E-Bike: ಬಂದೇ ಬಿಡ್ತು ಮಾರುಕಟ್ಟೆಗೆ ಹೊಸ ಎಲೆಕ್ಟ್ರಿಕ್​ ಬೈಕ್​! ವಿನ್ಯಾಸ ನೋಡಿದ್ರೆ ಖರೀದಿಸೋದು ಗ್ಯಾರಂಟಿ

ಮಾರುಕಟ್ಟೆಗೆ ಹೊಸ ಎಲೆಕ್ಟ್ರಿಕ್​ ಬೈಕ್​ ಲಗ್ಗೆಯಿಟ್ಟಿದೆ. ವಿಶೇಷ ವಿನ್ಯಾಸದ ಎಲೆಕ್ಟ್ರಿಕ್​ ಬೈಕ್​ ಖರೀದಿಸುವ ಪ್ಲ್ಯಾನ್​ನಲ್ಲಿದ್ದವರಿಗೆ, ಉಬೋರ್ಡ್ ಕಂಪನಿಯಿಂದ ತಯಾರಿಸಲ್ಪಟ್ಟ ಹೊಸ ಡಿಸ್ಕವರಿ ಬೈಕ್​ ಲಾಂಚ್ ಆಗಿದೆ.

ಈ ಬೈಕ್ ಹೆಚ್ಚಿನ ಕಾರ್ಯಕ್ಷಮತೆಯನ್ನು ನೀಡುತ್ತದೆ ಎಂದು ಕಂಪೆನಿಯು ತನ್ನ ವೆಬ್‌ಸೈಟ್‌ನಲ್ಲಿ ತಿಳಿಸಿದೆ. ಇದು ತೆಗೆಯಬಹುದಾದ ಬ್ಯಾಟರಿ ಪ್ಯಾಕ್ ಅನ್ನು ಸಹ ಹೊಂದಿರುತ್ತದೆ ಎಂದು ವಿವರಿಸಲಾಗಿದೆ.

ಈ ಬೈಕ್ 150 ಕಿಲೋಮೀಟರ್ ವೇಗವನ್ನು ಹೊಂದಿದೆ ಮತ್ತು ಎಲ್ಇಡಿ ಲೈಟ್​ ಮತ್ತು ಎಬಿಎಸ್ ತಂತ್ರಜ್ಞಾನದೊಂದಿಗೆ ವಿನ್ಯಾಸಗೊಳಿಸಲಾಗಿದೆ ಎಂದು ಕಂಪೆನಿ ತಿಳಿಸಿದೆ.

ವಿಶೇಷವಾಗಿ ಈ ಬೈಕ್ ತುಂಬಾ ಸ್ಟ್ರಾಂಗ್ ಆಗಿರುತ್ತದೆ. ಆದರೆ ತೂಕ ಮಾತ್ರ ಕಡಿಮೆ ಇರುತ್ತದೆ ಎಂದು ಕಂಪೆನಿ ವಿವರಿಸಿದೆ. ಬೈಕಿನ ವಿನ್ಯಾಸವನ್ನು ಏರೋಸ್ಪೇಸ್ ಗ್ರೇಡ್​ನ ಅಲ್ಯೂಮಿನಿಯಂನಿಂದ ಮಾಡಲಾಗಿದೆ.

ಈ ಬೈಕ್ i-CAT ನಿಂದ ಅನುಮೋದಿತವಾಗಿದೆ. ಅಂದರೆ ಈ ಬೈಕನ್ನು 14 ವರ್ಷ ಮೇಲ್ಪಟ್ಟವರು ಮಾತ್ರ ಬಳಸಬಹುದು. ಇದಕ್ಕಾಗಿ ಡ್ರೈವಿಂಗ್ ಲೈಸೆನ್ಸ್ ಸಹ ಅಗತ್ಯವಿಲ್ಲ ಎಂದು ಕಂಪನಿ ಹೇಳಿದೆ. ಜೊತೆಗೆ ಈ ಬೈಕ್‌ಗೆ ವಿಮೆಯ ಅಗತ್ಯ ಸಹ ಬರುವುದಿಲ್ಲ.

ಇನ್ನು ಈ ಬೈಕ್​ನ ಬ್ಯಾಟರಿಯನ್ನು ಮನೆ ಅಥವಾ ಕಚೇರಿಯಲ್ಲಿ ಎಲ್ಲಿ ಬೇಕಾದರೂ ತೆಗೆದು ಚಾರ್ಜ್ ಮಾಡಬಹುದು. ಒಮ್ಮೆ ಸಂಪೂರ್ಣವಾಗಿ ಚಾರ್ಜ್ ಮಾಡಲು 4-5 ಗಂಟೆ ತೆಗೆದುಕೊಳ್ಳುತ್ತದೆ. ಈ ಬೈಕ್ ಅಲ್ಟ್ರಾ ವೈಡ್ ಟೈರ್ ಹೊಂದಿದೆ. ಇವುಗಳನ್ನು ಫ್ಯೂಚರಿಸ್ಟಿಕ್ ವಿನ್ಯಾಸಗಳು ಎಂದು ಸಹ ಕರೆಯಲಾಗುತ್ತದೆ. ಇದರಿಂದ ನಿಮ್ಮ ಬೈಕ್ ಗ್ರಿಪ್​ ಆಗಿರುತ್ತದೆ.

ಈ ಬೈಕ್​ನ ಬ್ಯಾಟರಿ ಒಮ್ಮೆ ಪೂರ್ತಿ ಚಾರ್ಜ್ ಮಾಡಿದರೆ 35 ಕಿಲೋಮೀಟರ್ ಹೋಗಬಹುದು. ಇನ್ನು ಹೆಚ್ಚುವರಿ ಬ್ಯಾಟರಿಯನ್ನು ಖರೀದಿಸುವ ಮೂಲಕ ನೀವು ಮುಂದೆ ಚಲಿಸಬಹುದು ಎಂದು ಕಂಪೆನಿ ತಿಳಿಸಿದೆ. ಈ ಬೈಕ್ ಬ್ಯಾಟರಿ 1 ವರ್ಷದ ವಾರಂಟಿ ಹೊಂದಿದೆ. ಬೈಕ್ ಮೋಟರ್‌ಗೆ 2 ವರ್ಷ ಮತ್ತು ಚಾಸಿಸ್‌ಗೆ 10 ವರ್ಷಗಳ ವಾರಂಟಿಯನ್ನು ನೀಡಲಾಗಿದೆ.

ಈ ಬೈಕ್ 220 ಕೆಜಿ ಭಾರ ಎತ್ತಬಲ್ಲದು. ಈ ಬೈಕಿನ ಗರಿಷ್ಠ ವೇಗ ಗಂಟೆಗೆ 25 ಕಿ.ಮೀ. ಈ ಬೈಕಿನ ಎಕ್ಸ್ ಶೋ ರೂಂ ಬೆಲೆ ರೂ.79,999 ಎಂದು ಕಂಪೆನಿ ತಿಳಿಸಿದೆ. ಪ್ರತಿ ಕಂತಿಗೆ 26666 ರೂ.ನಂತೆ 3 ಕಂತುಗಳಲ್ಲಿ ಪಾವತಿಸಬಹುದು ಎಂದು ಹೇಳಿದೆ.