200MP Camera Smartphones: 200 ಮೆಗಾಪಿಕ್ಸೆಲ್​ ಕ್ಯಾಮೆರಾ ಇರುವ ಎರಡು ಸ್ಮಾರ್ಟ್​ಫೋನ್ಸ್​ ಬಿಡುಗಡೆ! 12 ನಿಮಿಷದಲ್ಲಿ ಫುಲ್ ಚಾರ್ಜ್​

Redmi Note 12 Pro Plus 5G | ಹೊಸ ಸ್ಮಾರ್ಟ್‌ಫೋನ್ ಖರೀದಿಸಲು ಯೋಜಿಸುತ್ತಿದ್ದೀರಾ? ಹಾಗಿದ್ರೆ ಸ್ಮಾರ್ಟ್​​ಫೋನ್​ ಕಂಪನಿಯಿಂದ ನಿಮಗೆ ಗುಡ್​ ನ್ಯೂಸ್​. ಅದ್ಭುತ ಫೀಚರ್‌ಗಳನ್ನು ಒಳಗೊಂಡ ಎರಡು ಹೊಸ ಸ್ಮಾರ್ಟ್‌ಫೋನ್‌ಗಳು ಮಾರುಕಟ್ಟೆಗೆ ಸದ್ಯದಲ್ಲೇ ಕಾಲಿಡಲಿದೆ. ಹಾಗಾಗಿ ನೀವು ಹೊಸ ಫೋನ್ ಖರೀದಿಸಲು ಯೋಚಿಸುತ್ತಿದ್ದರೆ. ನೀವು ಈ ಸ್ಮಾರ್ಟ್​ಫೋನ್ ಅನ್ನು ಒಮ್ಮೆ ನೋಡಿ.

ಇನ್ಫಿನಿಕ್ಸ್​ ಮತ್ತು ರೆಡ್​​ಮಿ ಕಂಪನಿಗಳು ಮಾರುಕಟ್ಟೆ ವಿಶೇಷ ಫೀಚರ್ಸ್​ನೊಂದಿಗೆ 5G ಫೋನ್‌ಗಳನ್ನು ಬಿಡುಗಡೆ ಮಾಡಲು ಸಿದ್ಧವಾಗಿವೆ. ಈ ಎರಡು ಸ್ಮಾರ್ಟ್‌ಫೋನ್‌ಗಳು ಯಾವೆಲ್ಲಾ ಸ್ಪೆಷಲ್​ ಫೀಚರ್‌ಗಳನ್ನು ಹೊಂದಿವೆ ಮತ್ತು ಯಾವಾಗ ಮಾರುಕಟ್ಟೆಗೆ ಲಗ್ಗೆಇಡುತ್ತದೆ ಎಂಬುದನ್ನು ಈ ಕೆಳಗೆ ನೀಡಲಾಗಿದೆ

ಇನ್ಫಿನಿಕ್ಸ್​ ಕಂಪನಿ ಝೀರೋ ಅಲ್ಟ್ರಾ 5ಜಿ ಎಂಬ ಹೊಸ ಫೋನ್ ಅನ್ನು ಬಿಡುಗಡೆ ಮಾಡಲಿದೆ. ಕಂಪನಿಯು ಈಗಾಗಲೇ ಈ ಫೋನ್‌ನ ಟೀಸರ್ ಅನ್ನು ತನ್ನ ಗ್ರಾಹಕರಿಗೆ ತೋರಿಸಿದೆ. ಬಿಡುಗಡೆಯಾದ ಬಳಿಕ ಈ ಸ್ಮಾರ್ಟ್​​ಫೋನ್ ಫ್ಲಿಪ್‌ಕಾರ್ಟ್‌ನಲ್ಲಿ ಲಭ್ಯವಿರುತ್ತದೆ. ಈ ಫೋನ್ 200 ಮೆಗಾಪಿಕ್ಸೆಲ್​ ಕ್ಯಾಮೆರಾದೊಂದಿಗೆ ಮಾರುಕಟ್ಟೆಯಲ್ಲಿ ಹೊಸ ಸಂಚಲವನ್ನು ಮೂಡಿಸಲಿದೆ.

ಇದಲ್ಲದೆ, ಈ ಫೋನ್ 180 ವ್ಯಾಟ್ ಸೂಪರ್ ಫಾಸ್ಟ್ ಚಾರ್ಜಿಂಗ್ ಫೀಚರ್ಸ್​ನೊಂದಿಗೆ ಮಾರುಕಟ್ಟೆಯನ್ನು ಪ್ರವೇಶಿಸಲಿದೆ. ಕೇವಲ 12 ನಿಮಿಷಗಳಲ್ಲಿ ಈ ಫೋನ್‌ನ ಬ್ಯಾಟರಿ ಫುಲ್​ ಆಗುತ್ತದೆ ಎಂದು ಕಂಪನಿ ಹೇಳಿಕೊಂಡಿದೆ. ಇನ್ನು ಇದರ ವಿಶೇಷತೆಯೆಂದರೆ 180 ವ್ಯಾಟ್​ ಸೂಪರ್​​ ಫಾಸ್ಟ್​ ಚಾರ್ಜಿಂಗ್​​ ಬ್ಯಾಟರಿ ಹೊಂದಿದ ಮೊದ ಸ್ಮಾರ್ಟ್​ಫೋನ್​ ಇದಾಗಿದೆ

ಇಲ್ಲದಿದ್ದರೆ, ಈ ಸ್ಮಾರ್ಟ್‌ಫೋನ್ 4500 mAh ಬ್ಯಾಟರಿ, 32 MP ಸೆಲ್ಫಿ ಕ್ಯಾಮೆರಾ, 6.8 ಇಂಚಿನ ಸ್ಕ್ರೀನ್​, ಕರ್ವ್ಡ್ AMOLED ಡಿಸ್ಪ್ಲೇಯನ್ನು ಹೊಂದಿದೆ. ಜೊತೆಗೆ ಡಿಸ್ಪ್ಲೇ ಫಿಂಗರ್‌ಪ್ರಿಂಟ್ ಸೆನ್ಸಾರ್ ಕೂಡ ಇದು ಒಳಗೊಂಡಿದೆ. ಇದು 8ಜಿಬಿ RAM, 256 ಜಿಬಿ ಮೆಮೊರಿ ಸಾಮರ್ಥ್ಯವನ್ನು ಹೊಂದಿದೆ. ಇನ್ನು ಇದು 5G ಯಂತಹ ಇತರ ವೈಶಿಷ್ಟ್ಯಗಳನ್ನು ಹೊಂದಿರುತ್ತದೆ. ಡಿಸೆಂಬರ್ 20 ರಂದು ಈ ಸ್ಮಾರ್ಟ್ ಫೋನ್ ಮಾರುಕಟ್ಟೆಗೆ ಬರುವ ಸಾಧ್ಯತೆ ಇದೆ. ಇದರ ಬೆಲೆ ಸುಮಾರು 42 ಸಾವಿರ ರೂಪಾಯಿ ಎಂದು ಊಹಿಸಲಾಗಿದೆ.

ಮತ್ತೊಂದೆಡೆ, ಶಿಯೋಮಿ ರೆಡ್​ಮಿಯ ಹೊಸ ಸ್ಮಾರ್ಟ್​​ಫೋನ್​ ಮಾರುಕಟ್ಟೆಗೆ ಬರಲಿದೆ. ಇದರ ಹೆಸರು ರೆಡ್​ಮಿ ನೋಟ್​ 12 ಪ್ರೋ 5ಜಿ ಎಂಬುದಾಗಿದೆ. ಜನವರಿ 5 ರಂದು ಮಾರುಕಟ್ಟೆಗೆ ಈ ಸ್ಮಾರ್ಟ್​ಫೋನ್​ ಕಾಲಿಡಲಿದೆ ಎಂದು ಹೇಳಲಾಗಿದೆ.ಇದು 200 ಮೆಗಾಪಿಕ್ಸೆಲ್​​ ಕ್ಯಾಮೆರಾವನ್ನು ಸಹ ಹೊಂದಿರುತ್ತದೆ ಎಂದು ಹೇಳಿದ್ದಾರೆ.

ಈ ಸ್ಮಾರ್ಟ್‌ಫೋನ್ ಮಾತ್ರವಲ್ಲದೆ ಶಿಯೋಮಿ ಕಂಪನಿಯು ಇತರ ರೂಪಾಂತರಗಳನ್ನು ಸಹ ಮಾರುಕಟ್ಟೆಯಲ್ಲಿ ಬಿಡುಗಡೆ ಮಾಡುವ ಸಾಧ್ಯತೆಯಿದೆ. ರೆಡ್​ಮಿ ನೋಟ್​ 12, ರೆಡ್​ಮಿ ನೋಟ್​ 12 ಪ್ರೋ ಮತ್ತು ರೆಡ್​ಮಿ ನೋಟ್​ 12 ಪ್ರೋ ಪ್ಲಸ್​ ಎಂಬ ಮೂರು ಫೋನ್‌ಗಳು ಮಾರುಕಟ್ಟೆಗೆ ಬರಲಿವೆ. 

ಶಿಯೋಮಿ ಈಗಾಗಲೇ ಈ ಫೋನ್ ಅನ್ನು ಚೀನಾದಲ್ಲಿ ಬಿಡುಗಡೆ ಮಾಡಿದೆ. ಇದು ಮೀಡಿಯಾಟೆಕ್​ ಡಿಮೆನ್ಶಿಯಾ 1080 ಪ್ರೊಸೆಸರ್ ಅನ್ನು ಹೊಂದಿದೆ. ಇನ್ನು ಈ ಸ್ಮಾರ್ಟ್​​ಫೋನ್​ ಭಾರತದಲ್ಲಿ ಬಿಡುಗಡೆಯಾದರೆ 23 ಸಾವಿರ ರೂಪಾಯಿಗೆ ಖರೀದಿ ಮಾಡಬಹುದು ಎಂದು ನಿರೀಕ್ಷಿಸಲಾಗಿದೆ.