QR Code ಒಳಗೆ ಅಂತದ್ದೇನಿದೆ ಗೊತ್ತಾ? ಇದನ್ನು ಬೇಕಾಬಿಟ್ಟಿ ಬಳಸಿದ್ರೆ ನಿಮ್ಮ ಬ್ಯಾಂಕ್‌ ಅಕೌಂಟ್ ಖಾಲಿ!

QR ಕೋಡ್ ಎಂದರೆ ಕ್ವಿಕ್ ರೆಸ್ಪಾನ್ಸ್ ಕೋಡ್ ಎಂದರ್ಥ. ಇದು ಒಂದು ರೀತಿಯ 2D ಬಾರ್ ಕೋಡ್ ಆಗಿದೆ. ಇನ್ನು ಇದರಲ್ಲಿರುವ ಡಾಕ್ಯುಮೆಂಟ್​​ಗಳು ಬಿಳಿ ಮತ್ತು ಕಪ್ಪು ಬಣ್ಣದಲ್ಲಿರುತ್ತದೆ. ಹೆಸರೇ ಸೂಚಿಸುವಂತೆ ಈ ಕ್ಯೂಆರ್‌​ ಕೋಡ್​ ಪ್ರತಿಯೊಬ್ಬರಿಗೂ ತಕ್ಷಣ ಸಹಕಾರಿಯಾಗುತ್ತದೆ.

ಇನ್ನು ಈ ಕಪ್ಪು ಮತ್ತು ಬಿಳಿ ಬಣ್ಣದಲ್ಲಿರುವ ಆ ಗ್ರಿಡ್‌ಗಳಲ್ಲಿ ಮಾಹಿತಿಯು ಪಠ್ಯ ರೂಪದಲ್ಲಿರಬಹುದು ಅಥವಾ URL ರೂಪದಲ್ಲಿ ಸಹ ಇರಬಹುದು. ಇಲ್ಲದಿದ್ದರೆ ಕಾಂಟ್ಯಾಕ್ಟ್​ ರೂಪದಲ್ಲಿಯೂ ಇರಬಹುದು. ಆದ್ರೆ ಇದನ್ನು ತಿಳಿಬೇಕಾದ್ರೆ ಕೆಲವೊಂದು ಟ್ರಿಕ್ಸ್​ಗಳಿವೆ.

ಇನ್ನು QR ಕೋಡ್‌ಗಳು ಸಾಂಪ್ರದಾಯಿಕ ಬಾರ್ ಕೋಡ್‌ಗಳಿಗಿಂತ ಹೆಚ್ಚಿನ ಮಾಹಿತಿಯನ್ನು ಒಳಗೊಂಡಿರುತ್ತವೆ. ಏಕೆಂದರೆ ಅವುಗಳನ್ನು ಸ್ಕ್ಯಾನರ್‌ಗಳ ಮೂಲಕ ಯಾವುದೇ ದಿಕ್ಕಿನಿಂದ ಸ್ಕ್ಯಾನ್ ಮಾಡಬಹುದು. ಇದಲ್ಲದೆ ಇದು ಕಡಿಮೆ ಜಾಗದಲ್ಲಿ ಹೆಚ್ಚಿನ ಮಾಹಿತಿಯನ್ನು ಒಳಗೊಂಡಿರುತ್ತದೆ. ಅದಕ್ಕಾಗಿಯೇ QR ಕೋಡ್‌ಗಳನ್ನು ಜಾಹೀರಾತುಗಳು, ಪ್ಯಾಕೇಜಿಂಗ್, ಪಾವತಿಗಳಂತಹ ಎಲ್ಲಾ ರೀತಿಯ ವಿಧಾನಗಳಲ್ಲಿ ಬಳಸಲಾಗುತ್ತಿದೆ.

QR ಕೋಡ್ ಅನ್ನು ಯಾವತ್ತೂ ನಮ್ಮ ಕಣ್ಣುಗಳಿಂದ ಓದಲಾಗುವುದಿಲ್ಲ. ಮೊಬೈಲ್ ಕ್ಯಾಮೆರಾಗಳು ಸಹ ಅದನ್ನು ರೀಡ್ ಮಾಡುವುದಿಲ್ಲ. ಆದರೆ ಅವುಗಳನ್ನು ಓದಲು, ಕೋಡ್ ರೀಡರ್ ಅತ್ಯಗತ್ಯ. ಈ ಕೋಡ್​ ರೀಡರ್ ಅನ್ನು ಹಲವು ಅಪ್ಲಿಕೇಶನ್‌ಗಳ ರೂಪದಲ್ಲಿ ನೀಡಲಾಗಿದೆ. ಆದ್ದರಿಂದ ಈ ರೀಡರ್  ಅಪ್ಲಿಕೇಶನ್​​ಗಳನ್ನು ಬಳಸಿಕೊಂಡು ಕ್ಯೂಆರ್‌​ ಕೋಡ್ ರೀಡ್​ ಮಾಡ್ಬಹುದು.

ಕೋಡ್ ರೀಡರ್: QR ಕೋಡ್ ಅನ್ನು ಓದಲು ಈ ಅಪ್ಲಿಕೇಶನ್ ಮೂಲಕ ಮೊಬೈಲ್ ಕ್ಯಾಮೆರಾವನ್ನು ಬಳಸುತ್ತದೆ. ಮೊದಲು ಇದು ಸಂಪೂರ್ಣ ಕೋಡ್ ಅನ್ನು ಸ್ಕ್ಯಾನ್ ಮಾಡುತ್ತದೆ. ಅದರ ನಂತರ ಅದು ಮಾಹಿತಿಯನ್ನು ಡಿಕೋಡ್ ಮಾಡುತ್ತದೆ ಮತ್ತು ಅದರ ಬಗ್ಗೆ ಮಾಹಿತಿಯನ್ನು ತೋರಿಸುತ್ತದೆ.

ಕೋಡ್​ ರೀಡರ್ ಮೂಲಕ ಕ್ಯೂಆರ್‌​ ಕೋಡ್ ಅನ್ನು ರೀಡ್ ಮಾಡಿದ್ರೆ ಬ್ಯಾಂಕ್​ನಲ್ಲಿದ್ದ ಹಣ ಖಾಲಿಯಾಗುತ್ತದೆಯೇ ಎಂಬ ಪ್ರಶ್ನೆ ಹಲವರಿಗೆ ಇದೆ. ಆದ್ರೆ ಇದು ನಾವು ಬಳಸೋ ವಿಧಾನದ ಮೇಲೆ ಡಿಪೆಂಡ್ ಆಗಿರುತ್ತದೆ. ಏಕೆಂದರೆ ಕೆಲವೊಂದು ಕೋಡ್​ ರೀಡರ್ ಆ್ಯಪ್​ಗಳು ಹ್ಯಾಕರ್ಸ್​​ಗಳು ಕ್ರಿಯೇಟ್ ಮಾಡಿರ್ತಾರೆ. ತಪ್ಪಿ ಬಳಕೆದಾರರು ಅದನ್ನು ಡೌನ್​ಲೋಡ್​ ಮಾಡಿ ಬಳಸಿದ್ರೆ ನಿಮ್ಮ ಬ್ಯಾಂಕ್​ ಅಕೌಂಟ್​ ವಂಚಕರ ಕೈಸೇರುತ್ತೆ.

ಇನ್ನು ಕೆಲವೊಂದು ಕ್ಯೂಆರ್‌ ಕೋಡ್​​ಗಳು ಸಹ ವಂಚನೆಯ ಉದ್ದೇಶದಿಂದ ಕ್ರಿಯೇಟ್ ಆಗಿರುತ್ತದೆ. ಆದ್ದರಿಂದ ಅನೌನ್​ ಕ್ಯೂಆರ್‌​ ಕೋಡ್​ಗಳನ್ನು ಸ್ಕ್ಯಾನ್ ಮಾಡೋ ಮುನ್ನ ಎಚ್ಚರದಿಂದಿರಬೇಕು. ಈ ಸಂದರ್ಭದಲ್ಲೂ ನಿಮ್ಮ ಬ್ಯಾಂಕ್​ನಲ್ಲಿರೋ ಹಣವನ್ನು ವಂಚಕರು ದೋಚುವ ಸಾಧ್ಯತೆಗಳು ಹೆಚ್ಚಿರುತ್ತದೆ.