Science day 2023: ಮೊಬೈಲ್ ಚಾರ್ಜ್ ಮಾಡೋಕೆ ಶೂ ಇದ್ರೆ ಸಾಕು, ಅಚ್ಚರಿ ಮೂಡಿಸಿದ ಹೊಸ ಟೆಕ್ನಾಲಜಿ!

ದಿನಕಳೆದಂತೆ ಹೊಸ ಹೊಸ ಟೆಕ್ನಾಲಜಿಗಳು ಮಾರುಕಟ್ಟೆಗೆ ಎಂಟ್ರಿ ನೀಡುತ್ತಲೇ ಇದೆ. ಇದಕ್ಆಗಿ ಕೆಲವೊಂದು ಕಂಪೆನಿಗಳು ಹಗಲು ರಾತ್ರಿಯೆನ್ನದೇ ಶ್ರಮಿಸುತ್ತಲೇ ಇದೆ. ಒಂದು ದೇಶ ಪ್ರಗತಿ ಕಾಣಲು ತಂತ್ರಜ್ಞಾನ ಸಹ ಮುಖ್ಯವಾಗಿದೆ. ಇದನ್ನೇ ಅರಿತ ಕಂಪೆನಿಗಳು ಸಹ ಹೊಸ ಹೊಸ ತಂತ್ರಜ್ಞಾನಗಳನ್ನು ಪರಿಚಯಿಸುತ್ತಿದೆ.

ಉತ್ತರ ಪ್ರದೇಶದ ಮಿರ್ಜಾಪುರ ಜಿಲ್ಲೆಯ ಸರ್ಕಾರಿ ಅಂತರ ಕಾಲೇಜಿನ ಕೇಂದ್ರೀಯ ವಿದ್ಯಾಲಯ ಆವರಣದಲ್ಲಿ ವಿಭಾಗೀಯ ಮಟ್ಟದ ವಿಜ್ಞಾನ ಮಾದರಿ ಸ್ಪರ್ಧೆಗಳನ್ನು ನಡೆಸಲಾಯಿತು. ಜೊತೆಗೆ ಅಂದು 2023 ರ ರಾಷ್ಟ್ರೀಯ ವಿಜ್ಞಾನ ದಿನವನ್ನು ಸಹ ಆಚರಿಸಲಾಯಿತು. ಈ ಸಂದರ್ಭದಲ್ಲಿ ಯುವ ವಿಜ್ಞಾನಿಗಳು ಭವಿಷ್ಯದ ದೃಷ್ಟಿಯಿಂದ ತಾವು ತಯಾರಿಸಿದ ಕೆಲವೊಂದು ಮಾದರಿಗಳನ್ನು ಪ್ರದರ್ಶಿಸಿದರು.

ಇನ್ನು ಈ ಸಾಧನಗಳನ್ನು ವಿಂಧ್ಯಾಚಲ ವಿಭಾಗೀಯ ಆಯುಕ್ತ ಡಾ.ಮುತ್ತುಕುಮಾರ್ ಸ್ವಾಮಿ, ಕಮ್ತಾ ರಾಮ್ ಪಾಲ್ ಜಂಟಿ ನಿರ್ದೇಶಕರು ವೀಕ್ಷಿಸಿ ವಿದ್ಯಾರ್ಥಿಗಳನ್ನು ಪ್ರೋತ್ಸಾಹಿಸಿದರು. ಇದೇ ವೇಳೆ ವಿದ್ಯಾರ್ಥಿಗಳ ಪ್ರತಿಭೆಯನ್ನು ನೋಡಿ ಮನಸೋತರು.

ಪ್ರದರ್ಶನದಲ್ಲಿ ವಿದ್ಯಾರ್ಥಿಗಳು ಹಲವಾರು ಮಾದರಿಗಳನ್ನು ತಯಾರಿಸಿ ಎಲ್ಲರನ್ನು ನಿಬ್ಬೆರಗಾಗಿಸಿದರು. ವಿಜ್ಞಾನ ವಸ್ತುಪ್ರದರ್ಶನದಲ್ಲಿ ಮಕ್ಕಳಿಂದ ರಸಗೊಬ್ಬರ ಯಂತ್ರ, ಎಲೆಕ್ಟ್ರೋ ಗನ್, ಆ್ಯಂಟಿ ಸ್ಮಾಗ್ ಗನ್, ಆಲೂಗಡ್ಡೆ ಅಗೆಯುವ ಯಂತ್ರ ಮತ್ತಿತರ ಯೋಜನೆಗಳನ್ನು ಪ್ರದರ್ಶಿಸಲಾಯಿತು.

ಇನ್ನು ಈ ಕಾರ್ಯಕ್ರಮದಲ್ಲಿ ಜವಾಹರ್ ನವೋದಯ ವಿದ್ಯಾಲಯದ ವಿದ್ಯಾರ್ಥಿ ಐ.ಎಸ್.ನಾರಾಯಣ್ ಶುಕ್ಲಾ ಅವರು ಎಲೆಕ್ಟ್ರೋ ಶೂಗಳ ಕುರಿತು ತಮ್ಮ ಪ್ರಾಜೆಕ್ಟ್ ಅನ್ನು ಪ್ರಸ್ತುತಪಡಿಸಿದರು. ಈ ಶೂ ಧರಿಸುವುದರಿಂದ ವಿದ್ಯುತ್ ಉತ್ಪಾದನೆಯಾಗುತ್ತದೆ ಎನ್ನುತ್ತಾರೆ ನಾರಾಯಣ್.

ಈ ಎಲೆಕ್ಟ್ರೋ ಶೂ ಒಂದು ಹೆಜ್ಜೆಗೆ 12.4 ವೋಲ್ಟ್ ವಿದ್ಯುತ್ ಉತ್ಪಾದಿಸುತ್ತದೆ. ಕೇವಲ 175 ರೂ.ನಲ್ಲಿ ಈ ಶೂ ವನ್ನು ತಯಾರಿ ಮಾಡಿದ್ದಾನೆ. ಈ ಶೂನೊಂದಿಗೆ 3 ರಿಂದ 4 ಕಿಲೋಮೀಟರ್ ಓಡಿದರೆ 90 ಪ್ರತಿಶತದಷ್ಟು ಮೊಬೈಲ್​ ಚಾರ್ಜ್ ಆಗುತ್ತದೆ.

ಅದೇ ಸಮಯದಲ್ಲಿ, ಶೂಲಾ ತಂತ್ರಜ್ಞಾನವನ್ನು ಬಳಸಿಕೊಂಡು, ಒಂದು ದಿನದಲ್ಲಿ ಲಕ್ಷಾಂತರ ವೋಲ್ಟ್ ವಿದ್ಯುತ್ ಉತ್ಪಾದಿಸುವ ಟೈಲ್ಸ್​​ಗಳನ್ನು ಸಹ ರಚಿಸಿದ್ದಾರೆ. ಇದು ಉತ್ಪಾದಿಸಿದ ವಿದ್ಯುತ್ ಅನ್ನು ಮಾರಾಟ ಮಾಡಲು ಸಹ ಸಹಾಯ ಮಾಡುವ ಇಸಿಪಿ ಎಂಬ ಸಾಧನವನ್ನು ಹೊಂದಿದೆ ಎಂದು ಹೇಳಲಾಗಿದೆ.