Mi Pay: ‘ಫೋನ್​ ಪೇ‘ಗೆ ಸೆಡ್ಡುಹೊಡೆಯಲಿದೆ ಶಿಯೋಮಿ ‘ಮಿ ಪೇ‘​ ಆ್ಯಪ್​; ಗೂಗಲ್​ ಪ್ಲೇ ಸ್ಟೋರ್​ನಲ್ಲೂ ಲಭ್ಯ

ಕಳೆದ ವರ್ಷ ಶಿಯೋಮಿ ಕಂಪೆನಿ ‘ಮಿ ಪೇ‘ ಪೇಮೆಂಟ್ ಆ್ಯಪ್ ಅನ್ನು ಬಿಡುಗಡೆ ಮಾಡಿತ್ತು. ಇದೀಗ ಈ ನೂತನ ಆ್ಯಪ್ ‘ಪ್ಲೇ ಸ್ಟೋರ್‘ನಲ್ಲೂ ಬಿಡುಗಡೆ ಮಾಡಿದೆ.

‘ಮಿ ಪೇ‘ ಡಿಜಿಟಲ್ ವ್ಯವಹಾರಗಳಿಗಾಗಿ ಉಪಯೋಗಿಸುವ ಆ್ಯಪ್ ಆಗಿದೆ. ಶಿಯೋಮಿ ಕಂಪೆನಿ 2018 ರ ಡಿಸೆಂಬರ್ ತಿಂಗಳಿನಲ್ಲಿ ‘ಮಿ ಪೇ‘ ಆ್ಯಪ್ ಆನ್ನು ಸಿದ್ದಪಡಿಸಿದ್ದು, ಅನಂತರ ರಾಷ್ಟ್ರೀಯ ಪಾವತಿ ನಿಗಮ(ಎನ್​ಸಿಪಿಐ) ಅನುಮೋದನೆಯ ಮೇರೆಗೆ ಬೀಟಾ ವರ್ಷನ್ ಅನ್ನು ಬಿಡುಗಡೆ ಮಾಡಿತ್ತು.

‘ಮಿ ಪೇ‘ ಆ್ಯಪ್ ವ್ಯವಹಾರಿಕ ಆ್ಯಪ್ ಆಗಿದ್ದು, ‘ಮಿ ಆ್ಯಪ್ ಸ್ಟೋರ್‘ ಮತ್ತು ‘ಗೂಗಲ್ ಪ್ಲೇ ಸ್ಟೋರ್‘ನಲ್ಲಿ ದೊರಕುತ್ತಿದೆ.

ಯುಪಿಐ ಆಧಾರಿತ ‘ಮಿ ಪೇ‘ ಆ್ಯಪ್ ‘ಫೋನ್​ ಪೇ‘, ‘ಗೂಗಲ್ ಪೇ‘ಯಂತೆ ಬಿಲ್ ಪೇಮೆಂಟ್, ರಿಚಾರ್ಜ್​ ಸೇವೆಯನ್ನು ಮಾಡಬಹುದಾಗಿದೆ. 

ಜೊತೆಗೆ ‘ಮಿ ಪೇ‘ ಆ್ಯಪ್ ಡೆಬಿಟ್​​ಕಾರ್ಡ್​ ಮತ್ತು ಕ್ರೆಡಿಟ್ ಕಾರ್ಡ್​ಗಳ ಆಯ್ಕೆಯನ್ನು ನೀಡಲಾಗಿದೆ. ಜೊತೆಗೆ ಯುಪಿಐ ಕ್ಯೂ ಆರ್ ಕೋಡ್ ಆಯ್ಕೆ ಇದೆ.