Transaction Limit: ಗೂಗಲ್​ ಪೇ, ಫೋನ್ ಪೇ ಬಳಸುತ್ತಿದ್ದೀರಾ? ಹಾಗಿದ್ರೆ ನಿಮಗಿದು ಅಗತ್ಯವಾದ ಮಾಹಿತಿ

ಇತ್ತೀಚೆಗೆ ಎಲ್ಲರ ಕೈಯಲ್ಲೂ ಸ್ಮಾರ್ಟ್‌ಫೋನ್‌ಗಳು ಇರುವುದರಿಂದ ಆನ್‌ಲೈನ್ ಮೂಲಕ ಬ್ಯಾಂಕ್​ ವಹಿವಾಟುಗಳನ್ನು ಮಾಡುವವರ ಪ್ರಮಾಣವೂ ಹೆಚ್ಚಾಗಿದೆ. ವಿಶೇಷವಾಗಿ ಗೂಗಲ್​ ಪೇ, ಅಮೆಜಾನ್ ಪೇ, ಪೇಟಿಯಂ ಮತ್ತು ಫೋನ್ ಪೇ ನಂತಹ ಯುಪಿಐ ಆಧಾರಿತ ಅಪ್ಲಿಕೇಶನ್‌ಗಳನ್ನು ವ್ಯಾಪಕವಾಗಿ ಬಳಸಲಾಗುತ್ತದೆ.

ಆದರೆ, ಈ ಆ್ಯಪ್‌ಗಳ ಮೂಲಕ ನೀವು ದಿನಕ್ಕೆ ಒಂದು ನಿರ್ದಿಷ್ಟ ಮೊತ್ತವನ್ನು ಮಾತ್ರ ವಹಿವಾಟು ಮಾಡಬಹುದು. ಇದರಿಂದ ಪಾವತಿಗೆ ಎನ್​​ಪಿಸಿಐ ಮಿತಿ ಹೇರಿದೆ. ಎನ್​ಪಿಸಿಐ ಯುಪಿಐ ಪಾವತಿಗಳಿಗೆ ಮಿತಿಗಳನ್ನು ಇದೀಗ ಕಂಪನಿ ನಿಗದಿಪಡಿಸಿದೆ. ನೀವು ಯುಪಿಐ ಆ್ಯಪ್​ಗಳ ಮೂಲಕ ದಿನಕ್ಕೆ ರೂ. 1 ಲಕ್ಷದವರೆಗೆ ಮಾತ್ರ ಪಾವತಿ ಮಾಡಬಹುದು. ಇದರ ಬಗ್ಗೆ ಇನ್ನಷ್ಟು ಮಾಹಿತಿ ಈ  ಕೆಳಗಿನ ಲೇಖನದಲ್ಲಿದೆ.

ಗೂಗಲ್ ಪೇ: ಅನೇಕ ಬಳಕೆದಾರರು ಆನ್‌ಲೈನ್ ಪಾವತಿಗಳಿಗಾಗಿ ಗೂಗಲ್ ಪೇ ಅನ್ನು ಬಳಸುತ್ತಾರೆ. ಈ ಆ್ಯಪ್ ಮೂಲಕ ನೀವು ಇತರರಿಗೆ ದಿನಕ್ಕೆ 1 ಲಕ್ಷ ರೂಪಾಯಿಯಷ್ಟು ಪಾವತಿ ಮಾಡಬಹುದಾಗಿದೆ. ಜೊತೆಗೆ ಎಷ್ಟು ಬಾರಿ ಬೇಕಾದರು ಇಷ್ಟು ಹಣವನ್ನು ಪಾವತಿ ಮಾಡಬಹುದು.

ಪೇಟಿಯಂ: ಎನ್​​ಪಿಸಿಐ ಪ್ರಕಾರ, ಪೇಟಿಯಂನಲ್ಲೂ ಇತರರಿಗೆ 1 ಲಕ್ಷ ರೂಪಾಯಿ ಕಳುಹಿಸಬಹುದು. ಆದರೆ ಇದರಲ್ಲಿ ಗಂಟೆಗೆ 20,000 ರೂಪಾಯಿಗಳನ್ನು ಮಾತ್ರ ಕಳುಹಿಸಬಹುದು. ಈ ರೀತಿಯಾಗಿ ಗಂಟೆಗೆ ಕನಿಷ್ಠ 5 ವಹಿವಾಟುಗಳು ಮತ್ತು ಗರಿಷ್ಠ 20 ವಹಿವಾಟುಗಳನ್ನು ಮಾಡಬಹುದಾಗಿದೆ.

ಫೋನ್​ ಪೇ: ಸ್ಮಾರ್ಟ್​​ಫೋನ್ ಬಳಕೆದಾರರು ಪೇಟಿಯಂ ಮೂಲಕವೂ ರೂ. 1 ಲಕ್ಷದವರೆಗೆ ಹಣಕಾಸಿನ ವಹಿವಾಟು ನಡೆಸಬಹುದು.ಇದರಕ್ಕಿಂತ ಹೆಚ್ಚು ಕಳುಹಿಸಲಾಗುವುದಿಲ್ಲ. ಮತ್ತು ನಿಮ್ಮ ಬ್ಯಾಂಕ್​ ಖಾತೆಯಲ್ಲಿರುವ ಹಣದ ಮೇಲೆ ನಿಮ್ಮ ವಹಿವಾಟನ್ನು ಕಂಪನಿ ನೋಡಿಕೊಳ್ಳುತ್ತದೆ.

ಅಮೆಜಾನ್​ ಪೇ: aಮೆಜಾನ್ ಪೇ ಮೂಲಕವೂ ಬಳಕೆದಾರರು ಕೇವಲ 1 ಲಕ್ಷವನ್ನು ಮಾತ್ರ ವರ್ಗಾಯಿಸಬಹುದು. ಆದರೂ ನೀವು ವರ್ಗಾಯಿಸಬಹುದಾದ ಮೊತ್ತವು ನೀವು ಹೊಂದಿರುವ ಬ್ಯಾಂಕ್​ಗೆ ತಕ್ಕಂತೆ ಅವಲಂಬಿಸಿರುತ್ತದೆ. ಹೀಗೆ ಪ್ರತಿಯೊಂದು ಬ್ಯಾಂಕ್​ಗಳು ಬೇರೆ ಬೇರೆ ಪಾವತಿ ವಿಧಾನವನ್ನು ಹೊಂದಿರುತ್ತದೆ.

ಇತ್ತೀಚೆಗೆ ಬ್ಯಾಂಕ್​ನ ವಹಿವಾಟು ಆಫ್​ಲೈನ್​​ಗಿಂತ ಹೆಚ್ಚಾಗಿ ಆನ್​ಲೈನ್​ ಮೂಲಕವೇ ಮಾಡುತ್ತಾರೆ. ಏಕೆಂದರೆ ಇದರಲ್ಲಿ ಯಾವುದೇ ರೀತಿಯಲ್ಲಿ ಸಮಯ ವ್ಯರ್ಥವಾಗುವುದಿಲ್ಲ. ಬ್ಯಾಂಕ್​ಗೆ ಹೋಗಿ ಕಾಯಬೇಕೆಂದಿಲ್ಲ.

ಬ್ಯಾಂಕ್​ ಖಾತೆಎಯನ್ನು ಹೊಂದಿರುವವರು ಈಗ ಎಲ್ಲರೂ ಯುಪಿಐ ವಿಧಾನಗಳನ್ನೇ ಬಳಸುತ್ತಾರೆ. ವಿಶೇಷವಾಗಿ ಈಗ ಆನ್​ಲೈನ್​ ಮೂಲಕವೇ ಸಾಲಕ್ಕೆ ಅರ್ಜಿ ಹಾಕಬಹುದಾಗಿದೆ ಮತ್ತು ಆನ್​ಲೈನ್​ ಮೂಲಕವೇ ಹಣವನ್ನು ಪಡೆಯಬಹುದಾಗಿದೆ. ಆದರೆ ಇದಕ್ಕೆ ಕೆಲವು ನೀತಿನಿಯಮಗಳಿವೆ.