Google: ಮದುವೆಯಾಗದ ಪುರುಷರು ಮುಜುಗರವಿಲ್ಲದೆ ಗೂಗಲ್​ನಲ್ಲಿ ಈ ವಿಚಾರವನ್ನು ಹುಡುಕಾಡುತ್ತಾರಂತೆ!

ಪ್ರತಿಯೊಬ್ಬರೂ ಸ್ಮಾರಟ್​ಫೋನ್ ಅಥವಾ ಲ್ಯಾಪ್​ಟಾಪ್ ಮೂಲಕ ಗೂಗಲ್ ಅನ್ನು ಬಳಸುತ್ತಾರೆ. ಪ್ರತಿಯೊಂದು ಸಮಸ್ಯೆಗೂ ಗೂಗಲ್​ನಿಂದ ಪರಿಹಾರ ಸಿಗುತ್ತದೆ. ಯಾವುದಾದರು ತಿಳಿಯದೇ ಇರುವ ಹೊಸ ಸಂಗತಿಯನ್ನು ಗೂಗಲ್ ತಿಳಿಸಿಕೊಡುವ ಮೂಲಕ ಸಹಾಯ ಮಾಡುತ್ತದೆ.

ಅಂದಹಾಗೆಯೇ ಇತ್ತೀಚೆಗೆ ವರದಿಯೊಂದು ಬಹಿರಂಗಗೊಂಡಿದ್ದು, ಅದರಲ್ಲಿ ಪುರುಷರು ಮತ್ತು ಹುಡುಗರು ಗೂಗಲ್​ನಲ್ಲಿ ಯಾವುದನ್ನು ಹೆಚ್ಚು ಹುಡುಕುತ್ತಾರೆ ಎಂಬುದನ್ನು ತಿಳಿಸಿದೆ. ಹಾಗಿದ್ದರೆ, ಪುರುಷರು ಗೂಗಲ್​ನಲ್ಲಿ ಏನು ಹುಡುಕುತ್ತಾರೆ ಎಂದು ತಿಳಿಯೋಣ.

From-Mars.com ನ ವರದಿಯ ಪ್ರಕಾರ, ಪುರುಷರು Google ನಲ್ಲಿ ಅತಿ ಹೆಚ್ಚು ಹುಡುಕುವ ವಿಷಯವೆಂದರೆ ಅವರ ಲೈಂಗಿಕತೆ. ವರದಿಯ ಪ್ರಕಾರ, ಪ್ರತಿ ವರ್ಷ ಸುಮಾರು 68 ಸಾವಿರ ಪುರುಷರು ಅವರು ದುರ್ಬಲರೇ ಅಥವಾ ಇಲ್ಲವೇ ಎಂದು ಹುಡುಕುತ್ತಾರೆ.

ಇದರೊಂದಿಗೆ ಹುಡುಗರು ಕ್ಷೌರ ಮಾಡುವುದರಿಂದ ಗಡ್ಡ ಕೂದಲು ಹೆಚ್ಚು ಬೆಳೆಯುತ್ತದೆಯೇ ಅಥವಾ ಇಲ್ಲವೇ ಮತ್ತು ಗಡ್ಡವನ್ನು ದಪ್ಪವಾಗಿಸುವ ಮಾರ್ಗಗಳು ಯಾವುವು ಎಂದು ಗೂಗಲ್​ನಲ್ಲಿ ಹುಡುಕಾಡುತ್ತಾರೆ.

ಪೋನಿಟೇಲ್ ಮಾಡುವುದು ಅಥವಾ ಟೋಪಿ ಧರಿಸುವುದು ಕೂದಲಿನ ಮೇಲೆ ಹೇಗೆ ಪರಿಣಾಮ ಬೀರುತ್ತದೆ ಎಂಬುದನ್ನು ಪುರುಷರು ತಿಳಿದುಕೊಳ್ಳಲು ಗೂಗಲ್ ಮೊರೆ ಹೋಗುತ್ತಾರೆ. ವರ್ಕೌಟ್ ದಿನಚರಿ, ಬಾಡಿ ಬಿಲ್ಡಿಂಗ್ ಹೇಗೆ ಮಾಡಬೇಕು ಮತ್ತು ಯಾವ ಪ್ರೊಟೀನ್ ಶೇಕ್ ಕುಡಿಯಬೇಕು ಇವೆಲ್ಲವೂ ಗೂಗಲ್ ಸರ್ಚ್ ನಲ್ಲಿ ಹುಡುಗರು ಸರ್ಚ್ ಮಾಡುತ್ತಾರೆ.

ಈ ವರದಿಯಲ್ಲಿ ಮತ್ತೊಂದು ಆಘಾತಕಾರಿ ಅಂಶ ಬೆಳಕಿಗೆ ಬಂದಿದೆ. ವರದಿಯ ಪ್ರಕಾರ, ಪುರುಷರ ಟಾಪ್ ಗೂಗಲ್ ಸರ್ಚ್ನಲ್ಲಿ ಸ್ತನ ಕ್ಯಾನ್ಸರ್ ಕೂಡ ಸೇರಿದೆ. ಸ್ತನ ಕ್ಯಾನ್ಸರ್ ಮಹಿಳೆಯರಲ್ಲಿ ಸಾಮಾನ್ಯವಾಗಿದೆ, ಆದರೆ ಹುಡುಗರಿಗೆ ಸ್ತನ ಕ್ಯಾನ್ಸರ್ ಬರುತ್ತದೆಯೇ ಎಂದು ತಿಳಿಯಲು ಹುಡುಗರು ಬಯಸುತ್ತಾರೆ. ಇದು ಹೇಗೆ ಸಂಭವಿಸುತ್ತದೆ ಮತ್ತು ಶೇಕಡಾವಾರು ಸಂಭವನೀಯತೆ ಏನು ಎಂದು ಹುಡುಕಾಡಿದ್ದಾರೆ.

ಹುಡುಗರು ಕೂಡ ಗೂಗಲ್ನಲ್ಲಿ ಹುಡುಗಿಯರ ಬಗ್ಗೆ ಅನೇಕ ವಿಷಯಗಳನ್ನು ತಿಳಿದುಕೊಳ್ಳಲು ಬಯಸುತ್ತಾರೆ. ಈ ವರದಿಯ ಪ್ರಕಾರ, ಹುಡುಗರು ಹುಡುಗಿಯರನ್ನು ಹೇಗೆ ಮೆಚ್ಚಿಸಬಹುದು, ಹುಡುಗಿಯರು ಹೇಗೆ ಸಂತೋಷವಾಗಿರುತ್ತಾರೆ ಮತ್ತು ಅವರು ಇಷ್ಟಪಡುವ ಮತ್ತು ಇಷ್ಟಪಡದಿರುವದನ್ನು ಗೂಗಲ್​ನಲ್ಲಿ ಹುಡುಕುತ್ತಾರೆ. ಮದುವೆಯ ನಂತರ ಹುಡುಗಿಯರು ಏನು ಮಾಡುತ್ತಾರೆ ಎಂದು ತಿಳಿಯಲು ಹುಡುಗರು ಬಯಸುತ್ತಾರೆ.