WhatsApp Companion Mode: ಶೀಘ್ರದಲ್ಲೇ ಬರಲಿದೆ ಹೊಸ ಫೀಚರ್ಸ್​! ಒಂದಕ್ಕಿಂತ ಹೆಚ್ಚು ಸ್ಮಾರ್ಟ್​ಫೋನ್​ಗಳಲ್ಲಿ ಖಾತೆ ತೆರೆಯುವ ಆಯ್ಕೆ!

WhatsApp Companion Mode : ಇನ್ನು ಮುಂದೆ ಒಂದಕ್ಕಿಂತ ಹೆಚ್ಚು ಸ್ಮಾರ್ಟ್​ಫೋನ್​ಗಳಲ್ಲಿ ವಾಟ್ಸ್​ಆ್ಯಪ್ ಖಾತೆಯನ್ನು ತೆರೆಯಬಹುದು. ವಾಟ್ಸ್​ಆ್ಯಪ್​​ನ ಬಹು-ಸಾಧನ ಹೊಂದಾಣಿಕೆಯ ವೈಶಿಷ್ಟ್ಯವು ಶೀಘ್ರದಲ್ಲೇ ಬರಲಿದೆ. ಈಗ WhatsApp ವೆಬ್ ಆವೃತ್ತಿಯನ್ನು ಬಳಸುವುದು ತುಂಬಾ ಸುಲಭವಾಗಿದೆ. ವಾಟ್ಸ್​ಆ್ಯಪ್​ನ ಈ ಹೊಸ ವೈಶಿಷ್ಟ್ಯವನ್ನು ಪ್ರಾರಂಭಿಸಿದಾಗ ಬಳಕೆದಾರರಿಗೆ ಹೆಚ್ಚಿನ ಪ್ರಯೋಜನವನ್ನು ನೀಡುತ್ತದೆ.

WABetainfo ಪ್ರಕಾರ, WhatsApp ಹೊಸ ಕಂಪ್ಯಾನಿಯನ್ ಮೋಡ್ ಅನ್ನು ಪ್ರಯೋಗಿಸುತ್ತಿದೆ. ವಾಟ್ಸ್​ಆ್ಯಪ್ ಬಳಕೆದಾರರು ಈ ರೀತಿಯ ಮೋಡ್ ಅನ್ನು ದೀರ್ಘಕಾಲದವರೆಗೆ ತರುವ ಬಗ್ಗೆ ಮಾತನಾಡುತ್ತಿದ್ದಾರೆ. ಈ ಬಾರಿ ವಾಟ್ಸ್​ಆ್ಯಪ್ ಬಳಕೆದಾರರಿಗೆ ಹೊಸ ಮೋಡ್ ಅನ್ನು ತರಲಿದೆ. ಈ ಮೋಡ್ ಬಳಕೆದಾರರಿಗೆ ಮೊಬೈಲ್ ಸಂಖ್ಯೆಯ ಮೂಲಕ ಎರಡು ಫೋನನ್​ಗಳಲ್ಲಿ ವಾಟ್ಸ್​ಆ್ಯಪ್ ಖಾತೆಯನ್ನು ಪ್ರಾರಂಭಿಸಲು ಅನುಮತಿಸುತ್ತದೆ.

ನೀವು ಮೊಬೈಲ್ ಸಂಖ್ಯೆಯೊಂದಿಗೆ WhatsApp ಖಾತೆಯನ್ನು ತೆರೆಯಬಹುದು ಮತ್ತು ಅದನ್ನು ಇನ್ನೊಂದು ಫೋನ್​ಗೆ ಲಿಂಕ್ ಮಾಡಬಹುದು. ಆದ್ದರಿಂದ ಈ ಮೋಡ್​ನೊಂದಿಗೆ ಬಳಕೆದಾರರು ಬೇರೆ ಫೋನ್​ಗಳಲ್ಲಿ WhatsApp ಖಾತೆಯನ್ನು ಬಳಸಲು ಸಾಧ್ಯವಾಗುತ್ತದೆ. ಇದನ್ನು ಫೋನ್ ಮತ್ತು ಇನ್ನೊಂದು ಟ್ಯಾಬ್ಲೆಟ್​ನಲ್ಲಿಯೂ ಬಳಸಬಹುದು.

WhatsApp ನ ಈ ಹೊಸ ವೈಶಿಷ್ಟ್ಯವನ್ನು Android ಮತ್ತು iOS ಎರಡೂ ಫೋನ್​ಗಳಲ್ಲಿ ಪರೀಕ್ಷಿಸಲಾಗುತ್ತಿದೆ ಎಂದು ಹೇಳುವ ಸ್ಕ್ರೀನ್​ಶಾಟ್ ಅನ್ನು Tipster ಹಂಚಿಕೊಂಡಿದೆ. ಈ ಹೊಸ ಫೀಚರ್​ನೊಂಇಗೆ ವಾಟ್ಸ್ಆ್ಯಪ್ ಅನ್ನು ಒಂದು ಸಾಧನದಲ್ಲಿ ಬಳಸುವಾಗ, ಮತ್ತೊಂದು ಸಾಧನದಲ್ಲಿ ವಾಟ್ಸ್​ಆ್ಯಪ್ ಸ್ವಯಂಚಾಲಿತವಾಗಿ ಲಾಗ್ ಔಟ್ ಆಗುತ್ತದೆ ಎಂದು ತಿಳಿದಿದೆ. ಆದರೆ ನೀವು ಯಾವಾಗಲೂ ಎಲ್ಲಾ ಸಂದೇಶಗಳು ಮತ್ತು ಫೈಲ್​ಗಳನ್ನು ಅಳಿಸುವ ಅಗತ್ಯವಿಲ್ಲ.

ಏಕೆಂದರೆ ಅದನ್ನು ಆ ಸಾಧನದಲ್ಲಿ ಸ್ಥಳಿಯವಾಗಿ ಸಂಗ್ರಹಿಸಲಾಗುತ್ತದೆ. ಎಲ್ಲಾ ಸಂದೇಶಗಳು ಮತ್ತು ಫೈಲ್​ಗಳನ್ನು ಅಳಿಸಲು ಯಾವಾಗಲೂ ಸಾಧ್ಯವಿಲ್ಲ. ಬಳಕೆದಾರರ ಅನುಕೂಲಕ್ಕಾಗಿ ವಾಟ್ಸ್​ಆ್ಯಪ್ ಈ ವೈಶಿಷ್ಟ್ಯವನ್ನು ಇನ್ನಷ್ಟು ಹೆಚ್ಚಿಸಲಿದೆ ಎಂದು ಭಾವಿಸಲಾಗಿದೆ.

WhatsApp ಇನ್ನು ಹೊಸ ಮೋಡ್ ಅನ್ನು ಪರೀಕ್ಷಿಸುತ್ತಿದೆ. ಆದರೆ ಮುಂದಿನ ತಿಂಗಳು WhatsApp ನ ಈ ಹೊಸ ವೈಶಿಷ್ಟ್ಯವನ್ನು ಪ್ರಾರಂಭಿಸಬಹುದು ಎಂದು ಭಾವಿಸಲಾಗಿದೆ. WhatsApp ಕಳೆದ ಕೆಲವು ವಾರಗಳಲ್ಲಿ ಹಲವಾರು ಹೊಸ ವೈಶಿಷ್ಟ್ಯಗಳನ್ನು ಪರಿಚಯಿಸಿದೆ. ಇದು ಎಮೋಜಿ ಪ್ರತಿಕ್ರಿಯೆ, 2GB ಫೈಲ್ ಹಂಚಿಕೆ ಮತ್ತು ಗುಂಪು ಧ್ವನಿ ಕರೆಗಳಿಗೆ 32 ಜನರನ್ನು ಸೇರಿಸುವಂತಹ ವೈಶಿಷ್ಟ್ಯಗಳನ್ನು ಒಳಗೊಂಡಿದೆ.