Vivo Y19: ನಾಲ್ಕು ಕ್ಯಾಮೆರಾ ಹಾಗೂ 5 ಸಾವಿರ mAh ಬ್ಯಾಟರಿ: ಕಡಿಮೆ ಬೆಲೆಗೆ ಅತ್ಯುತ್ತಮ ಸ್ಮಾರ್ಟ್​ಫೋನ್

ವಿವೋ ಕಂಪೆನಿಯ ನೂತನ ಸ್ಮಾರ್ಟ್​ಫೋನ್ Vivo Y19 ಭಾರತದಲ್ಲಿ ಬಿಡುಗಡೆ ಆಗಿದೆ.

ಈಗಾಗಲೇ ವಿವೋ ಕಂಪೆನಿಯಿಂದ ಹಲವು ವೈ ಸಿರೀಸ್ ಮೊಬೈಲ್​ಗಳು ಮಾರುಕಟ್ಟೆಗೆ ಪ್ರವೇಶಿಸಿದ್ದರೂ, ನೂತನ Vivo Y19 ಕ್ಯಾಮೆರಾ ಮತ್ತು ಬ್ಯಾಟರಿ ಸಾಮರ್ಥ್ಯದಿಂದ ಮೊಬೈಲ್ ಪ್ರಿಯರ ಗಮನ ಸೆಳೆದಿದೆ.

ಅಗ್ಗದ ದರ ಸ್ಮಾರ್ಟ್​ಫೋನ್​ ಶ್ರೇಣಿಯಲ್ಲಿ ಮೂಡಿ ಬಂದಿರುವ ಹೊಸ ವಿವೋ ಮೊಬೈಲ್​ನಲ್ಲಿ ಸ್ಟ್ರಾಂಗ್ ಬ್ಯಾಟರಿ, ನಾಚ್ ಡಿಸ್​ಪ್ಲೇ ಮತ್ತು ನಾಲ್ಕು ಕ್ಯಾಮೆರಾಗಳನ್ನು ನೀಡಿರುವುದು ವಿಶೇಷ.

Vivo Y19 ಡಿಸ್​ಪ್ಲೇ: 19 6.53-ಇಂಚಿನ ಎಫ್‌ಹೆಚ್‌ಡಿ + ಡಿಸ್​ಪ್ಲೇ ಇದರಲ್ಲಿ ನೀಡಲಾಗಿದ್ದು, ಇದು 19.5: 9 ಅಸ್ಪೆಕ್ಟ್ ರೇಶಿಯೋ ಮತ್ತು 1080 x 2340 ಪಿಕ್ಸೆಲ್‌ ರೆಸಲ್ಯೂಶನ್ ಹೊಂದಿರಲಿದೆ.

ಪ್ರೊಸೆಸೆರ್: ಈ ಫೋನ್ ಆಕ್ಟಾ ಕೋರ್ ಮೀಡಿಯಾ ಟೆಕ್ ಹೆಲಿಯೊ ಪಿ 65 ಪ್ರೊಸೆಸರ್‌ನಲ್ಲಿ ಕಾರ್ಯನಿರ್ವಹಿಸುತ್ತದೆ.

ಸ್ಟೊರೇಜ್: Vivo Y19 ಸ್ಮಾರ್ಟ್​​ಫೋನ್ 4GB RAM ಮತ್ತು 128GB ಇಂಟರ್ನಲ್ ಮೆಮೊರಿಯನ್ನು ಹೊಂದಿರಲಿದೆ. ಹಾಗೆಯೇ 256 ಜಿಬಿವರೆಗೆ ಮೈಕ್ರೊ ಎಸ್​ಡಿ ಕಾರ್ಡ್ ಬಳಸಬಹುದಾಗಿದೆ.

ಅಪರೇಟಿಂಗ್ ಸಿಸ್ಟಂ: ಈ ಫೋನ್ ಆಂಡ್ರಾಯ್ಡ್ 9 ಪೈನಲ್ಲಿ ಕಾರ್ಯನಿರ್ವಹಿಸುತ್ತದೆ.

ಕ್ಯಾಮೆರಾ: Vivo Y19 ನಲ್ಲಿ ಒಟ್ಟು ನಾಲ್ಕು ಕ್ಯಾಮೆರಾಗಳನ್ನು ನೀಡಲಾಗಿದೆ. ಹಿಂಬದಿಯಲ್ಲಿ 16 + 8 + 2 ಮೆಗಾಪಿಕ್ಸೆಲ್ ಮೂರು ಕ್ಯಾಮೆರಾ ನೀಡಿದ್ದರೆ, ಮುಂಭಾಗದಲ್ಲಿ 16mp ಸೆಲ್ಫಿ ಕ್ಯಾಮೆರಾ ನೀಡಲಾಗಿದೆ.

ಬ್ಯಾಟರಿ: 5000mAh ಸಾಮರ್ಥ್ಯದ ಬ್ಯಾಟರಿ ವಿವೋ ವೈ19ನಲ್ಲಿ ನೀಡಲಾಗಿದೆ.

ಇದಲ್ಲದೆ ಫೋನ್‌ನ ಹಿಂದಿನ ಫಲಕದಲ್ಲಿ ಫಿಂಗರ್‌ಪ್ರಿಂಟ್ ಸೆನ್ಸರ್ ಮತ್ತು ಫೇಸ್ ಅನ್‌ಲಾಕ್‌ನಂತಹ ವೈಶಿಷ್ಟ್ಯಗಳನ್ನು ಒದಗಿಸಲಾಗಿದೆ.

ಬೆಲೆ: ವಿವೋ ಕಂಪೆನಿಯ ನೂತನ Vivo Y19 ಸ್ಮಾರ್ಟ್​ಫೋನ್​ 13,990 ರೂ.ಗೆ ಖರೀದಿಗೆ ಲಭ್ಯವಿರಲಿದೆ.

Vivo Y19