YouTube Ad Block: ಜಾಹೀರಾತು ಇಲ್ಲದೆಯೂ ಯೂಟ್ಯೂಬ್​ನಲ್ಲಿ ವಿಡಿಯೋ ನೋಡ್ಬಹುದು!

ಇಂದಿನ ಕಾಲದಲ್ಲಿ ಟಿವಿಗಿಂತ ಮೊಬೈಲ್​ ಬಳಕೆದಾರರೇ ಹೆಚ್ಚಾಗಿದ್ದಾರೆ. ಈ ಸೋಶಿಯಲ್ ಮೀಡಿಯಾಗಳು ಟಿವಿಗಿಂತ ಹೆಚ್ಚೇ ಮನರಂಜನೆಯನ್ನು ನೀಡೋದ್ರಿಂದ ಹೆಚ್ಚನಿ ಜನರು ಮೊಬೈಲ್​ ಅನ್ನೇ ಅವಲಂಬಿಸಿದ್ದಾರೆಂದು ಹೇಳ್ಬಹುದು.

ಇತ್ತೀಚೆಗೆ ಸಾಕಷ್ಟು ವಿಡಿಯೋ ಸ್ಟ್ರೀಮಿಂಗ್ ಅಪ್ಲಿಕೇಶನ್​ಗಳು ಮೊಬೈಲ್​ಗಳಲ್ಲಿ ಬಂದಿವೆ. ಅದರಲ್ಲಿ ಯೂಟ್ಯೂಬ್ ಸಹ ಒಂದು. ಯೂಟ್ಯೂಬ್​ ಹಿಂದೆ ಜಾಹೀರಾತು ಇಲ್ಲದೆ ವೀಕ್ಷಕರಿಗೆ ವಿಡಿಯೋ ಸ್ಟ್ರೀಮಿಂಗ್ ಮಾಡುತ್ತಿತ್ತು. ಆದ್ರೆ ಈಗ ಹಾಗಲ್ಲ ಪ್ರತಿ ಸೆಕೆಂಡ್​​ಗೆ ಒಂದರಂತೆ ಜಾಹೀರಾತುಗಳು ಬರುತ್ತವೆ.

ಆದರೆ ಈ ಯೂಟ್ಯೂಬ್​ನಲ್ಲಿ ನಾವು ವಿಡಿಯೋ ನೋಡುವಾಗ ಜಾಹೀರಾತು ಬಾರದಂತೆ ಬ್ಲಾಕ್​ ಮಾಡಬಹುದು. ಆದ್ರೆ ಅದಕ್ಕಾಗಿ ಕೆಲವೊಂದು ಟ್ರಿಕ್ಸ್ ಫಾಲೋ ಮಾಡಬೇಕು. ಆ ಟಿಪ್ಸ್​ ಯಾವುದೆಲ್ಲಾ ಎಂಬುದನ್ನು ತಿಳಿಬೇಕಾದ್ರೆ ಈ ಲೇಖನವನ್ನು ಓದಿ.

ಯೂಟ್ಯೂಬ್​ನಂತೆಯೇ ಇತರೆ ಆ್ಯಪ್​ಗಳನ್ನು ಡೌನ್​ಲೋಡ್​ ಮಾಡಿ: ಒಂದು ವೇಳೆ ನೀವು ಯೂಟ್ಯೂಬ್​ನಲ್ಲಿ ವಿಡಿಯೋಗಳನ್ನು ನೋಡುವಾಗ ನಿಮಗೆ ಆ್ಯಡ್​ ಬಾರದೇ ಇರುವಂತೆ ಮಾಡಬೇಕೆಂದರೆ ಯೂಟ್ಯೂಬ್​ನಂತೆಯೇ ಇರುವ ಇತರೆ ಆ್ಯಪ್​ಗಳನ್ನು ಡೌನ್​​ಲೋಡ್​ ಮಾಡಿ. ಅದಕ್ಕಾಗಿ ಪ್ಲೇ ಸ್ಟೋರ್​​ನಲ್ಲಿ OGYoutube, DNS66, NewPipe, YT Vanced, Ad Clearನಂತಹ ಅಪ್ಲಿಕೇಶನ್​ಗಳು ಲಭ್ಯವಿದೆ. ಈ ಆ್ಯಪ್​​ಗಳನ್ನು ಡೌನ್​ಲೋಡ್​ ಮಾಡುವ ಮೂಲಕ ಜಾಹೀರಾತು ಮುಕ್ತವಾಗಿ ವಿಡಿಯೋಗಳನ್ನು ನೋಡಬಹುದಾಗಿದೆ.

ಈ ರೀತಿಯಲ್ಲಿ ಆ್ಯಡ್​ ಬ್ಲಾಕ್​ ಮಾಡಿ: ಇನ್ನು ನೀವು ಯೂಟ್ಯೂಬ್​ನಲ್ಲಿ ವಿಡಿಯೋಗಳನ್ನು ನೋಡುವಾಗ ಜಾಹೀರಾತು ಬಾರದಂತೆ ಮಾಡಲು ಕೇವಲ ಒಂದು ಡಾಟ್​ ಹಾಕುವ ಮೂಲಕ ಬ್ಲಾಕ್ ಮಾಡ್ಬಹುದು. ನೀವು ನೋಡುವಂತಹ ವಿಡಿಯೋನ Youtube.com ನಂತರದಲ್ಲಿ ಬರುವ (/) ಈ ಚಿಹ್ನೆಯ ಮೊದಲು (.) ಈ ಚುಕ್ಕಿ ಹಾಕಿದ್ರೆ ಮುಭರುವ ಎಲ್ಲಾ ಆ್ಯಡ್​ಗಳು ಬ್ಲಾಕ್ ಆಗುತ್ತದೆ.

ಚಂದಾದಾರಿಕೆ ಮಾಡಿಕೊಳ್ಳಿ: ಇನ್ನು ಯೂಟ್ಯೂಬ್​ನಲ್ಲಿ ಜಾಹೀರಾತು ಬಾರದಂತೆ ಮಾಡಬೇಕಾದ್ರೆ ಚಂದಾದಾರಿಕೆ ಮಾಡಿಕೊಳ್ಳಬಹುದು. ಇದು 1 ತಿಂಗಳ, 3 ತಿಂಗಳ ಹೀಗೆ ಹಲವಾರು ಅವಧಿಯನ್ನು ಹೊಂದಿರುತ್ತದೆ. ಈ ಮೂಲಕ ಯೂಟ್ಯೂಬ್​ ನೀಡುವಂತಹ ಹಲವಾರು ಫೀಚರ್​​ಗಳ ಸೌಲಭ್ಯವನ್ನು ಪಡೆಯಬಹುದಾಗಿದೆ.

ಆ್ಯಡ್​ ಬ್ಲಾಕರ್​ ಬಳಸಿ: ನೀವು ಯೂಟ್ಯೂಬ್​ನಲ್ಲಿ ವಿಡಿಯೋಗಳನ್ನು ನೋಡುವಾಗ ಜಾಹೀರಾತು ಬಾರದ ಹಾಗೆ ಮಾಡಬೇಕೆಂದರೆ ಆ್ಯಡ್​ ಬ್ಲಾಕರ್​ಗಳನ್ನು ಬಳಸ್ಬಹುದು. ಇದಕ್ಕಾ ಬ್ರೌಸರ್​ನಲ್ಲಿ ಹಲವಾರು ಆ್ಯಡ್​ ಬ್ಲಾಕರ್​ ಸೈಟ್​ಗಳು ಸಿಗುತ್ತವೆ. ಈ ಮೂಲಕ ಯೂಟ್ಯೂಬ್​ನಲ್ಲಿ ಜಾಹೀರಾತಿಲ್ಲದೆ ಆರಾಮವಾಗಿ ವಿಡಿಯೋಗಳನ್ನುನೋಡಬಹುದು.