ಸದ್ಯದಲ್ಲೇ ವಿವೋ ಇವೆರಡು ಸ್ಮಾರ್ಟ್​ಫೋನ್​ ಸಿರೀಸ್​​ಗಳನ್ನು ಸ್ಥಗಿತ ಮಾಡುತ್ತಿದೆ!

ವಿವೋ ಸಂಸ್ಥೆ ಉತ್ಪಾದಿಸುವ ಎರಡು ಸ್ಮಾರ್ಟ್​ಫೋನ್​ ಸಿರೀಸ್​​ಗಳನ್ನು ಸ್ಥಗಿತಗೊಳಿಸಲು ಮುಂದಾಗಿದೆ.

ವಿವೋ ಸಂಸ್ಥೆ ಝೆಡ್ ಮತ್ತು ಯು ಸಿರೀಸ್ ಸ್ಮಾರ್ಟ್​ಫೋನ್​ಗಳನ್ನು ಸ್ಥಗಿತಗೊಳಿಸಲು ನಿರ್ಧರಿಸಿದೆ. 2020ಕ್ಕೆ ಈ ಸೀರಿಸ್​​ಗಳನ್ನು ಬಿಡುಗಡೆಗೊಳಿಸುವುದಿಲ್ಲ ಎಂದಿದೆ.

ಮಾತ್ರವಲ್ಲದೆ, ಭಾರತೀಯ ಆನ್​ಲೈನ್​​  ಮಾರುಕಟ್ಟೆಯಲ್ಲಿ ಈ ಸ್ಮಾರ್ಟ್​ಫೋನ್​ಗಳನ್ನು ಮಾರಾಟ ಮಾಡದಿರಲು ನಿರ್ಧರಿಸಿದೆ.

ಈ ಬಗ್ಗೆ ವಿವೋ ಮೊಬೈಲ್ ಸಿಇಓ ಜೆರೊಮೆನ್ ಚೆನ್ ‘ನಾವು ಆಫ್​ಲೈನ್​  ಮತ್ತು ಆನ್​ಲೈನ್ ಮಾರುಕಟ್ಟೆಯಲ್ಲಿ ಸಮತೋಲನ ಸೃಷ್ಠಿಸುವ ಪ್ರಕ್ರಿಯೆಯಲ್ಲಿದ್ದೇವೆ. ಹಾಗಾಗಿ ಝೆಡ್ ಮತ್ತು ಯು ಸಿರೀಸ್ ಸ್ಥಗಿತ ಮಾಡುತ್ತಿದ್ದೇವೆ ‘ಎಂದಿದ್ದಾರೆ

ಮಾರುಕಟ್ಟೆಯನ್ನು ವಿಸ್ತರಿಸುವ ನಿಟ್ಟಿನಲ್ಲಿ ವಿವೋ ಇಂತಹ ಯೋಜನೆಗೆ ಕೈಹಾಕಿದೆ. ಹಾಗಾಗಿ ಮುಂದಿನ ದಿನಗಳಲ್ಲಿ ವಿವೋ ಯು ಮತ್ತು ಝೆಡ್ ಸಿರೀಸ್ ಸ್ಮಾರ್ಟ್​ಫೋನ್ ಉತ್ಪಾದನೆಯನ್ನು ಸ್ಥಗಿತಗೊಳಿಸಲು ಮುಂದಾಗಿದೆ

ಕಳೆದ ಕೆಲ ದಿನಗಳ ಹಿಂದೆ ವಿವೋ ಸ್ಮಾರ್ಟ್​ಫೋನ್​ ಉದ್ಯಮವನ್ನು ಪ್ರಾರಂಭಿಸಿ 5 ವರ್ಷಗಳು ತುಂಬಿತ್ತು. ಈ ಸಂಭ್ರಮಾಚರಣೆಯನ್ನು ವಿವೋ ಸಂಸ್ಥೆ ಅದ್ಧೂರಿಯಾಗಿ ಆಚರಿಸಿತ್ತು.

ವಿವೋ ಸಂಸ್ಥೆ S-1ನ ಶ್ರೇಣಿಯ ಪ್ರೊ ಮೊಬೈಲ್ ಪರಿಚಯಿಸಿದೆ. ಈ ನೂತನ ಸ್ಮಾರ್ಟ್​ಫೋನ್ ಅನ್ನು ಭಾರತಕ್ಕೆ ಶೀಘ್ರವೇ ಬಿಡುಗಡೆ ಮಾಡಲಿದೆ. 2020ರ ಜನವರಿ ಮಧ್ಯ ವಾರಗಳಲ್ಲಿ ವಿವೋ S-1 ಪ್ರೊ ಮೊಬೈಲ್ ದೇಶಿಯ ಮಾರುಕಟ್ಟೆಗೆ ಕಾಲಿಡಲಿದೆ.

ವಿವೋ ಸಂಸ್ಥೆ S-1ನ ಶ್ರೇಣಿಯ ಬಿಡುಗಡೆ ಬಗ್ಗೆ ಕಂಪೆನಿ ಟ್ವಿಟರ್ ಮೂಲಕ  ಸ್ಪಷ್ಟಪಡಿಸಿದ್ದು, ಇ-ಕಾಮರ್ಸ್ ದೈತ್ಯ ಅಮೆಜಾನ್ ಕೂಡ ತನ್ನ ವೆಬ್​​ಸೈಟ್​ನಲ್ಲಿ ಈ ಬಗ್ಗೆ ಮಾಹಿತಿ ಹಂಚಿಕೊಂಡಿದೆ.

ಈ ಫೋನ್ ಪೂರ್ಣಪ್ರಮಾಣದ HD ರೆಸಲ್ಯೂಷನ್ ಬೆಂಬಲದೊಂದಿಗೆ 6.38 ಇಂಚಿನ ಸೂಪರ್ ಅಮೋಲೆಡ್ ಡಿಸ್ಪ್ಲೇ ಒಳಗೊಂಡಿದೆ. ಸ್ನಾಪ್ಡ್ರಾಗನ್ 665 ಎಸ್ಒಸಿ ಹೊಂದಿದ್ದು, 8ಜಿಬಿ RAM ಮತ್ತು 128ಜಿಬಿ ಇಂಟರ್ನಲ್ ಮೆಮೊರಿ ಹೊಂದಿದೆ.

ವಿವೋ ಎಸ್​-1 ಪ್ರೊ ಸ್ಮಾರ್ಟ್​ಫೋನಿನ ಮುಂಭಾಗದಲ್ಲಿ 32MP ಸೆಲ್ಫಿ ಕ್ಯಾಮೆರಾ ಜೋಡಿಸಲಾಗಿದೆ. ಸ್ಮಾರ್ಟ್‌ಫೋನ್‌ 4000mAh ಬ್ಯಾಟರಿಯನ್ನು 18W ಫಾಸ್ಟ್‌ ಚಾರ್ಜಿಂಗ್‌ ಸಪೋರ್ಟ್‌, ಡ್ಯುಯಲ್‌ ಸಿಮ್‌ ಸಪೋರ್ಟ್‌ ಮತ್ತು ಯುಎಸ್‌ಬಿ ಟೈಪ್‌-ಸಿ ಪೋರ್ಟ್‌ ಹೊಂದಿದೆ.

ಸುರಕ್ಷತೆಗಾಗಿ ಫೋನ್‌ ಅಲ್ಲಿ ಫಿಂಗರ್‌ ಪ್ರಿಂಟ್‌ ಸ್ಕ್ಯಾನರ್‌ ಅಳವಡಿಸಲಾಗಿದ್ದು, ಫೋನಿನ ದರ 19,990 ರೂ. ಆಗಿರಲಿದೆ ಎಂದು ಅಂದಾಜಿಸಲಾಗಿದೆ.