Tirumala: ತಿರುಪತಿ ತಿಮ್ಮಪ್ಪನ ಭಕ್ತರೇ ಅಲರ್ಟ್​! ಇಂದಿನಿಂದ ಫೇಸ್​​ ರೆಕಗ್ನೈಸೇಶನ್​ ಟೆಕ್ನಾಲಜಿ ಜಾರಿ

ತಿರುಮಲಕ್ಕೆ ಹೋಗುವ ಶ್ರೀವಾರಿ ಭಕ್ತರಿಗೆ ಎಚ್ಚರಿಕೆ. ತಿರುಮಲ ತಿರುಪತಿ ದೇವಸ್ಥಾನಂ (ಟಿಟಿಡಿ) ಮಾರ್ಚ್ 1 ಅಂದರೆ ಇಂದಿನಿಂದ ಭಕ್ತರಿಗೆ ಮುಖ ಗುರುತಿಸುವ ತಂತ್ರಜ್ಞಾನವನ್ನು ಬಳಸಲಿದೆ. ದೇಶದ ವಿವಿಧ ಭಾಗಗಳಿಂದ ಬರುವ ಶ್ರೀವಾರಿ ಭಕ್ತರಿಗೆ ಟೋಕನ್ ರಹಿತ ದರ್ಶನ ಮತ್ತು ವಸತಿ ಹಂಚಿಕೆಯಲ್ಲಿ ಸರಿಯಾದ ಸೌಲಭ್ಯವನ್ನು ಒದಗಿಸಲು ಟಿಟಿಡಿ ಈ ತಂತ್ರಜ್ಞಾನವನ್ನು ಬಳಸಲಿದೆ.

ಸರ್ವದರ್ಶನಂ ಸಂಕೀರ್ಣದಲ್ಲಿ ಭಕ್ತರು ಹೆಚ್ಚು ಟೋಕನ್ ತೆಗೆದುಕೊಳ್ಳುವುದನ್ನು ತಡೆಯಲು ಈ ತಂತ್ರಜ್ಞಾನವು ಉಪಯುಕ್ತವಾಗಲಿದೆ ಎಂದು ಟಿಟಿಡಿ ಭಾವಿಸುತ್ತದೆ. ಟಿಟಿಡಿಯು ಸರ್ವದರ್ಶನಂ ಕೌಂಟರ್, ಟೋಕನ್‌ಲೆಸ್ ದರ್ಶನಂ, ಲಡ್ಡುಗಳ ವಿತರಣೆ, ವಸತಿ ಹಂಚಿಕೆ, ಡೆಪಾಸಿಟ್​ ಮರುಪಾವತಿ ಮತ್ತು ಇತರ ಪ್ರದೇಶಗಳಲ್ಲಿ ಮುಖ ಗುರುತಿಸುವಿಕೆ ತಂತ್ರಜ್ಞಾನವನ್ನು ಬಳಸುತ್ತದೆ. ಹಾಗಿದ್ರೆ ಈ ಟೆಕ್ನಾಲಜಿ ಹೇಗೆ ಕಾರ್ಯನಿರ್ವಹಿಸುತ್ತದೆ ಎಂದು  ಈ ಲೇಖನದ ಮೂಲಕ ತಿಳಿಯೋಣ.

ಟಿಟಿಡಿ ಇಂದಿನಿಂದ ಅಂದರೆ ಮಾರ್ಚ್ 1 ರಿಂದ ವೈಕುಂಟಂ 2 ಮತ್ತು ಎಎಂಎಸ್ ವ್ಯವಸ್ಥೆಗಳಲ್ಲಿ ಪ್ರಾಯೋಗಿಕ ಮುಖ ಗುರುತಿಸುವಿಕೆ ವ್ಯವಸ್ಥೆಯನ್ನು ಪ್ರಾರಂಭಿಸುತ್ತದೆ. ದರ್ಶನಕ್ಕೆ ನೋಂದಾಯಿಸಿಕೊಳ್ಳುವಾಗ ಪ್ರವೇಶ ಸ್ಥಳದಲ್ಲಿ ಪ್ರತಿಯೊಬ್ಬ ಭಕ್ತನ ಫೋಟೋ ತೆಗೆಯಲಾಗುತ್ತದೆ. ಭಕ್ತರ ಮುಖವನ್ನು ಈಗಾಗಲೇ ಟಿಟಿಡಿಯೊಂದಿಗೆ ಡೇಟಾ ಬ್ಯಾಂಕ್‌ನಲ್ಲಿರುವ ಡೇಟಾದೊಂದಿಗೆ ಹೋಲಿಸಲಾಗುತ್ತದೆ.

ಹೀಗಾಗಿ ಯಾರಾದರೂ ಟಿಟಿಡಿ ಒದಗಿಸುವ ಸೇವೆಗಳನ್ನು ದುರುಪಯೋಗಪಡಿಸಿಕೊಳ್ಳುತ್ತಿದ್ದಾರೆಯೇ ಮತ್ತು ಹೆಚ್ಚು ಟೋಕನ್ ತೆಗೆದುಕೊಳ್ಳುತ್ತಿದ್ದಾರೆಯೇ ಎಂದು ಪರಿಶೀಲಿಸಲಾಗುತ್ತದೆ. ಮೊದಲ ಬಾರಿಗೆ ಭಕ್ತನ ಮುಖವನ್ನು ಪತ್ತೆಹಚ್ಚಿದ ನಂತರ, ಆ ಡೇಟಾವು ಟಿಟಿಡಿ ಬಳಿ ಇರುತ್ತದೆ. ನಂತರ ಅದೇ ಭಕ್ತ ಮತ್ತೊಮ್ಮೆ ಟೋಕನ್‌ಗಾಗಿ ಬಂದರೆ ಅದನ್ನು ಹಳೆಯ ಡೇಟಾ ಮೂಲಕ ಸುಲಭವಾಗಿ ಗುರುತಿಸಬಹುದು.

ಅಷ್ಟೇ ಅಲ್ಲ, ಟಿಕೆಟ್ ತೆಗೆದುಕೊಂಡ ಭಕ್ತ ದೇವಸ್ಥಾನದೊಳಗೆ ಹೋಗುತ್ತಿದ್ದಾರಾ ಎಂಬುದನ್ನೂ ಪರಿಶೀಲಿಸುತ್ತಾರೆ. ದೇವಸ್ಥಾನ ಪ್ರವೇಶಿಸುವ ಮುನ್ನ ಕ್ಯಾಮೆರಾ ಮುಂದೆ ನಿಲ್ಲಬೇಕು. ನಂತರ ಫೋಟೋ ಕ್ಲಿಕ್ಕಿಸಲಾಗುತ್ತದೆ. ಈಗಾಗಲೇ ಡೇಟಾ ಬ್ಯಾಂಕ್‌ನಲ್ಲಿರುವ ಫೋಟೋದೊಂದಿಗೆ ಟಿಕೆಟ್ ಹೊಂದಾಣಿಕೆಯಾದರೆ, ಅವರನ್ನು ದೇವಾಲಯಕ್ಕೆ ಪ್ರವೇಶಿಸಲು ಅನುಮತಿಸಲಾಗುತ್ತದೆ. ಇಲ್ಲದಿದ್ದರೆ ಟಿಟಿಡಿ ಕ್ರಮ ಎದುರಿಸಬೇಕಾಗುತ್ತದೆ.

ಮೊದಲು ದೇವಾಲಯಕ್ಕೆ ಹೋಗಬೇಕಾದರೆ ಅಲ್ರುಲಿ ಆಧಾರ್ ಕಾರ್ಡ್‌ಗಳನ್ನು ಪರಿಶೀಲಿಸುತ್ತಿದ್ದರು. ವಿವರಗಳನ್ನು ಹಸ್ತಚಾಲಿತವಾಗಿಯೇ ನೀಡಲಾಗುತ್ತಿತ್ತು. ಆದರೆ ಈಗ ಫೇಶಿಯಲ್ ರೆಕಗ್ನಿಷನ್ ತಂತ್ರಜ್ಞಾನವನ್ನು ಬಳಸಿಕೊಳ್ಳಲು ಹೊರಟಿದೆ. ಈ ತಂತ್ರಜ್ಞಾನ ಸಂಪೂರ್ಣ ಜಾರಿಯಾದರೆ ತಿರುಮಲಕ್ಕೆ ಬರುವ ಪ್ರತಿಯೊಬ್ಬ ಭಕ್ತನ ಮೇಲೆ ಡಿಜಿಟಲ್ ಕಣ್ಗಾವಲು ಇರುತ್ತದೆ. ಸುಮಾರು 3,000 ಕ್ಯಾಮೆರಾಗಳು ಭಕ್ತರ ಮೇಲೆ ನಿಗಾ ಇಡುತ್ತವೆ.

ಒಮ್ಮೆ ಭಕ್ತನನ್ನು ನೋಂದಾಯಿಸಿದ ನಂತರ, ಪ್ರವೇಶ ದ್ವಾರದ ಬಳಿ, ದರ್ಶನಕ್ಕೆ ಹೋಗುವಾಗ ಮತ್ತು ಲಡ್ಡು ಪ್ರಸಾದವನ್ನು ತೆಗೆದುಕೊಳ್ಳುವಾಗ ಕ್ಯಾಮೆರಾಗಳು ವೀಕ್ಷಿಸುತ್ತಿರುತ್ತವೆ. ಹೊರಗುತ್ತಿಗೆ ಸಿಬ್ಬಂದಿ ಲಡ್ಡು ಕೌಂಟರ್‌ಗಳನ್ನು ನಿರ್ವಹಿಸುವುದರಿಂದ ಲಡ್ಡು ವಿತರಣೆ ಪ್ರಕ್ರಿಯೆಯ ದುರುಪಯೋಗವನ್ನು ತಡೆಯುತ್ತದೆ. ಮುಖ ಗುರುತಿಸುವಿಕೆಯೊಂದಿಗೆ ಹೊಂದಾಣಿಕೆ ಮಾಡಿದ ನಂತರವೇ ಭಕ್ತರಿಗೆ ವಸತಿ ಸೌಲಭ್ಯವನ್ನು ಸಹ ನೀಡಲಾಗುವುದು.

ಯಾರಾದರೂ ಆಧಾರ್ ಕಾರ್ಡ್ ಅನ್ನು ದುರುಪಯೋಗಪಡಿಸಿಕೊಂಡರೆ, ಮುಖ ಗುರುತಿಸುವಿಕೆ ತಂತ್ರಜ್ಞಾನವು ಆ ಅಕ್ರಮಗಳನ್ನು ಪರಿಶೀಲಿಸಬಹುದು ಎಂದು ಟಿಟಿಡಿ ಹೇಳಿದೆ. ಟಿಟಿಡಿ ಈಗಾಗಲೇ ಈ ತಂತ್ರಜ್ಞಾನವನ್ನು ಸರ್ವದರ್ಶನಕ್ಕೆ ಬಳಸಿಕೊಂಡಿದೆ. ಯಾವುದೇ ಸಮಸ್ಯೆಗಳಿರಲಿಲ್ಲ. ಈ ತಂತ್ರಜ್ಞಾನವನ್ನು 45 ದಿನಗಳವರೆಗೆ ವಸತಿ ಹಂಚಿಕೆಯಲ್ಲಿಯೂ ಬಳಸಲಾಗುತ್ತದೆ. ಟಿಟಿಡಿ ಸಂಗ್ರಹಿಸಿದ ಭಕ್ತರ ದತ್ತಾಂಶವನ್ನು ಟಿಟಿಡಿ ಸ್ಥಳೀಯ ಡೇಟಾದ ಕೇಂದ್ರದಲ್ಲಿ ಸಂಗ್ರಹಿಸಲಾಗುತ್ತದೆ. ಈ ಡೇಟಾವನ್ನು ತಿಳಿಯಲು ಹೊರಗಿನವರಿಗೆ ಪ್ರವೇಶಿಸಲಾಗುವುದಿಲ್ಲ.