತಹ ಫೋನ್ ಅನ್ನು ಮಾನಿಟರ್ ಆಗಿ ಬಳಸಬಹುದು.

ಇದರ ನಂತರ ನೀವು ಫೋನ್ ಅನ್ನು ಸಿಸಿಟಿವಿಯಾಗಿ ಬಳಸಲು ಬಯಸುವ ಹಳೆಯ ಫೋನ್ ಅನ್ನು ನಿಮಗೆ ಬೇಕಾಗುವ ಸ್ಥಳದಲ್ಲಿ ಇರಿಸಬೇಕು. ಮುಖ್ಯವಾಗಿ ನೀವು ಸಿಸಿಟಿವಿಯನ್ನಾಗಿ ಬಳಸುವ ಸ್ಮಾರ್ಟ್​ಫೋನ್​ಗೆ ಇಂಟರ್ನೆಟ್​ ಕನೆಕ್ಟ್​ ಮಾಡಿರಬೇಕು.

ಈ ಹಳೆಯ ಫೋನ್ ಬ್ಯಾಟರಿ ಖಾಲಿಯಾಗದಂತೆ ನೋಡಿಕೊಳ್ಳಲು, ನೀವು ಅದಕ್ಕೆ ಚಾರ್ಜರ್​ ಅಥವಾ ಪವರ್ ಬ್ಯಾಂಕ್ ಅನ್ನು ಕನೆಕ್ಟ್​ ಮಾಡಿಟ್ಟುಕೊಳ್ಳಬೇಕು. ಇದಲ್ಲದೇ ಕ್ಯಾಮೆರಾ ಮೇಲೆ ಧೂಳು, ಮಣ್ಣು ಬೀಳಬಾರದು ಎಂಬುದನ್ನೂ ನೆನಪಿನಲ್ಲಿಡಬೇಕು. ನಂತರ ನಿಮ್ಮ ಸ್ಮಾರ್ಟ್​​ಫೋನ್​ ಅನ್ನು ಸುಲಭದಲ್ಲಿ ಸಿಸಿಟಿವಿಯನ್ನಾಗಿ ಪರಿವರ್ತಿಸಬಹುದು.