ಇನ್ಮುಂದೆ ಚಾನೆಲ್ ಆಯ್ಕೆ ಗೊಂದಲವಿಲ್ಲ: ಬಂದಿದೆ ಹೊಸ ಆ್ಯಪ್..!

ಟೆಲಿಕಾಂ ರೆಗ್ಯುಲೇಟರಿ ಅಥಾರಿಟಿ ಆಫ್ ಇಂಡಿಯಾ (TRAI) ಚಾನೆಲ್ ಸೆಲೆಕ್ಟರ್ ಆ್ಯಪ್​ನ್ನು ಬಿಡುಗಡೆ ಮಾಡಿದೆ. ಈ ಅಪ್ಲಿಕೇಶನ್‌ನ ಸಹಾಯದಿಂದ ಇನ್ಮುಂದೆ ಗ್ರಾಹಕರಿಗೆ ಚಾನೆಲ್ ಆಯ್ಕೆ ಮತ್ತಷ್ಟು ಸುಲಭವಾಗಲಿದೆ.

ಅಂದರೆ ಆಯಾ ಡಿಶ್ ಕನೆಕ್ಟಿವಿಟಿಯ ಚಂದಾದಾರಿಕೆಯನ್ನು ವೀಕ್ಷಿಸಲು ಮತ್ತು ಆಸಕ್ತಿಗೆ ಅನುಗುಣವಾಗಿ ಚಾನೆಲ್​ನ್ನು ಆಯ್ಕೆ ಮಾಡಲು ಸಾಧ್ಯವಾಗುತ್ತದೆ. ಅಲ್ಲದೆ ಈ ಅಪ್ಲಿಕೇಶನ್ ಮೂಲಕ, ಬೇಡವಾದ ಚಾನೆಲ್‌ಗಳನ್ನು ಸಹ ತೆಗೆದುಹಾಕಬಹುದು.

ಈ ಹಿಂದೆ ಗ್ರಾಹಕರಿಗೆ ವೆಬ್ ಪೋರ್ಟಲ್ ಮತ್ತು ತಮ್ಮ ಡಿಸ್ಟ್ರಿಬ್ಯೂಟೆಡ್ ಪ್ಲಾಟ್‌ಫಾರ್ಮ್ ಆಪರೇಟರ್‌ಗಳ (ಡಿಪಿಒ) ಮೂಲಕ ಚಾನೆಲ್​ ಆಯ್ಕೆ ಮಾಡಿಕೊಳ್ಳುವುದು ಕಷ್ಟವಾಗುತ್ತಿತ್ತು. ಇದೀಗ ಚಾನೆಲ್ ಸೆಲೆಕ್ಟರ್ ಅಪ್ಲಿಕೇಶನ್ ಮೂಲಕ ಆ್ಯಪ್ ಮೂಲಕ ಈ ಸಮಸ್ಯೆಯನ್ನು ನೀಗಿಸಲು ಮುಂದಾಗಿರುವಾಗಿ ಟ್ರಾಯ್ ತಿಳಿಸಿದೆ.

ಪ್ರಸ್ತುತ, ಚಾನಲ್ ಸೆಲೆಕ್ಟರ್ ಅಪ್ಲಿಕೇಶನ್ ಪ್ರಮುಖ ಡಿಟಿಎಚ್ ಆಪರೇಟರ್‌ಗಳು ಮತ್ತು ಮಲ್ಟಿ-ಸಿಸ್ಟಮ್ ಆಪರೇಟರ್‌ಗಳೊಂದಿಗೆ (ಎಂಎಸ್‌ಒ - ಮಲ್ಟಿ-ಸಿಸ್ಟಮ್ ಆಪರೇಟರ್‌ಗಳು) ಕಾರ್ಯನಿರ್ವಹಿಸಲಿದೆ. ಆದಾಗ್ಯೂ, ಇತರೆ ಸೇವಾ ಪೂರೈಕೆದಾರರೊಂದಿಗೆ ಆ್ಯಪ್​ನ್ನು ಸಂಯೋಜಿಸಲಾಗುವುದು ಎಂದು TRAI ಹೇಳಿದೆ. ....ಆ್ಯಪ್ ಬಳಕೆ ಹೇಗೆ?

>> ಟ್ರಾಯ್ ನ ಚಾನೆಲ್ ಸೆಲೆಕ್ಟರ್ ಅಪ್ಲಿಕೇಶನ್ Google Play ಸ್ಟೋರ್​ ಮತ್ತು ಆಪಲ್ ಸ್ಟೋರ್​ನಲ್ಲಿ ಲಭ್ಯವಿದೆ.

>> ಚಾನೆಲ್ ಸೆಲೆಕ್ಟರ್ ಅಪ್ಲಿಕೇಶನ್​ ಇನ್​ಸ್ಟಾಲ್ ಮಾಡಿ, ಚಂದಾದಾರರ ನೋಂದಾಯಿತ ಮೊಬೈಲ್ ಸಂಖ್ಯೆಯನ್ನು ನೀಡಬೇಕಾಗುತ್ತದೆ.

>> ಚಂದಾದಾರರು ತಮ್ಮ ಮೊಬೈಲ್ ಸಂಖ್ಯೆಯನ್ನು ಡಿಪಿಒ ಜೊತೆ ನೋಂದಾಯಿಸದಿದ್ದರೆ, ಅವರಿಗೆ ಟಿವಿ ಪರದೆಯಲ್ಲಿ ಒಟಿಪಿ ಕಳುಹಿಸಲಾಗುತ್ತದೆ.

>>ಈ ಅಪ್ಲಿಕೇಶನ್‌ ಮೂಲಕ ಗ್ರಾಹಕರು ತಮ್ಮ ನೆಚ್ಚಿನ ಚಾನಲ್‌ಗಳನ್ನು ಪ್ರಸ್ತುತ ದರದಲ್ಲಿ ಅಥವಾ ಕಡಿಮೆ ದರದಲ್ಲಿ ಆಯ್ಕೆ ಮಾಡಿಕೊಳ್ಳಬಹುದು.

>> ಹಾಗೆಯೇ ಅಸ್ತಿತ್ವದಲ್ಲಿರುವ ಚಂದಾದಾರಿಕೆಯಲ್ಲಿ ಬದಲಾವಣೆಗಳನ್ನು ಮಾಡುವ ಅವಕಾಶವಿರಲಿದೆ.

>> ಇದರೊಂದಿಗೆ ಚಾನೆಲ್ ಪ್ಯಾಕೇಜ್​ಗಳು, ಆಫರ್​ಗಳ ಮಾಹಿತಿ ಕೂಡ Channel Selector App ಮೂಲಕ ಗ್ರಾಹಕರು ವೀಕ್ಷಿಸಬಹುದು.