Whatsapp: ನಿಮ್ಮ ವಾಟ್ಸ್ಆ್ಯಪ್ ಡಿಪಿಯನ್ನು ಯಾರೆಲ್ಲಾ ನೋಡುತ್ತಿದ್ದಾರೆ ಗೊತ್ತಾ? ಹೀಗೆ ತಿಳಿಯಿರಿ

ಬಹುತೇಕ ಜನರು ವಾಟ್ಸ್ಆ್ಯಪ್ ಬಳಸುತ್ತಿದ್ದಾರೆ. ಅದರ ಮೂಲಕ ದೈನಂದಿನ ಸಂವಹನ, ವ್ಯವಹಾರ ನಡೆಸುತ್ತಿದ್ದಾರೆ. ಅಷ್ಟರ ಮಟ್ಟಿಗೆ ವ್ಯಾಟ್ಆ್ಯಪ್ ಬಳಕೆದಾರರ ಸ್ನೇಹಿ ಎನಿಸಿಕೊಂಡಿದೆ. ಇಂದು ವ್ಯಾಟ್ಆ್ಯಪ್ ಟ್ರಿಕ್ಸ್​​​ಗಳಿಗಾಗಿ ಸಾಕಷ್ಟು ಆ್ಯಪ್​ಗಳು ತಲೆಎತ್ತಿಕೊಂಡಿವೆ. ಥರ್ಡ್ ಪಾರ್ಟಿ ಆ್ಯಪ್ ಮೂಲಕ ವ್ಯಾಟ್ಆ್ಯಪ್ ಕುರಿತಾದ ಕೆಲವು ಟ್ರಿಕ್ಸ್ ಬಳಸುತ್ತಿದ್ದಾರೆ.

ಅದರಂತೆ ಇದೀಗ ವ್ಯಾಟ್ಆ್ಯಪ್ ಡಿಪಿಯನ್ನು ಯಾರೆಲ್ಲಾ ನೋಡಿದ್ದಾರೆ ಎಂದು ಕೂಡ ತಿಳಿಯಬಹುದಾದ ಟ್ರಿಕ್ಸ್ ಒಂದಿದೆ. ಆ್ಯಪ್ ಮೂಲಕ ನಿಮಗೆ ಗೊತ್ತಿರುವ ಮತ್ತು ಗೊತ್ತಿಲ್ಲದೆ ಇರುವ ಸ್ನೇಹಿತರು ಯಾರಾದರು ಡಿಪಿ ಪರಿಶೀಲಿಸಿದ್ದಾರೆಯೇ ಎಂದು ತಿಳಿಯಬಹುದು. ಹಾಗಿದ್ದರೆ ಅದು ಹೇಗೆ? ಆ್ಯಪ್ ಯಾವುದು? ಈ ಬಗ್ಗೆ ಮಾಹಿತಿ ಇಲ್ಲಿದೆ.

ಥರ್ಟ್​​ಪಾರ್ಟಿ ಆ್ಯಪ್ ಡೌನ್ಲೋಡ್ ಮಾಡಿಕೊಳ್ಳುವ ಮೂಲಕ ವಾಟ್ಸ್ಆ್ಯಪ್ ಡಿಪಿಯನ್ನು ಪರಿಶೀಲಿಸಬಹುದಾಗಿದೆ. ಅಷ್ಟು ಮಾತ್ರವಲ್ಲದೆ ಡಿಪಿಯನ್ನು ನೋಡುವವರ ಹೆಸರು ಅವರ ನಂಬರ್ ಕೂಡ ತಿಳಿಯಬಹುದಾಗಿದೆ.

ವ್ಯಾಟ್ಸ್ಆ್ಯಪ್ ಡಿಪಿಯನ್ನು ಯಾರೆಲ್ಲಾ ನೋಡಿದ್ದಾರೆಂದು ತಿಳಿಯಲು ಮೊದಲು ಪ್ಲೇ ಸ್ಟೋರ್​ನಲ್ಲಿರುವ  whatsapp-who viewed me ಅಥವಾ whatsapp tracker ಎಂಬ ಥರ್ಡ್ ಪಾರ್ಟಿ ಅಪ್ಲಿಕೇಶನ್ ಅನ್ನು ಡೌನ್ಲೋಡ್ ಮಾಡಬೇಕು. ಇದರ ಜತೆಗೆ 1mobile market ಕೂಡ ಡೌನ್ಲೋಡ್ ಮಾಡಬೇಕು. ಆದರೆ 1 ಮೊಬೈಲ್ ಮಾರ್ಕೆಟ್ ಆ್ಯಪ್ ಇಲ್ಲದೆ ವ್ಯಾಟ್ಸ್ಆ್ಯಪ್-ಹು ವ್ಯೂವ್ಡ್ ಡೌನ್ಲೋಡ್ ಆಗುವುದಿಲ್ಲ.

ಸಾಮಾನ್ಯವಾಗಿ ಹೊಸ ಡಿಪಿಯನ್ನು ಬದಲಾಯಿಸಿದಾಗ ಸ್ನೇಹಿತರ ನಿಮ್ಮ ಡಿಪಿ ಪರಿಶೀಲಿಸುತ್ತಾರೆ. ಅದರಂತೆ ನಿಮಗೆ ಗೊತ್ತಿಲ್ಲದೆ ಡಿಪಿ ಪರಿಶೀಲಿಸಿದವರನ್ನು ನೋಡಬಹುದಾಗಿದೆ. ಪ್ರತಿ ದಿನ ಯಾರೆಲ್ಲಾ ಡಿಸ್​ಪ್ಲೇ ಪಿಕ್ಚರ್ ನೋಡುತ್ತಾರೆ ಎಂದು ತಿಳಿಯಬಹುದಾಗಿದೆ.

ಗೂಗಲ್ ಪ್ಲೇ ಸ್ಟೋರ್​ನಿಂದ ಯಾವುದೇ ಆ್ಯಪ್ ಡೌನ್ಲೋಡ್ ಮಾಡುವ ಮುನ್ನ ಪರಿಶೀಲಿಸಿ. ಯಾಕೆಂದರೆ ಕೆಲವು ಆ್ಯಪ್​ಗಳು ಸುರಕ್ಷಿತವಾಗಿರುವುದಿಲ್ಲ. ಮಾತ್ರವಲ್ಲದೆ ಬಳಕೆದಾರರನ ಮಾಹಿತಿಯನ್ನು ಎಗರಿಸುವ ತಂತ್ರವನ್ನು ಹೊಂದಿರುತ್ತದೆ.

ಹಾಗಾಗಿ ಯಾವುದೇ ಥರ್ಟ್ ಪಾರ್ಟಿ ಅಪ್ಲಿಕೇಶನ್ ಡೌನ್ಲೋಡ್ ಮಾಡುವ ಮುನ್ನ ಪರಿಶೀಲಿಸಿ ಡೌನ್ಲೋಡ್ ಮಾಡಿರಿ. ಬಳಿಕ ಉಪಯೋಗಿಸಿರಿ