WhatsApp: 21 ಹೊಸ ಎಮೋಜಿಗಳನ್ನು ಪರಿಚಯಿಸಿದ ವಾಟ್ಸಾಪ್​! ಹೇಗಿದೆ ಗೊತ್ತಾ?

ಜನಪ್ರಿಯ ಮೆಸೇಜಿಂಗ್ ಅಪ್ಲಿಕೇಶನ್ ವಾಟ್ಸಾಪ್​ ಕೆಲವು ಆಂಡ್ರಾಯ್ಡ್​ ಬೀಟಾ ಪರೀಕ್ಷಕರಿಗೆ 21 ಹೊಸ ಎಮೋಜಿಗಳನ್ನು ಬಿಡುಗಡೆ ಮಾಡಲು ಸಜ್ಜಾಗಿದೆ. ವಾಬೀಟಾಇನ್ಫೋ ಪ್ರಕಾರ, ಇನ್ಮುಂದೆ ಬಳಕೆದಾರರು ಈ 21 ಎಮೋಜಿಗಳನ್ನು ಕಳುಹಿಸಲು ವಿವಿಧ ಕೀಬೋರ್ಡ್‌ಗಳನ್ನು ಡೌನ್‌ಲೋಡ್ ಮಾಡುವ ಮತ್ತು ಬಳಸುವ ಅಗತ್ಯವಿಲ್ಲ. ಈ ಎಮೋಜಿಗಳನ್ನು ಅಧಿಕೃತ ವಾಟ್ಸಾಪ್​ ಕೀಬೋರ್ಡ್‌ನಿಂದಲೇ ನೇರವಾಗಿ ಕಳುಹಿಸಬಹುದು. 

ಈ ಹಿಂದೆ ಹೊಸ 21 ಎಮೋಜಿಗಳನ್ನು ವಾಟ್ಸಾಪ್​ನಲ್ಲಿ ಪರಿಚಯಿಸುವ ಬಗ್ಗೆ ಅಭಿವೃದ್ಧಿ ಹಂತದಲ್ಲಿದ್ದ ಕಾರಣ ಅಧಿಕೃತವಾಗಿ ವಾಟ್ಸಾಪ್​ ಕೀಬೋರ್ಡ್‌ನಲ್ಲಿ ಪರಿಚಯಿಸಿರಲಿಲ್ಲ.ಆದರೆ ಇನ್ಮುಂದೆ ಈ ಫೀಚರ್​ ಎಲ್ಲರಿಗೂ ಲಭ್ಯವಿರುತ್ತದೆ.

ವರದಿಯ ಪ್ರಕಾರ, ಕೆಲವು ಬಳಕೆದಾರರು ಇಂದಿನಿಂದ ಅಧಿಕೃತವಾಗಿ ವಾಟ್ಸಾಪ್​ ಕೀಬೋರ್ಡ್‌ನಿಂದ ಹೊಸ ಎಮೋಜಿಯನ್ನು ನೋಡಲು ಸಾಧ್ಯವಾಗುತ್ತದೆ. ಬಳಕೆದಾರರು ಈ ಎಮೋಜಿಗಳನ್ನು ಅಪ್ಲಿಕೇಶನ್‌ನ ವಿವಿಧ ಆವೃತ್ತಿಗಳಲ್ಲಿ ಬಳಸಲು ಸಾಧ್ಯವಾಗುತ್ತದೆ. ಅವುಗಳನ್ನು ಬಳಸಲು, ಬಳಕೆದಾರರು ತಮ್ಮ ಖಾತೆಯನ್ನು ಇತ್ತೀಚಿನ ಆವೃತ್ತಿಯಲ್ಲಿ ಡೌನ್‌ಲೋಡ್ ಮಾಡಬೇಕಾಗುತ್ತದೆ ಎಂದು ವರದಿಯಲ್ಲಿ ಹೇಳಲಾಗಿದೆ.

ಇದಲ್ಲದೆ, ಹೊಸ ಎಮೋಜಿಯು ಬಳಕೆದಾರರಲ್ಲಿ ಹರಡಿರುವ ಗೊಂದಲವನ್ನು ಕೊನೆಗೊಳಿಸಿದೆ ಎಂದು ವರದಿಯಲ್ಲಿ ಹೇಳಲಾಗಿದೆ. ಏಕೆಂದರೆ ಇದುವರೆಗೆ ಕೆಲವು ಬಳಕೆದಾರರಿಗೆ ಬೇರೆಯವರಿಂದ ಎಮೋಜಿಗಳನ್ನು ಪಡೆಯಬಹುದಿತ್ತು. ಆದರೆ ಕಳುಹಿಸಲು ಸಾಧ್ಯವಾಗುತ್ತಿರಲಿಲ್ಲ. ಆದರೆ ಇದು ಎಲ್ಲರಿಗೂ ಲಭ್ಯವಿರುತ್ತದೆ. 

ಈ ಮಧ್ಯೆ, ವಾಟ್ಸಾಪ್​ ಇದೀಗ ಮತ್ತೆ ಹೊಸ ಫೀಚರ್​ ಅನ್ನು ಅಭಿವೃದ್ಧಿಪಡಿಸುತ್ತಿದೆ ಎಂದು ವರದಿಯಾಗಿದೆ. ಅದರ ಹೆಸರು ಸೈಲೆಂಟ್ ಅನೌನ್​ ನಂಬರ್ ಕಾಲ್​. ಈ ಫೀಚರ್​ ಮೂಲಕ ಯಾವುದೇ ಅಪರಿಚಿತ ನಂಬರ್​ನಿಂದ ಕಾಲ್​ ಬಂದಾಗ ಅದನ್ನು ಕಾಲ್​ ಲೀಸ್ಟ್​ನಿಂದ, ನಾಟಿಫಿಕೇಶನ್​ನಿಂದ ಮ್ಯೂಟ್​ ಮಾಡಬಹುದು.

ಇನ್ನು ಈ ಹೊಸ ಫೀಚರ್​ ಪ್ರಸ್ತುತ ಆಂಡ್ರಾಯ್ಡ್​ ಬಳಕೆದಾರರಿಗಾಗಿ ವಾಟ್ಸಾಪ್​ ಬೀಟಾದಲ್ಲಿ ಅಭಿವೃದ್ಧಿ ಹಂತದಲ್ಲಿದೆ. ಇದರ ಹೊರತಾಗಿ, ವಾಟ್ಸಾಪ್​ ಐಒಎಸ್ ಬೀಟಾದಲ್ಲಿ ಹೊಸ 'ಪುಶ್ ನೇಮ್ ಇನ್ ದಿ ಚಾಟ್ ಲೀಸ್ಟ್' ವೈಶಿಷ್ಟ್ಯವನ್ನು ಹೊರತರುತ್ತಿದೆ. WABetaInfo ವರದಿಯ ಪ್ರಕಾರ, ಬಳಕೆದಾರರು ವಾಟ್ಸಾಪ್​ ಗ್ರೂಪ್​ನ ಅಪರಿಚಿತ ಸದಸ್ಯರಿಂದ ಸಂದೇಶವನ್ನು ಪಡೆದಾಗ, ಬೀಟಾ ಪರೀಕ್ಷಕರು ಪ್ರತಿ ಬಾರಿ ಫೋನ್ ಸಂಖ್ಯೆಯ ಬದಲಿಗೆ ಚಾಟ್ ಪಟ್ಟಿಯಲ್ಲಿ ನೇಮ್​​ ಅನ್ನು ನೋಡುತ್ತಾರೆ.

ಇನ್ನು ವಾಟ್ಸಾಪ್​ನ ಈ ಹೊಸ ಫೀಚರ್​ ಮೂಲಕ ಯಾವುದೇ ಹೊಸ ನಂಭರ್ ಅನ್ನು ಬೇಗನೆ ನೋಡ್ಬಹುದು. ಇದರಿಂದ ಬಳಕೆದಾರರಿಗೂ ಯಾವುದೇ ಗೊಂದಲವಾಗುವುದಿಲ್ಲ.

ವಾಟ್ಸಾಪ್‌ನಲ್ಲಿ ಈಗಾಗಲೇ ವಾಯ್ಸ್‌ ಹಾಗೂ ವಿಡಿಯೋ ಕರೆ ಮಾಡಲು ಅವಕಾಶ ನೀಡಲಾಗಿದೆ. ಅದಾಗ್ಯೂ ಈ ವಿಭಾಗದಲ್ಲಿ ಇನ್ನಷ್ಟು ಹೊಸ ಸೌಲಭ್ಯ ಕಲ್ಪಿಸಿಕೊಡಲು ಮುಂದಾಗಿರುವ ವಾಟ್ಸಾಪ್ ಬಳಕೆದಾರರಿಗೆ ಮುಂಚಿತವಾಗಿಯೇ ಕರೆಯನ್ನು ನಿಗದಿಪಡಿಸುವ ಆಯ್ಕೆಯ ಫೀಚರ್ಸ್‌ ನೀಡುವಲ್ಲಿ ಕಾರ್ಯನಿರ್ವಹಿಸುತ್ತಿದೆ ಎಂದು ತಿಳಿದುಬಂದಿದೆ.