Hide Status: ವಾಟ್ಸಾಪ್​ನಲ್ಲಿ ಹೈಡ್​ ಮಾಡಿದ ಸ್ಟೇಟಸ್ ನೋಡ್ಬೇಕಾ? ಇಲ್ಲಿದೆ ನೋಡಿ ಸೂಪರ್ ಟ್ರಿಕ್ಸ್

ಜನಪ್ರಿಯ ಮೆಸೇಜಿಂಗ್ ಅಪ್ಲಿಕೇಶನ್ ಎಂದು ಗುರುತಿಸಿಕೊಂಡಿರುವ ವಾಟ್ಸಾಪ್​ ಇತ್ತೀಚೆಗೆ ಹೊಸ ಫೀಚರ್​ಗಳನ್ನು ಅಪ್ಡೇಟ್​ ಮಾಡುವ ಮೂಲಕ ಭಾರೀ ಜನಪ್ರಿಯತೆಯಲ್ಲಿದೆ. ಇದುವರೆಗೆ ವಾಟ್ಸಾಪ್​ ಹಲವಾರು ಫೀಚರ್ಸ್​​ಗಳನ್ನು ತನ್ನ ಗ್ರಾಹಕರಿಗಾಗಿ ಪರಿಚಯಿಸಿದೆ.

ವಾಟ್ಸಾಪ್​ ಇದುವರೆಗೆ ಹಲವಾರು ಫೀಚರ್​ಗಳನ್ನು ಬಿಡುಗಡೆ ಮಾಡಿದೆ. ಅದರಲ್ಲಿ ಸ್ಟೇಟಸ್​ ಹೈಡ್​ ಮಾಡೋ ಫೀಚರ್​ ಸಹ ಒಂದು. ಈ ಮೂಲಕ ಬಳಕೆದಾರರು ಸ್ಟೇಟಸ್ ಅಪ್ಡೇಟ್​ ಮಾಡುವಾಗ ನಿಮ್ಮ ಸ್ಟೇಟಸ್​ ಯಾರಿಗೆ ಕಾಣ್ಬೇಕು? ಯಾರಿಗೆ ಕಾಣ್ಬಾರ್ದು ಎಂದು ಸೆಲೆಕ್ಟ್ ಮಾಡಬಹುದಾಗಿದೆ.

ಆದರೆ ಇನ್ಮುಂದೆ ನಿಮ್ಮ ವಾಟ್ಸಾಪ್​ನಲ್ಲಿ ಯಾರೇ ಆಗಲಿ ನಿಮ್ಮನ್ನು ಹೈಡ್ ಮಾಡಿ ಸ್ಟೇಟಸ್ ಹಾಕಿದ್ರು ಅದನ್ನು ನೀವು ನೋಡ್ಬಹುದು. ಆದರೆ ಅದಕ್ಕೆ ಕೆಲವೊಂದು ಟ್ರಿಕ್​ಗಳಿವೆ. ಅದನ್ನು ನೀವು ಫಾಲೋ ಮಾಡಿದ್ರೆ, ನಿಮ್ಮನ್ನು ಯಾರು ಹೈಡ್ ಮಾಡಿದ್ದಾರೆ ಮತ್ತು ಸ್ಟೇಟಸ್ ಯಾವುದೆಂಬುದನ್ನು ತಿಳಿಯಬಹುದಾಗಿದೆ.​

ನಿಮ್ಮನ್ನು ಹೈಡ್ ಮಾಡಿದ ಸ್ಟೇಟಸ್​ ನೋಡ್ಬೇಕಾದ್ರೆ ಅದು ನೀವು ಬಳಕೆ ಮಾಡುತ್ತಿರುವ ವಾಟ್ಸಾಪ್​ನಿಂದ ಸಾಧ್ಯವಿಲ್ಲ. ಬದಲಾಗಿ ಥರ್ಡ್​ ಪಾರ್ಟಿ ಆ್ಯಪ್​ ಒಂದನ್ನು ಡೌನ್​ಲೋಡ್​ ಮಾಡ್ಬೇಕು. ಅದುವೇ ಜಿಬಿ ವಾಟ್ಸಾಪ್​. ವಾಟ್ಸಾಪ್​​ನಂತೆಯೇ ಕಾರ್ಯನಿರ್ವಹಿಸುವ ಈ ಜಿಬಿ ವಾಟ್ಸಾಪ್​ ಹಲವಾರು ಫೀಚರ್ಸ್​ಗಳನ್ನು ಹೊಂದಿದೆ.

ಇನ್ನು ನಿಮ್ಮನ್ನು ಹೈಡ್ ಮಾಡಿದ ವಾಟ್ಸಾಪ್ ಸ್ಟೇಟಸ್​ ಅನ್ನು ನೋಡ್ಬೇಕಾದ್ರೆ ಮೊದಲಿಗೆ ಜಿಬಿ ವಾಟ್ಸಾಪ್​ ಅನ್ನು ಡೌನ್​ಲೋಡ್ ಮಾಡಿ. ನಂತರ ಅದನ್ನು ಓಪನ್ ಮಾಡಿ ಬಲ ಬದಿಯಲ್ಲಿರುವ ಮೂರು ಡಾಟ್​ ಮೇಲೆ ಕ್ಲಿಕ್ ಮಾಡಿ. ಅಲ್ಲಿ ನೀವು ‘ಹೈಡ್​ ವೀವ್ ಸ್ಟೇಟಸ್​‘ ಎಂಬ ಆಯ್ಕೆಯನ್ನು ನೋಡ್ಬಹುದು.

ನೀವು ಜಿಬಿ ವಾಟ್ಸಾಪ್​ನಲ್ಲಿ ಹೈಡ್​ ವೀವ್ ಸ್ಟೇಟಸ್​ ಅನ್ನು ಕ್ಲಿಕ್ ಮಾಡಿದ್ರೆ, ನಿಮ್ಮನ್ನು ಯಾರೆಲ್ಲಾ ಹೈಡ್ ಮಾಡಿ ಸ್ಟೇಟಸ್​ ಹಾಕಿದ್ದಾರೆ? ಯಾವ ಸ್ಟೇಟಸ್​ ಹಾಕಿದ್ದಾರೆ ಎಂಬುದನ್ನು ನೋಡಬಹುದು. ಜೊತೆಗೆ ನಿಮ್ಮನ್ನು ಬ್ಲಾಕ್ ಮಾಡಿದವರ ಸ್ಟೇಟಸ್​ ಅನ್ನೂ ನೋಡಬಹುದಾಗಿದೆ.

ಎಚ್ಚರಿಕೆ: ಇನ್ನು ಜಿಬಿ ವಾಟ್ಸಾಪ್ ಎಂಬುದು ಥರ್ಡ್​ ಪಾರ್ಟಿ ಆ್ಯಪ್​ ಆಗಿದೆ. ಆದ್ದರಿಂದ ಡೌನ್​ಲೋಡ್ ಮಾಡುವ ಮುನ್ನ ಎಚ್ಚರವಹಿಸಿ. ಈ ಅಪ್ಲಿಕೇಶನ್​ ಬಳಕೆದಾರರ ವೈಯಕ್ತಿಕ ಡೇಟಾವನ್ನು ಕದಿಯುವ ಚಾನ್ಸಸ್​ ಜಾಸ್ತಿ ಇರುತ್ತದೆ.

ಹೊಸ ಫೀಚರ್​: ವಾಟ್ಸಾಪ್​ ಗ್ರೂಪ್​ಗೆ ಇದುವರೆಗೆ ಯಾರು ಬೇಕಾದರು ಜಾಯಿನ್ ಆಗ್ಬಹುದಿತ್ತು. ಆದರೆ ಇನ್ಮುಂದೆ ಇದಕ್ಕೂ ಹೊಸ ನಿಯಮಗಳನ್ನು ಹೊರತಂದಿದೆ. ಇದು ಅಡ್ಮಿನ್​​ಗಳಿಗೂ ಅನ್ವಯಿಸಲಿದ್ದು ಇನ್ಮುಂದೆ ಯಾವುದೇ ವಾಟ್ಸಾಪ್​ ಗ್ರೂಪ್​ಗೆ ಸೇರಬೇಕಾದ್ರೂ ಅಡ್ಮಿನ್​ಗಳ ಅನುಮತಿಬೇಕು.