Smallest car: 1 ಲೀಟರ್​​ಗೆ​ 37 Km ಮೈಲೇಜ್​! ವಿಶ್ವದ ಅತಿ ಚಿಕ್ಕ ಕಾರಿನಲ್ಲಿ ಪ್ರಪಂಚ ಸುತ್ತುತ್ತಿದ್ದಾನೆ ಈತ

ಬೈಕ್ (Bike) ಮತ್ತು ಕಾರುಗಳನ್ನು (Car) ಇಷ್ಟಪಡುವವರು ಅನೇಕರು. ಅದರಲ್ಲೂ ಕೆಲವು ದುಬಾರಿ ಕಾರುಗಳನ್ನು ಅಥವಾ ಎನಾದರೊಂದು ವಿಶೇಷತೆ ಹೊಂದಿರುವ ಕಾರುಗಳನ್ನು ಬೇಗನೆ ಇಷ್ಟಪಡುತ್ತಾರೆ. ಅಷ್ಟು ಮಾತ್ರವಲ್ಲ ಕೊಂಡುಕೊಳ್ಳಬೇಕು ಎಂಬ ಪ್ಲಾನ್ ಹಾಕುತ್ತಾರೆ. ಆದರೆ ಖರೀದಿಸಲು ಸಾಧ್ಯವಾಗುವವರು ಖರೀದಿಸುತ್ತಾರೆ. ಇನ್ನು ಕೆಲವರು ಸುಮ್ಮನಾಗುತ್ತಾರೆ.

ಆದರೆ ವಿಶ್ವದ ಅತ್ಯಂತ ಚಿಕ್ಕ ಕಾರಿನ ಬಗ್ಗೆ ನಾವು ಹೇಳಲಿದ್ದೇವೆ. ಈ ಕಾರಿನ ಗಾತ್ರ ನೋಡಿ ಜನರು ಗೇಲಿ ಮಾಡುತ್ತಿದ್ದಾರಂತೆ. ಅಷ್ಟು ಮಾತ್ರವಲ್ಲದೆ, ಇದು ಕಡಿಮೆ ಪೆಟ್ರೋಲ್ ನಲ್ಲಿ ಅಧಿಕ ಮೈಲೇಜ್​ ನೀಡುವ ಕಾರಾಗಿದೆ. ಈ ವಿಶಿಷ್ಟ ಕಾರಿನ ಹೆಸರು ಪೀಲ್ ಪಿ 50.

ಇದು ಕೇವಲ 134 ಸೆಂ ಉದ್ದ, 98 ಸೆಂ ಅಗಲ, ಅದರ ಎತ್ತರ ಕೇವಲ 100 ಸೆಂ. ಇದರ ಮಾಲೀಕನ ಹೆಸರು ಅಲೆಕ್ಸ್ ಆರ್ಚಿನ್.

ಅಲೆಕ್ಸ್ ಆರ್ಚಿನ್ ಯುಕೆಯ ಸಸೆಕ್ಸ್ನಲ್ಲಿ ಪ್ರತಿದಿನ ಈ ಕಾರನ್ನು ಓಡಿಸುತ್ತಾರೆ. ಅಲೆಕ್ಸ್ನ ಎತ್ತರ ಸುಮಾರು 6 ಅಡಿ, ಆದ್ದರಿಂದ ಜನರು ಅಂತಹ ಸಣ್ಣ ಕಾರು ಕುಳಿತು ಅಥವಾ ಇಳಿಯುವುದನ್ನು ನೋಡಿ ದಂಗಾಗಿದ್ದಾರೆ. ಹೆಚ್ಚಿನ ಜನರು ಅವರ ಸಣ್ಣ ಕಾರನ್ನು ಗೇಲಿ ಮಾಡುತ್ತಾರೆ.

ಆದರೆ ಅಲೆಕ್ಸ್ ಅವರು ತಮ್ಮ ಕಾರಿನ ಮೈಲೇಜ್ನಿಂದ ಸಾಕಷ್ಟು ಸಂತೋಷವಾಗಿದ್ದಾರೆ ಎಂದು ಹೇಳುತ್ತಾರೆ. ಈ ಕಾರಿನಲ್ಲಿ 4.5 ಅಶ್ವಶಕ್ತಿಯ ಎಂಜಿನ್ ಅಳವಡಿಸಲಾಗಿದ್ದು, ಒಂದು ಲೀಟರ್ ಪೆಟ್ರೋಲ್ ನಲ್ಲಿ 42 ಕಿ.ಮೀ.ವರೆಗೆ ಓಡಿಸಬಹುದಾಗಿದೆ. ಪೀಲ್ ಇಂಜಿನಿಯರಿಂಗ್ ಎಂಬ ಕಂಪನಿ ಈ ಕಾರನ್ನು ತಯಾರಿಸುತ್ತದೆ. ಮೊದಲು ಈ ಕಾರನ್ನು 1962 ಮತ್ತು 1965 ರ ನಡುವೆ ತಯಾರಿಸಲಾಯಿತು, ನಂತರ ಅದನ್ನು 2010 ರಿಂದ ಅದರ ಉತ್ಪಾದನೆಯಲ್ಲಿ ಪುನರಾರಂಭಿಸಲಾಗಿದೆ.

ಆಕ್ಸೆಲ್ ಅವರು ಯಾವುದೇ ರಸ್ತೆಯಲ್ಲಿ ಹೋದರೂ ಜನರು ಅವರತ್ತ ತಿರುಗುತ್ತಾರೆ. ಅದಕ್ಕೆಲ್ಲಾ ಕಾರಣ ಅವರ ಕಾರು. 2010 ರಲ್ಲಿ, ಈ ಕಾರನ್ನು ವಿಶ್ವದ ಅತ್ಯಂತ ಚಿಕ್ಕ ಕಾರು ಎಂದು ಘೋಷಿಸಲಾಯಿತು ಮತ್ತು ಕಾರಿನ ಹೆಸರನ್ನು ಗಿನ್ನೆಸ್ ಬುಕ್ ಆಫ್ ವರ್ಲ್ಡ್ ರೆಕಾರ್ಡ್ನಲ್ಲಿ ನಮೂದಿಸಲಾಗಿದೆ.

ಈ ಕಾರು ಗಾತ್ರದಲ್ಲಿ ತುಂಬಾ ಚಿಕ್ಕದಾದರೂ, ಇದರ ಬೆಲೆ ನಿಮ್ಮನ್ನು ಆಶ್ಚರ್ಯಗೊಳಿಸುತ್ತದೆ. ಹೊಸ ಪಿ50 ಬೆಲೆ 84 ಲಕ್ಷ ರೂ.ಗಿಂತ ಹೆಚ್ಚಿದ್ದು, ಅದಕ್ಕಾಗಿಯೇ ಸೆಕೆಂಡ್ ಹ್ಯಾಂಡ್ ಪಿ50 ಖರೀದಿಸಿರುವುದಾಗಿ ಅಲೆಕ್ಸ್ ಹೇಳಿದ್ದಾರೆ.

ಇದರ ಗರಿಷ್ಠ ವೇಗ ಗಂಟೆಗೆ 37 ಕಿಮೀ ಮತ್ತು ಇದೇ ವೇಗದಲ್ಲಿ ಅಲೆಕ್ಸ್ ಕಳೆದ ವರ್ಷವಷ್ಟೇ ಈ ಕಾರಿನೊಂದಿಗೆ ಇಡೀ ಬ್ರಿಟನ್ನಲ್ಲಿ ಪ್ರಯಾಣಿಸಿದ್ದಾರೆ.