Short Circuit: ಈ ರೀತಿ ಮಾಡಿದ್ರೆ ಮಳೆಗಾಲದಲ್ಲಿ ಶಾರ್ಟ್​​ ಸರ್ಕ್ಯೂಟ್​ ಹೆಚ್ಚಾಗಿ ಸಂಭವಿಸುತ್ತದೆ! ಅನಾಹುತ ತಪ್ಪಿಸೋಕೆ ಹೀಗೆ ಮಾಡಿ

ಫ್ರಿಡ್ಜ್, ಎಸಿ, ಟಿವಿ, ಮೈಕ್ರೋವೇವ್, ಲೈಟ್, ಫ್ಯಾನ್ ನಂತಹ ಗೃಹೋಪಯೋಗಿ ವಸ್ತುಗಳು ವಿದ್ಯುತ್ ನಿಂದ ಕೆಲಸ ಮಾಡುತ್ತವೆ. ನಿಮ್ಮ ದೈನಂದಿನ ಬಳಕೆಯ ಫೋನ್ ಕೂಡ ಚಾರ್ಜ್ ಮಾಡದಿದ್ದರೆ ಆಫ್​​ ಆಗುತ್ತದೆ. ವಾಸ್ತವವಾಗಿ, ನಿಮ್ಮ ಮನೆ ಸಹ ವಿದ್ಯುತ್ ಇಲ್ಲದೆ ಕಾರ್ಯನಿರ್ವಹಿಸುವುದಿಲ್ಲ. ಆದರೆ ವಿದ್ಯುತ್ ನಮಗೆ ಎಷ್ಟು ಒಳ್ಳೆಯದನ್ನು ಮಾಡುತ್ತದೆಯೋ ಅಷ್ಟೇ ಹಾನಿಯನ್ನೂ ಸಹ ಮಾಡುತ್ತದೆ.

ಯಾರೇ ಆಗಲಿ ವಿದ್ಯುತ್​​ ಸಂಬಂಧಿಸಿದ ವಸ್ತುಗಳನ್ನು ಬಳಸುವಾಗ ಎಚ್ಚರಿಕೆಯಿಂದಿರಬೇಕು. ನಾವು ಮಾಡುವಂತಹ ಸಣ್ಣ ನಿರ್ಲಕ್ಷ್ಯವು ಶಾರ್ಟ್​ ಸರ್ಕ್ಯೂಟ್​​ ಆಗಲು ಕಾರಣವಾಗಬಹುದು.

ಮನೆಯಲ್ಲಿ ವಿದ್ಯುತ್ ಪೂರೈಕೆಗಾಗಿ ಅನೇಕ ವೈರ್​​ಗಳನ್ನು ಒಟ್ಟಿಗೆ ಜೋಡಿಸಲಾಗಿದೆ. ಇದು ಮುಖ್ಯ ಪವರ್ ಕಂಟ್ರೋಲ್ ಬೋರ್ಡ್‌ನಿಂದ ಎಲ್ಲಾ ಸ್ವಿಚ್‌ಗಳಿಗೆ ಕರೆಂಟ್ ಅನ್ನು ಒಯ್ಯುತ್ತದೆ. ಆದ್ದರಿಂದ ಹೆಚ್ಚಿನ ಶಕ್ತಿಯ ಸಾಧನಗಳನ್ನು ಬಳಸಿದಾಗ, ವಿದ್ಯುತ್ ಹರಿವಿನಲ್ಲಿ ಅಡಚಣೆಗಳು ಉಂಟಾಗುತ್ತವೆ. ನಂತರ ವೈರ್​ಗಳಲ್ಲಿ ಶಾರ್ಟ್ ಸರ್ಕ್ಯೂಟ್ ಸಂಭವಿಸುತ್ತದೆ.

ಈ ಕಾರಣಗಳು ಶಾರ್ಟ್ ಸರ್ಕ್ಯೂಟ್​ಗೆ ಕಾರಣವಾಗುತ್ತವೆ: ಬೋರ್ಡ್​ ಒಳಗಿನ ತಂತಿಗಳಿಗೆ ಕೀಟಗಳು ಅಥವಾ ಇನ್ನಾವುದೇ ಕಾರಣದಿಂದ ಹಾನಿಗೊಳಗಾದರೆ ಶಾರ್ಟ್ ಸರ್ಕ್ಯೂಟ್ ಆಗುತ್ತದೆ.

ಇನ್ನು ನೀರು ಅಥವಾ ಇತರ ಯಾವುದೇ ದ್ರವ ಅಂಶಗಳು ವಿದ್ಯುತ್ ತಂತಿಗಳಿಗೆ ತಾಗಿದಾಗ ಈ ಶಾರ್ಟ್​​ ಸರ್ಕ್ಯೂಟ್​ ಸಂಭವಿಸುತ್ತದೆ. ಸ್ವಿಚ್, ಲೈಟ್ ಹಳೆಯದಾಗಿದ್ದರೆ ಅಥವಾ ಹಾನಿಗೊಳಗಾದರೆ ಶಾರ್ಟ್ ಸರ್ಕ್ಯೂಟ್ ಸಂಭವಿಸಬಹುದು.

ಮನೆಯಲ್ಲಿ ಶಾರ್ಟ್ ಸರ್ಕ್ಯೂಟ್​ ಆಗಲು ಕಾರಣ: ಒಂದೇ ಸಾಕೆಟ್‌ನಲ್ಲಿ ಹೆಚ್ಚು ಪ್ಲಗ್‌ಗಳನ್ನು ಬಳಸುವುದು. ವೈರಿಂಗ್ ಮಾಡುವಾಗ ಹಳೆಯದಾದ ವೈರ್​ಗಳನ್ನು ಬಳಸುವುದು. ವಿದ್ಯುತ್ ಪೂರೈಕೆಗಾಗಿ ಕತ್ತರಿಸಿದ ಅಥವಾ ಹಾನಿಗೊಳಗಾದ ತಂತಿಗಳನ್ನು ಬಳಸುವುದು.

ಇನ್ನು ನೀರು ಬರುವ ಸಾಧ್ಯತೆ ಇರುವ ಸ್ಥಳಗಳಲ್ಲಿ ಸ್ವಿಚ್ ಬೋರ್ಡ್ ಅಳವಡಿಕೆ ಮಾಡುವುದರಿಂದ ಶಾರ್ಟ್​ ಸರ್ಕ್ಯೂಟ್​ ಆಗಲು ಕಾರಣವಾಗುತ್ತದೆ. ಅದೇ ರೀತಿ ಲೋ ಕ್ವಾಲಿಟಿ ಸ್ವಿಚ್​ ಬೋರ್ಡ್​​ಗಳನ್ನು ಬಳಸೋದ್ರಿಂದ ಶಾರ್ಟ್​​ ಸರ್ಕ್ಯೂಟ್ ಆಗಲು ಕಾರಣವಾಗುತ್ತದೆ.

ಶಾರ್ಟ್ ಸರ್ಕ್ಯೂಟ್ ತಪ್ಪಿಸಲು ಈ ಟಿಪ್ಸ್ ಫಾಲೋ ಮಾಡಿ: ಶಾರ್ಟ್ ಸರ್ಕ್ಯೂಟ್ ತಪ್ಪಿಸಲು ಸ್ಪೀಡ್ ಸ್ವಿಚ್ ಬೋರ್ಡ್ ಅನ್ನು ಸ್ಥಾಪಿಸಿ. ಮನೆಯಿಂದ ಹೊರಡುವಾಗ ಎಲ್ಲಾ ಸ್ವಿಚ್‌ಗಳನ್ನು ಆಫ್ ಮಾಡಿ. ಮನೆಯ ವೈರಿಂಗ್‌ಗೆ ಗುಣಮಟ್ಟದ ತಂತಿಗಳನ್ನು ಸಹ ಬಳಸಿ. ಇನ್ನು ವೈರ್​ಗಳು ಏನಾದರು ಡ್ಯಾಮೇಜ್​ ಅಥವಾ ಹಾಳಾಗಿದ್ದರೆ ತಕ್ಷಣ ಚೇಂಜ್ ಮಾಡಿ.