ಗ್ರಾಹಕರಿಗೆ ಹೊಸ ವರ್ಷಕ್ಕೆ ಬಂಪರ್​ ಕೊಡುಗೆ; ಕೇಬಲ್​ ಟಿವಿ, ಡಿಟಿಎಚ್​ ​ರೀಚಾರ್ಜ್​ ದರದಲ್ಲಿ ಭಾರೀ ಇಳಿಕೆ

ಭಾರತೀಯ ದೂರಸಂಪರ್ಕ ನಿಯಂತ್ರಣ ಪ್ರಾಧಿಕಾರ ಹೊಸ ವರ್ಷದ ಆರಂಭದಲ್ಲಿ ಗ್ರಾಹಕರಿಗೆ ಸಿಹಿ ಸುದ್ದಿ ನೀಡಿದೆ.

ಕೇಬಲ್ ದರ ಹಾಗೂ ನಿಯಮಗಳಲ್ಲಿ ಕೊಂಚ ಬದಲಾವಣೆಯನ್ನು ತಂದಿದ್ದು. ಗ್ರಾಹಕರಿಗೆ ಮಾಸಿಕ ದರದ ಹೊರೆ ತಪ್ಪಸಿದೆ.

ಇದೇ ಮಾರ್ಚ್ 1 ರಿಂದ ಕೇಬಲ್ ದರವನ್ನು ಇಳಿಕೆ ಮಾಡುವತ್ತ ಭಾರತೀಯ ದೂರಸಂಪರ್ಕ ನಿಯಂತ್ರಣ ಪ್ರಾಧಿಕಾರ ಕ್ರಮ ಕೈಗೊಂಡಿದೆ. ಈ ಮೂಲಕ ಹೊಸ ವರ್ಷದ ಆರಂಭದಲ್ಲಿ ಗ್ರಾಹಕರಿಗೆ ಸಿಹಿ ಸುದ್ದಿ ಒದಗಿಸಿದೆ. ಕೇಬಲ್ ಹಾಗೂ ಡಿಟಿಎಚ್ ದರಗಳು ಜಾಸ್ತಿ ಎಂಬ ದೂರಿನ ಹಿನ್ನಲೆಯಲ್ಲಿ ಈ ಬದಲಾವಣೆ ಮಾಡಲಾಗಿದೆ.

ಹೊಸ ನಿಯಮಗಳ ಅನ್ವಯ ಕಡಿಮೆ ಬೆಲೆಗೆ ಹೆಚ್ಚಿನ ಚಾನೆಲ್​​​ಗಳನ್ನು ವೀಕ್ಷಿಸಬಹುದಾಗಿದೆ. ಮಾತ್ರವಲ್ಲದೆ, ಅಗ್ಗದ ದರದಲ್ಲಿ ಚಾನೆಲ್ ವೀಕ್ಷಿಸಬಹುದಾಗಿದೆ.

ಟ್ರಾಯ್ ಹೊಸ ನಿಯಮ ಹೀಗಿದೆ..

ಟ್ರಾಯ್ ಹೊಸ ನಿಯಮದ ಪ್ರಕಾರ ಮಾಸಿಕವಾಗಿ ಪಾವತಿ ಮಾಡಬೇಕಾದ ಎನ್​ಸಿಎಫ್(ನೆಟ್​ವರರ್ಕ್​ ಕೆಪಾಸಿಟಿ ಫ್ರೀ) ಶುಲ್ಕವನ್ನು 130ಕ್ಕೆ ಸೀಮಿತಗೊಳಿಸಿದೆ. ಹಾಗಾಗಿ ಗ್ರಾಹಕರಿಗೆ ಕೇಬಲ್ ಆಪರೇಟರ್ಗಳು 150 ರೂ.ಗೆ 200 ಉಚಿತ ಚಾನೆಲ್​ಗಳನ್ನು ಕೊಡಬೇಕಿದೆ. ಆದರೀಗ ಕೇಬಲ್ ವೀಕ್ಷಕರು 100 ಚಾನೆಲ್​ಗಳನ್ನು ಮಾತ್ರ ವೀಕ್ಷಿಸುತ್ತಿದ್ದಾರೆ

ಕೇಂದ್ರ ಸರ್ಕಾರ ಕಡ್ಡಾಯವಾಗಿ ಪ್ರಸಾರ ಮಾಡಬೇಕು ಎಂದು ಪಟ್ಟಿ ಮಾಡಿರುವ 200 ಚಾನೆಲ್ ಎನ್​ಸಿಎಫ್ ವ್ಯಾಪ್ತಿಗೆ ಸೇರುವುದಿಲ್ಲ. ಈ ಚಾನೆಲ್ ಹೊರತುಪಡಿಸಿ 150 ರೂ.ಗೆ ಕೇಬಲ್ ಆಪರೇಟರ್​ಗಳು 200 ಉಚಿತ ಚಾನೆಲ್ ನೀಡಬೇಕು.

ಪ್ರಸಾರಕರು ಕ್ಯಾರಿಯೇಜ್ ಶುಲ್ಕದ ರೂಪದಲ್ಲಿ ಡಿಪಿಒಗಳಿಗೆ ನೀಡಬೇಕಿದ್ದ ಶುಲ್ಕದ ಮೇಲೆ ಗರಿಷ್ಠ 4 ಲಕ್ಷ ರೂ. ಮಿತಿಯನ್ನು ಹೇರಲಾಗಿದೆ.

ಬೇರೆ ಚಾನೆಲ್​​ಗಳನ್ನು ಗ್ರಾಹಕರು ಪ್ರತ್ಯೇಕವಾಗಿ ಪಡೆಯಲು ಬಯಸಿದರೆ ಸೇವಾ ಕಂಪನಿಗಳು ಪ್ರತಿ ಚಾನೆಲ್​ಗೆ ವಿಧಿಸುವ ಶುಲ್ಕವು ಗುಚ್ಛದಲ್ಲಿ ಲಭ್ಯವಿರುವ ಎಲ್ಲಾ ಚಾನೆಲ್​ಗಳ ಸರಾಸರಿ ಶುಲ್ಕವು, ಎಲ್ಲಾ ಚಾನೆಲ್​ಗಳ ಸರಾಸರಿ ಶುಲ್ಕದ ಒಂದೂವರೆ ಪಟ್ಟಿಗಿಂತ ಹೆಚ್ಚಾಗಿರಬಾರದು.

ಜನವರಿ 15ರೊಳಗೆ ಕೇಬಲ್ ಆಪರೇಟರ್ ಮತ್ತು ಸೇವಾ ಕಂಪನಿಗಳು ಅಗತ್ಯ ಬದಲಾವಣೆ ಮಾಡಿ ವೆಬ್​ಸೈಟ್​​ನಲ್ಲಿ ಪ್ರಕಟಿಸಬೇಕು.