Airplane Mode: ಮೊಬೈಲ್‌ನಲ್ಲಿ ಫ್ಲೈಟ್ ಮೋಡ್ ಇರೋದು ಏಕೆ? ವಿಮಾನದಲ್ಲಿ ಪ್ರಯಾಣಿಸುವಾಗ ಯಾಕೆ ಅದನ್ನು ಆನ್ ಮಾಡ್ಬೇಕು?

ಈಗ ಮೊಬೈಲ್ ಜನರಿಗೆ ತುಂಬಾ ಉಪಯುಕ್ತವಾಗಿದೆ. ಮಾಹಿತಿ ಪಡೆಯುವುದರಿಂದ ಹಿಡಿದು ಹಣ ಪಾವತಿಸುವುದು, ಮೇಲ್ ಕಳುಹಿಸುವುದು ಹೀಗೆ ಹಲವಾರು ಕೆಲಸಗಳನ್ನು ಜನರು ಮೊಬೈಲ್ ಮೂಲಕ ಮಾಡುತ್ತಾರೆ. ಮೊಬೈಲ್ ಕೂಡ ಮನರಂಜನೆಯ ಸಾಧನವಾಗಿದೆ. ಆದ್ದರಿಂದ ಇದು ಜನರ ಜೀವನದ ಅವಿಭಾಜ್ಯ ಅಂಗವಾಗಿದೆ ಎಂದರೂ ತಪ್ಪೇನಿಲ್ಲ.

ಜನರು ಬೆಳಿಗ್ಗೆ ಎದ್ದ ಕ್ಷಣದಿಂದ ರಾತ್ರಿ ಮಲಗುವ ತನಕ ತಮ್ಮ ಫೋನ್ ಬಳಸುತ್ತಾರೆ. ಜನರು ಸ್ನಾನಗೃಹ ಮತ್ತು ದಿನದ ಇತರ ಕೆಲಸಗಳ ಸಮಯದಲ್ಲಿ ಫೋನ್‌ಗಳನ್ನು ಬಳಸುತ್ತಾರೆ. ಆದರೆ ಕೆಲವೊಂದು ಬಾರಿ ಸ್ಮಾರ್ಟ್​​ಫೋನ್​ಗಳನ್ನು ಆಫ್​ ಮಾಡಬೇಕಾದ ಅನಿವಾರ್ಯತೆ ಇರುತ್ತದೆ. ಅದರಲ್ಲೂ ವಿಮಾನ ಪ್ರಯಾಣ ಮಾಡುವಾಗ ಫೋನ್ ಏರೋಪ್ಲೇನ್ ಮೋಡ್​​ನಲ್ಲಿಡಲೇಬೇಕು.

ವಿಮಾನ ಹತ್ತುವಾಗ ಫೋನ್ ಅನ್ನು ಫ್ಲೈಟ್ ಮೋಡ್‌ನಲ್ಲಿ ಇರಿಸಲು ಸೂಚನೆಗಳನ್ನು ನೀಡುತ್ತಾರೆ. ಅಂತಹ ಸೂಚನೆಗಳನ್ನು ಏಕೆ ನೀಡುತ್ತಾರೆ ಎಂದು ನೀವು ಎಂದಾದರೂ ಯೋಚಿಸಿದ್ದೀರಾ? ನಾವು ಇದನ್ನು ಮಾಡದಿದ್ದರೆ ಅದರ ಪರಿಣಾಮಗಳು ಏನಾಗಬಹುದು? ಅನೇಕರಿಗೆ ಈ ಪ್ರಶ್ನೆ ಇದೆ. ಹಾಗಿದ್ರೆ ಈ ಬಗ್ಗೆ ಮಾಹಿತಿ ಇಲ್ಲಿದೆ.

ಮೊದಲಿಗೆ, ಏರೋಪ್ಲೇನ್​ ಮೋಡ್ ಎಂದರೇನು ಎಂದು ತಿಳಿಯೋಣ. ವಾಸ್ತವವಾಗಿ, ಫ್ಲೈಟ್ ಮೋಡ್ ಪ್ರತಿ ಮೊಬೈಲ್ ಫೋನ್ ಹೊಂದಿರುವ ಆಯ್ಕೆಯಾಗಿದೆ. ಈ ಮೋಡ್ ಅನ್ನು ಆನ್ ಮಾಡಿದ ತಕ್ಷಣ, ಸಿಗ್ನಲ್ ನೆಟ್ವರ್ಕ್ ಮತ್ತು ಇಂಟರ್ನೆಟ್ ಎರಡಕ್ಕೂ ಫೋನ್ ಸಂಪರ್ಕವು ಕೊನೆಗೊಳ್ಳುತ್ತದೆ. ಇದರಿಂದ ನೀವು ಯಾವುದೇ ಫೋನ್ ಸಂದೇಶಗಳನ್ನು, ಕಾಲ್​​ಗಳನ್ನು ಸಹ ಸ್ವೀಕರಿಸುವುದಿಲ್ಲ.

ಇನ್ನು ಈ ಏರೋಪ್ಲೇನ್​ ಮೋಡ್​ ಅನ್ನು ವಿಮಾನ ಪ್ರಯಾಣದಲ್ಲಿ ಏಕೆ ಬಳಸುತ್ತಾರೆ ಎಂದು ಹೆಚ್ಚಿನವರಲ್ಲಿ ಪ್ರಶ್ನೆ ಮೂಡುತ್ತದೆ. ವಾಸ್ತವವಾಗಿ, ವಾಯುಯಾನಕ್ಕಾಗಿ ಅನೇಕ ರೀತಿಯ ಸಂಚರಣೆ ವ್ಯವಸ್ಥೆಗಳು ಮತ್ತು ಸಂವಹನ ವ್ಯವಸ್ಥೆಗಳನ್ನು ಬಳಸಲಾಗುತ್ತದೆ. ಇಂತಹ ಪರಿಸ್ಥಿತಿಯಲ್ಲಿ ವಿಮಾನದಲ್ಲಿ ಕುಳಿತವರೆಲ್ಲರೂ ಫೋನ್​ನಲ್ಲಿ ಮಾತನಾಡುವುದನ್ನು ಮುಂದುವರಿಸಿದರೆ ಅಥವಾ ಇಂಟರ್ ನೆಟ್ ಬಳಸಿದರೆ ವಿಮಾನದ ಸಿಗ್ನಲ್ ವ್ಯವಸ್ಥೆಗೆ ತೊಂದರೆಯಾಗಬಹುದು. ಇದರಿಂದ ಪೈಲಟ್‌ಗಳು ರಾಡಾರ್ ಮತ್ತು ಕಂಟ್ರೋಲ್ ರೂಮ್‌ನೊಂದಿಗೆ ಸಂವಹನ ನಡೆಸಲು ಕಷ್ಟವಾಗಬಹುದು.

ಅತ್ಯಂತ ಮುಖ್ಯವಾದ ವಿಷಯವೆಂದರೆ ಮೊಬೈಲ್ ಫೋನ್‌ನಿಂದ ಹೊರಬರುವ ಅಲೆಗಳು ರಾಡಾರ್‌ಗೆ ಡಿಕ್ಕಿ ಹೊಡೆಯಲು ಪ್ರಾರಂಭಿಸುತ್ತವೆ. ವಿಮಾನದಲ್ಲಿ ಕುಳಿತಿರುವ ಎಲ್ಲಾ ಪ್ರಯಾಣಿಕರು ಮೊಬೈಲ್ ಫೋನ್‌ಗಳಲ್ಲಿ ಮಾತನಾಡಲು ಪ್ರಾರಂಭಿಸಿದರೆ, ವಿಮಾನದ ರೇಡಿಯೊ ಕೇಂದ್ರದ ಸಂಪರ್ಕವನ್ನು ಕಳೆದುಕೊಳ್ಳುವ ಅಪಾಯ ಹೆಚ್ಚಾಗುತ್ತದೆ.

ಇನ್ನು ವಿಮಾನದಲ್ಲಿ ಪ್ರಯಾಣಿಸುವಾಗ ಮೊಬೈಲ್ ಬಳಕೆ ಮಾಡಿದ್ರೆ, ಪೈಲಟ್ ನಿಯಂತ್ರಣ ಕೊಠಡಿಯಿಂದ ಸೂಚನೆಗಳನ್ನು ಸರಿಯಾಗಿ ಕೇಳಲು ಸಾಧ್ಯವಾಗುವುದಿಲ್ಲ ಅಥವಾ ಪೈಲಟ್ ಸಂದೇಶವನ್ನು ಸರಿಯಾಗಿ ಕೇಳಲಾಗುವುದಿಲ್ಲ. ಇದು ವಿಮಾನ ಅಪಘಾತದ ಸಾಧ್ಯತೆಯನ್ನು ಹೆಚ್ಚಿಸುತ್ತದೆ. ಅದಕ್ಲಾಗಿ ವಿಮಾನದಲ್ಲಿ ಮೊಬೈಲ್​ ಬಳಕೆ ನಿಷೇಧಿಸಲಾಗಿದೆ.