ಒನ್​ಪ್ಲಸ್​ ಹೊಸ ಫಿಟ್ನೆಸ್​ ಬ್ಯಾಂಡ್​ ಇಂದು ಮಾರುಕಟ್ಟೆಗೆ; ಬೆಲೆ ಎಷ್ಟು?

ಒನ್​​ಪ್ಲಸ್​ ​ ಸಂಸ್ಥೆ ಫಿಟ್ನೆಸ್​ ಬ್ಯಾಂಡ್​ ಅನ್ನು ಅಭಿವೃದ್ಧಿಪಡಿಸಿದ್ದು, ಇಂದು ಮಾರುಕಟ್ಟೆಗೆ ಪರಿಚಯಿಸುತ್ತಿದೆ. ಅಂದಹಾಗೆಯೇ ನೂತನ ಫಿಟ್ನೆಸ್​ ಬ್ಯಾಂಡ್​ ಬೆಲೆ 2,499 ರೂ ಎಂದು ಅಂದಾಜಿಸಲಾಗಿದೆ.

ಒನ್​ಪ್ಲಸ್​​ ಈ ಮೊದಲೇ ನೂತನ ಬ್ಯಾಂಡ್​ ಟೀಸರ್​ ಹೊರಡಿಸಿದೆ. ಅಮೆಜಾನ್ ಕೂಡ​ ಫಿಟ್​ನೆಸ್​ ಬ್ಯಾಂಡ್​ಗಾಗಿ ನೋಟಿಫೈ ಮೀ ಆಯ್ಕೆಯನ್ನು ನೀಡಿದೆ.

ಇನ್ನು ಟಿಪ್​ಸ್ಟಾರ್​ ಮುಕುಲ್ ​ಶರ್ಮಾ ಅವರು ತಮ್ಮ ಟ್ವಿಟ್ಟರ್​ ಖಾತೆಯ ಮೂಲಕ ನೂತನ ಬ್ಯಾಂಡ್​ನ ಇಮೇಜ್​ ಶೇರ್​ ಮಾಡಿದ್ದಾರೆ.

ಒನ್​ಪ್ಲಸ್​​ ಫಿಟ್ನೆಸ್​ ಬ್ಯಾಂಡ್​ ಕಪ್ಪು ಬಣ್ಣದ ಆಯತಾಕಾರದ ಡಿಸ್​ಪ್ಲೇ ಹೊಂದಿದೆ. ಟ್ರಾಕರ್​ ಮತ್ತು ಗ್ರೇ ಸ್ಟ್ರಿಪ್​​ ಬ್ಯಾಂಡ್​ ಇದಾಗಿದೆ. ಕಪ್ಪು, ನೆವಿ ಮತ್ತು ಟ್ಯಾಂಗರೀನ್​ ಬಣ್ಣದಲ್ಲಿರುವ ಫೋಟೋ ಶೇರ್​ ಆಗಿದೆ.

ಒನ್​ಪ್ಲಸ್​ ಫಿಟ್ನೆಸ್​ ಬ್ಯಾಂಡ್​ ಹೇಗಿರಲಿದೆ?: ನೂತನ​ ಫಿಟ್ನೆಸ್​​ ಬ್ಯಾಂಡ್​​ 1.1 ಇಂಚು ಎಎಂಎಲ್​​ಇಡಿ ಟಚ್​ ಡಿಸ್​ಪ್ಲೇ ಹೊಂದಿದೆ. ಹಾರ್ಟ್​ ಮೊನಿಟರಿಂಗ್​ ಆಯ್ಕೆ ಇದರಲ್ಲಿದೆ. ಜೊತೆಗೆ ಎಸ್​ಪಿಒ2 ರಕ್ತ ಶುದ್ಧತೆಯ ಮಾನಿಟರಿಂಗ್​, 3 ಆಕ್ಸಿಸ್​​ ಆಕ್ಸೆಲರ್​ಮೀಟರ್​, ಗ್ರೇಸ್ಕೋಪ್​, ಬ್ಲೂಟೂತ್​​ 5.0 ಮತ್ತು ವ್ಯಾಯಾಮ ಮೋಡ್​ಗಳನ್ನು ಒಳಗೊಂಡಿದೆ ಎನ್ನಲಾಗಿದೆ.

ಇನ್ನು ಫಿಟ್ನೆಸ್​ ಬ್ಯಾಂಡ್​​ ವಾಟರ್​ಪ್ರೂಫ್​ ಆಗಿದ್ದು, ನೀರಿನಲ್ಲೂ ಬಳಸಬಹುದಾಗಿದೆ. ಮಾತ್ರವಲ್ಲದೆ, 100 ಎಂಎಹೆಚ್​ ಸಾಮರ್ಥ್ಯದ ಬ್ಯಾಟರಿ ಅಳವಡಿಸಲಾಗಿದೆ. ಒಂದು ಬಾರಿ ಚಾರ್ಜ್​ ಮಾಡಿದರೆ 14 ದಿನಗಳ ಬಳಸಬಹುದಾಗಿದೆ.

ಒನ್​ಪ್ಲಸ್​ ಸಂಸ್ಥೆ ಈ ನೂತನ ಬ್ಯಾಂಡ್​ ಬಗ್ಗೆ ಯಾವುದೇ ಮಾಹಿತಿಯನ್ನು ನೀಡಿಲ್ಲ. ಸದ್ಯ ಟೀಸರ್​ ಮಾತ್ರ ವೈರಲ್​ ಆಗುತ್ತಿದ್ದು, ಅನೇಕರು ಒನ್​ಪ್ಲಸ್​ ಬ್ಯಾಂಡ್​ ಬಿಡುಗಡೆಯಾಗಿ ಕಾಯುತ್ತಿದ್ದಾರೆ.