Twitter: ಹೊಸ ಫೀಚರ್​ ಪರಿಚಯಿಸಿದ ಟ್ವಿಟ್ಟರ್​​; ಅಪರಿಚಿತ ಮತ್ತು ಅನಗತ್ಯ ಟ್ವೀಟ್​​ಗೆ ಬ್ರೇಕ್​​

ಟ್ವಿಟ್ಟರ್ ತನ್ನ ಬಳಕೆದಾರರಿಗಾಗಿ ಮಾಡರೇಶನ್ ಎಂಬ ವೈಶಿಷ್ಟ್ಯವನ್ನು ಪರಿಚಯಿಸಿದೆ. ನೂತನ ಫೀಚರ್​ ಮೂಲಕ ಟ್ವಿಟ್ಟಿಗ ತನ್ನ ಟ್ವೀಟ್​ಗೆ ಎಷ್ಟು ಜನ ಪ್ರತ್ಯುತ್ತರ ನೀಡಬಹುದು ಎಂಬ ಆಯ್ಕೆಯನ್ನು ನೀಡಿದೆ.

ಮಂಗಳವಾರದಂದು ಟ್ವಿಟ್ಟರ್ ಮಾಡರೇಶನ್ ಎಂಬ ಹೊಸ ಫೀಚರ್ ಅನ್ನು ಪರಿಚಯಿಸಿದ್ದು, ಇನ್ಮುಂದೆ ಟ್ವಿಟ್ವಿಗ ತಾನು ಮಾಡಿರುವ ಟ್ವೀಟ್​ಗೆ ಎಷ್ಟು ಜನ ಕಾಮೆಂಟ್ ಮಾಡಬೇಕು ಎಂಬದನ್ನು ಇತಿಮಿತಿಗೊಳಿಸಬಹುದು. ಅಫೀಶಿಯಲ್ ಮತ್ತು ಎಲ್ಲಾ ಟ್ವಿಟ್ಟರ್ ಖಾತೆಗಳು ಈ ನೂತನ ಫೀಚರ್ ಬಳಸಬಬಹುದಾಗಿದೆ.

ಟ್ವಿಟ್ಟರ್​​ ಟ್ವಿಟ್ಟಿಗರಿಗೆ ಮಾಡರೇಶನ್ ಫೀಚರ್ ಮೂಲಕ ಮೂರು ಆಯ್ಕೆಯನ್ನು ನೀಡಿದೆ.

ಆಯ್ಕೆ1: ಟ್ವಿಟ್ವಿಗನ್ನು ತಾನು ಮಾಡಿರುವ ಟ್ವೀಟ್​ಗೆ ಪ್ರತಿಯೊಬ್ಬರಿಂದಲೂ ಕಾಮೆಂಟ್ ಪಡೆಯಬಹುದು.

ಆಯ್ಕೆ 2: ತಾನು ಅನುಸರಿಸವ ವ್ಯಕ್ತಿಗಳಿಂದ ಮಾತ್ರ ಕಾಮೆಂಟ್ ಪಡೆಯುವಂತೆ ಸೆಟ್ಟಿಂಗ್ಸ್ ಮಾಡಬಹುದು.

ಆಯ್ಕೆ 3: ಟ್ವೀಟ್​​ನಲ್ಲಿ ಉಲ್ಲೇಖಿಸಿರುವ ವ್ಯಕ್ತಿಗಳಿಂದ ಮಾತ್ರ ಕಾಮೆಂಟ್ ಪಡೆಯುವಂತೆ ಸೆಟ್ಟಿಂಗ್ಸ್ ಮಾಡಬಹುದು.

ಮೇ ತಿಂಗಳಿನಿಂದ ಮೈಕ್ರೋಬ್ಲಾಗಿಂಗ್ ಸೈಟ್ ಈ ನೂತನ ಫೀಚರ್ ಬಗ್ಗೆ ಪರೀಕ್ಷಿಸಲು ಪ್ರಾರಂಭಿಸಿತ್ತು. ಸದ್ಯ ಎಲ್ಲಾ ಬಳಕೆದಾರರಿಗೆ ಲೈಕ್ ಮತ್ತು ಪೋಸ್ಟ್​​ಗಳನ್ನು ರಿಟ್ವೀಟ್ ಮಾಡುವ ಆಯ್ಕೆಯನ್ನು ನೀಡಿದೆ.

ಆದರೆ ಬಳಕೆದಾರರ ಮಾಡರೇಶನ್​​ ಫೀಚರ್ ಅನ್ನು ಸೆಟ್ಟಿಂಗ್ ಮಾಡಿದ್ದರೆ ಉಳಿದವರ ಕಾಮೆಂಟ್​​ಗಳು ಕಾಣಿಸಲು ಸಾಧ್ಯವಿಲ್ಲ.

ಟ್ವಿಟ್ಟರ್ ನೂತನ ಫೀಚರ್ ಸದ್ಯ ಬಳಕೆದಾರರಿಗೆ ಪ್ರಯೋಜನಕ್ಕೆ ಬರಲಿದೆ. ಅನಗತ್ಯ ಕಾಮೆಂಟ್ ಅಥವಾ ರಿಟ್ವೀಟ್ ಮಾಡುವುದನ್ನುತಡೆಯಲು ನೂತನ ಫೀಚರ್ ಸಹಾಯಕವಾಗಲಿದೆ.

ಮತ್ತೊಂದೆಡೆ ಅಪರಿಚಿತ ಟ್ವಿಟ್ಟಿಗರಿಂದ ಅನಗತ್ಯ ಕಾಮೆಂಟ್ ಪಡೆಯುವುದನ್ನು ತಡೆಯಲು ಈ ಫೀಚರ್ ಸಹಾಯಕ್ಕೆ ಬರಲಿದೆ.

ಜೊತೆಗೆ ಉತ್ತಮ ಸಂಭಾಷಣೆ ನಡೆಸಲು ಮತ್ತು ಟ್ರೋಲ್ ಮಾಡುವುದನ್ನು ತಡೆಯಲು ಸಹಾಯಕವಾಗಲಿದೆ