Google Map: ಗೂಗಲ್ ಮ್ಯಾಪ್ ನಂಬಿ ಸಂಕಷ್ಟಕ್ಕೆ ಸಿಲುಕಿದ್ದ ಮಹಿಳೆ.. ಆಕೆ ಬದುಕಿ ಬಂದದ್ದೇ ಒಂದು ಅಚ್ಚರಿ!

ಸ್ಮಾರ್ಟ್​ಫೋನಲ್ಲಿರುವ ಗೂಗಲ್ ಮ್ಯಾಪ್ ಕೆಲವೊಮ್ಮೆ ಆಪ್ತ ರಕ್ಷಕನಾದರೆ ಇನ್ನು ಕೆಲವೊಮ್ಮೆ ಅದುವೆ ನಮ್ಮನ್ನ ಸಂಕಷ್ಟಕ್ಕೆ ದೂಡುತ್ತದೆ. ಅದಕ್ಕೆ ಉದಾಹರಣೆ ಎಂಬಂತೆ ಈ ಘಟನೆ ಸಾಕ್ಷಿಯಾಗಿದೆ. ಮಹಿಳೆಯೊಬ್ಬಳು ಗೂಗಲ್ ಮ್ಯಾಪ್ ನಂಬಿ ಸುರಕ್ಷಿತವಲ್ಲದ ಸ್ಥಳಕೆ ಹೋಗಿ ಸಿಕ್ಕಿಹಾಕಿಕೊಂಡಿದ್ದಾಳೆ. ತಪ್ಪು ದಾರಿಯಲ್ಲಿ ಬಂದಿರುವುದು ಮಹಿಳೆಗೆ ಅನುಮಾನ ಮೂಡಿತ್ತಾದರು. ತಾನು ತಲುಪಿದ್ದ ಸ್ಥಳ ದರೋಡೆ ಮುಂತಾದ ಕುಖ್ಯಾತ ಘಟನೆಗಳಿಂದ ಗುರುತಿಸಿದೆ ಎಂಬುದು ನಂತರ ಗೊತ್ತಾಗಿದೆ.

ಮಹಿಳೆ ಸ್ಪೇನ್ ಹೋಗಿದ್ದಳು . ಅಲ್ಲಿನ ಮಾರ್ಕೆಟ್ ನಲ್ಲಿ ಶಾಪಿಂಗ್ ಮುಗಿಸಿ ಮನೆಗೆ ವಾಪಸ್ಸಾಗುವಾಗ ದಾರಿ ಮರೆತು ಹೋಗದಂತೆ ಗೂಗಲ್ ಮ್ಯಾಪ್ ಬಳಸಿದ್ದಳು. ಆದರೆ ಮಹಿಳೆಯನ್ನು ಗೂಗಲ್ ಮ್ಯಾಪ್ ಕುಖ್ಯಾತಿ ಘಟನೆಗಳಿಗೆ ಹೆಸರುವಾಸಿಯಾದಂತಹ ಸ್ಥಳಕ್ಕೆ ಕರೆದುಕೊಂಡು ಹೋಗಿದೆ.

ಮಹಿಳೆ ತನಗಾದ ಸಂಕಟವನ್ನು ಸಾಮಾಜಿಕ ಜಾಲತಾಣ ‘ರೆಡ್ಡಿಟ್’ನಲ್ಲಿ ವಿವರಿಸಿದ್ದಾಳೆ.  ಶಾಪಿಂಗ್ ಮಾಡಿದ ನಂತರ ಅವಳು ಮನೆಗೆ ಹಿಂತಿರುಗುವ ದಾರಿಯ ಬಗ್ಗೆ ಸ್ವಲ್ಪ ಗೊಂದಲಕ್ಕೊಳಗಾದಳು, ಆದ್ದರಿಂದ ಅವಳು ಗೂಗಲ್ ನಕ್ಷೆಗಳನ್ನು ಬಳಸುತ್ತಾಳೆ . ತಪ್ಪಾದ ಜಾಗಕ್ಕೆ ತೆರಳಿದ ಕಾರಣ ಆಕೆಯನ್ನು ಕಂಡ ದರೋಡೆಕೋರರು ದರೋಡೆ ಮಾಡಲು ಮುಂದಾಗುತ್ತಾರೆ.

ಮಹಿಳೆ ಹೇಳಿದಂತೆ, 'ನಾನು El Vacie ಯನ್ನು ತಲುಪಿದ ತಕ್ಷಣ, ಒಬ್ಬ ವ್ಯಕ್ತಿ ನನ್ನ ಬಳಿಗೆ ಬಂದು ನನ್ನ ಪರ್ಸ್ ಕಸಿದುಕೊಳ್ಳಲು ಪ್ರಾರಂಭಿಸಿದನು. ನಾನು ತಡೆದಾಗ ಅವನು ನನ್ನೊಂದಿಗೆ ಗುದ್ದಾಡಿದನು. ಇದಾದ ನಂತರ ಕಣ್ಣು ತೆರೆದಾಗ ಆಸ್ಪತ್ರೆಯಲ್ಲಿದ್ದೆ. ಆತ ನನ್ನ ಪರ್ಸ್ ದೋಚಿಕೊಂಡು ಹೋಗಿದ್ದ.

ಮಹಿಳೆ ನಡೆದ ಘಟನೆ ಬಗ್ಗೆ ದೂರು ನೀಡಲು ಪೊಲೀಸ್ ಠಾಣೆಗೆ ಹೋದಾಗ, ಅಧಿಕಾರಿಗಳು ಆ ಸ್ಥಳಕ್ಕೆ ಏಕೆ ಹೋದೆ ಎಂದು ಕೇಳಿದರು. ಅಲ್ಲದೆ ಆ ಪ್ರದೇಶವು ಅಪರಾಧ ಘಟನೆಗಳಿಗೆ ಕುಖ್ಯಾತವಾಗಿದೆ ಎಂದು ಹೇಳಿದರು. ಆದರೆ ಮಹಿಳೆ ತನಗೆ ಸರಿಯಾದ ದಾರಿ ನಕ್ಷೆಯನ್ನು ತೋರಿಸಲು ಗೂಗಲ್ ಮೊರೆ ಹೋದೆ. ಆದರೆ ಗೂಗಲ್ ಮ್ಯಾಪ್​ನಿಂದಾಗಿ ದರೋಡೆಗೆ ಒಳಗಾದೆ ಎಂದು ಸಂತ್ರಸ್ತ ಮಹಿಳೆ ಹೇಳಿದ್ದಾಳೆ