WhatsApp: ಇಲ್ಲಿದೆ ವಾಟ್ಸಪ್​​​ ಹೊಸ ಫೀಚರ್ಸ್​! ನೀವು ಈ ಆಯ್ಕೆ ಹೊಂದಿದ್ದೀರಾ ಗಮನಿಸಿ

WhatsApp ಪ್ರಪಂಚದಾದ್ಯಂತ 2 ಶತಕೋಟಿಗೂ ಹೆಚ್ಚು ಬಳಕೆದಾರರನ್ನು ಹೊಂದಿದೆ. ಆದರೆ ಇತ್ತೀಚಿಗೆ ವಾಟ್ಸಾಪ್ ಬಿಡುಗಡೆ ಮಾಡಿರುವ ಟಾಪ್ ಫೀಚರ್‌ಗಳು ಯಾವುವು ಎಂಬುದನ್ನು ಈಗ ತಿಳಿಯೋಣ.

ಇತ್ತೀಚೆಗೆ ಬಂದ ಈ ಹೊಸ ಫೀಚರ್ಸ್​ನಾ ನೀವು ಯೂಸ್​ ಮಾಡುತ್ತಿದ್ದೀರಾ ಎಂದು ಸ್ವಲ್ಪ ಇಲ್ಲಿ ಗಮನಿಸಿ. ಬಳಕೆದಾರರಿಗೆ ಉತ್ತಮ ಅನುಭವವನ್ನು ಒದಗಿಸುವ ಗುರಿಯನ್ನು ಹೊಂದಿರುವ ವೈಶಿಷ್ಟ್ಯಗಳನ್ನು ಪ್ರಾರಂಭಿಸಲಾಗುತ್ತಿದೆ.

ಬಳಕೆದಾರರು ಈಗಾಗಲೇ ಮಾತನಾಡುತ್ತಿರುವ ಕರೆಗೆ ಇನ್ನೊಬ್ಬ ವ್ಯಕ್ತಿಯನ್ನು ಆಹ್ವಾನಿಸಬಹುದು. ಈ ಸೌಲಭ್ಯವು ಆಡಿಯೋ ಮತ್ತು ವೀಡಿಯೋ ಕರೆಗಳೆರಡಕ್ಕೂ ಲಭ್ಯವಿದೆ. ಕರೆ ಲಿಂಕ್ ಅನ್ನು ಕುಟುಂಬದ ಸದಸ್ಯರು ಮತ್ತು ಸ್ನೇಹಿತರೊಂದಿಗೆ ಹಂಚಿಕೊಳ್ಳಬಹುದು.

WhatsApp ಬಳಕೆದಾರರು ಪ್ರತಿದಿನ ಸಂದೇಶಗಳನ್ನು ಕಳುಹಿಸುತ್ತಾರೆ. ಆದರೆ ಕೆಲವೊಮ್ಮೆ ತಪ್ಪಾಗಿ ಬೇರೆಯವರಿಗೆ ಸಂದೇಶ ಕಳುಹಿಸಬಹುದು. ಇದನ್ನು ತಿಳಿದುಕೊಂಡು ಸಂದೇಶವನ್ನು ಅಳಿಸಲು ಪ್ರಯತ್ನಿಸಿದಾಗ, ನೀವು ಡಿಲೀಟ್​ ಫಾರ್​ ಎವ್ರಿ ಒನ್​ ಮಾಡಿದರೂ ಸಹ ಅದನ್ನು ನೀವು ರದ್ದು ಪಡಿಸುವ ಆಯ್ಕೆ ಕೂಡ ಬಂದಿದೆ.

ಕಂಪನಿಯು ಇತ್ತೀಚೆಗೆ ವಾಟ್ಸಾಪ್ ಗುಂಪುಗಳಿಗೆ ಪೋಲ್ ವೈಶಿಷ್ಟ್ಯವನ್ನು ತಂದಿದೆ. ಯಾವುದೇ ವಿಷಯದ ಕುರಿತು ಗುಂಪಿನಲ್ಲಿ ಚರ್ಚೆ ನಡೆಸಲು ಈ ವೈಶಿಷ್ಟ್ಯವನ್ನು ಬಳಸಬಹುದು. WhatsApp ಪೋಲ್ ವೈಶಿಷ್ಟ್ಯವನ್ನು ಗುಂಪಿನ ಯಾವುದೇ ಸದಸ್ಯರು ಬಳಸಬಹುದು.

WhatsApp ಪರಿಚಯಿಸಿದ ಈ ವೈಶಿಷ್ಟ್ಯದ ಮೂಲಕ, ನಿಮ್ಮ ಸಂಖ್ಯೆಗೆ WhatsApp ಸಂದೇಶವನ್ನು ಕಳುಹಿಸಬಹುದು. ಈ WhatsApp Message to Yourselfನಲ್ಲಿ ನಿಮ್ಮ ಅಗತ್ಯ ಕೋಡ್​, ತರಕಾರಿ ಪಟ್ಟಿ, ದಿನದ ಕೆಲಸ ಇವುಗಳನ್ನು ಬರೆದಿಡಬಹುದು.

ವಾಟ್ಸಾಪ್ ಗ್ರೂಪ್ ಕಾಲ್‌ನಲ್ಲಿ ಭಾಗವಹಿಸುವವರ ಆಡಿಯೊವನ್ನು ಮ್ಯೂಟ್ ಮಾಡುವ ವೈಶಿಷ್ಟ್ಯವು ಇತ್ತೀಚೆಗೆ ಲಭ್ಯವಾಗಿದೆ.  ಗ್ರೂಪ್​ ಕಾಲ್​ನಲ್ಲಿ ನೀವು ಪ್ರತ್ಯೇಕವಾಗಿ ಸಂದೇಶ ಕಳುಹಿಸಬಹುದು.

ಇವಿಷ್ಟು ಹೊಸ ಫೀಚರ್ಸ್​ ಇದೀಗ ವಾಟ್ಸ್​ಆಪ್​ನಲ್ಲಿ ಲಭ್ಯವಿದೆ ಈ ಆಯ್ಕೆಗಳು ನಿಮಗೆ ಲಭ್ಯವಾಗಿಲ್ಲ ಅಂತಾದರೆ ಪ್ಲೇ ಸ್ಟೋರ್​ಗೆ ಹೋಗಿ ಅಪ್ಡೇಟ್ ಮಾಡಿಕೊಳ್ಳಿ. ಆಗ ಎಲ್ಲಾ ಆಯ್ಕೆಗಳು ಲಭ್ಯವಾಗುತ್ತದೆ.