Realme GT Neo 5: ಕೇವಲ 12 ನಿಮಿಷದಲ್ಲಿ ಫುಲ್ ಚಾರ್ಜ್​ ಆಗುತ್ತೆ ಈ ಸ್ಮಾರ್ಟ್​ಫೋನ್​! ಫೀಚರ್ಸ್​ ಹೇಗಿದೆ ಗೊತ್ತಾ?

ಮೊಬೈಲ್​ ಮಾರುಕಟ್ಟೆಗೆ ಇದುವರೆಗೆ ಹಲವಾರು ಉತ್ತಮ ಬ್ಯಾಟರಿ ಬ್ಯಾಕಪ್​ ಹೊಂದಿದ ಸ್ಮಾರ್ಟ್​ಫೋನ್​ಗಳು ಬಿಡುಗಡೆಯಾಗಿದೆ. ಹೆಚ್ಚಿನ ಜನರು ಈಗ ಮೊಬೈಲ್ ಖರೀದಿಸುವಾಗ ನೋಡುವುದೇ ಮೊದಲಿಗೆ ಅದರ ಬ್ಯಾಟರಿ ಬ್ಯಾಕಪ್​. ಈ ಅಂಶಗಳನ್ನು ಗಮನಿಸಿದ ಮೊಬೈಲ್ ಕಂಪನಿಗಳು ಕೂಡ ಉತ್ತಮ ಬ್ಯಾಟರಿ ಹೊಂದಿದ ಸ್ಮಾರ್ಟ್​​ಫೋನ್​ಗಳನ್ನು ಇತ್ತೀಚೆಗೆ ಬಿಡುಗಡೆ ಮಾಡುತ್ತದೆ.

ಈ ವರ್ಷ, ಎಲ್ಲಾ ಮೊಬೈಲ್ ಫೋನ್ ಕಂಪನಿಗಳು 150W ನಿಂದ 200W ವರೆಗಿನ ಚಾರ್ಜರ್‌ಗಳನ್ನು ಪರಿಚಯಿಸಿವೆ. ಆದರೆ ಹೊಸ ವರ್ಷದಲ್ಲಿ ಇನ್ನೂ ವೇಗದ ಚಾರ್ಜರ್‌ಗಳು ಮೊಬೈಲ್‌ಗಳೊಂದಿಗೆ ಮಾರುಕಟ್ಟೆಯಲ್ಲಿ ಕಂಡುಬರಲಿದೆ ಎಂದು ವರದಿಗಳು ಹೇಳಿವೆ.

ರಿಯಲ್​ಮಿ ಹೊಸ ವರ್ಷದಲ್ಲಿ 240W ಚಾರ್ಜಿಂಗ್ ಪವರ್ ಅಡಾಪ್ಟರ್ ಅನ್ನು ಬಿಡುಗಡೆ ಮಾಡಲು ತಯಾರಿ ನಡೆಸುತ್ತಿದೆ. ಅದರ ಸಹಾಯದಿಂದ, ಮೊಬೈಲ್ ಫೋನ್ ಅನ್ನು ಇನ್ಮುಂದೆ ಕೇವಲ 12 ನಿಮಿಷಗಳಲ್ಲಿ ಸಂಪೂರ್ಣವಾಗಿ ಚಾರ್ಜ್ ಮಾಡಬಹುದು.

ಈ ಪವರ್ ಚಾರ್ಜಿಂಗ್ ಅಡಾಪ್ಟರ್ ಅನ್ನು ರಿಯಲ್​ಮಿ ಜಿಟಿ ನಿಯೋ 5 ಸ್ಮಾರ್ಟ್‌ಫೋನ್‌ನೊಂದಿಗೆ ಪರಿಚಯಿಸುವ ಸಾಧ್ಯತೆಯಿದೆ. ಈ ಹಿಂದೆ, 150W ಫಾಸ್ಟ್ ಚಾರ್ಜಿಂಗ್ ಪವರ್ ಅಡಾಪ್ಟರ್ ಅನ್ನು ರಿಯಲ್​ಮಿ ಜಿಟಿ ನಿಯೋ 3 ನೊಂದಿಗೆ ನೀಡಲಾಗಿತ್ತು.

ರಿಯಲ್​ಮಿ ಜಿಟಿ ನಿಯೋ 5 ಸ್ಮಾರ್ಟ್‌ಫೋನ್ 90W ಹೆಚ್ಚು ವೇಗದ ಚಾರ್ಜಿಂಗ್ ಸಾಮರ್ಥ್ಯವನ್ನು ಪಡೆಯುತ್ತದೆ ಎಂದು ವರದಿಯೊಂದು ಹೇಳಿಕೊಂಡಿದೆ, ಪ್ರಸ್ತುತ ರಿಯಲ್‌ಮಿ ಜಿಟಿ ನಿಯೋ 3 ಸ್ಮಾರ್ಟ್‌ಫೋನ್ 20 ನಿಮಿಷಗಳಲ್ಲಿ ಸಂಪೂರ್ಣವಾಗಿ ಚಾರ್ಜ್ ಆಗುತ್ತದೆ. ಇನ್ನುಮುಂದಿನ ಸ್ಮಾರ್ಟ್​​ಫೋನ್​ಗಳು ಕೇವಲ 12 ನಿಮಿಷದಲ್ಲಿ ಚಾರ್ಜ್​ ಆಗುವಂತಹ ಸ್ಮಾರ್ಟ್​ಫೋನ್​ಗಳು ಬಿಡುಗಡೆಯಾಗಲಿದೆ.

ರಿಯಲ್​ಮಿ ಜಿಟಿ ನಿಯೋ 5 ಸ್ಮಾರ್ಟ್‌ಫೋನ್ ಹಿಂಭಾಗದಲ್ಲಿ ಡ್ಯುಯಲ್-ಟೋನ್ ಡಿಸ್ಪ್ಲೇಯನ್ನು ಹೊಂದಿದೆ, ಇದು ಕಪ್ಪು ಬಣ್ಣದ ಕ್ಯಾಮೆರಾ ಮಾಡ್ಯೂಲ್‌ನೊಂದಿಗೆ ಬರುತ್ತದೆ. ಈ ಫೋನ್ ಅಂಡರ್-ದಿ-ಡಿಸ್ಪ್ಲೇ ಫಿಂಗರ್‌ಪ್ರಿಂಟ್ ಸ್ಕ್ಯಾನರ್‌ನೊಂದಿಗೆ ದೊಡ್ಡ 6.7-ಇಂಚಿನ ಡಿಸ್ಪ್ಲೇಯನ್ನು ಪಡೆಯುತ್ತದೆ. 

ಇನ್ನು ಈ ಸ್ಮಾರ್ಟ್​ಫೋನ್​ ಸ್ನ್ಯಾಪ್​ಡ್ರಾಗನ್​ 8+ Gen. 1SoC ಚಿಪ್‌ಸೆಟ್ ಬೆಂಬಲದೊಂದಿಗೆ ಕಾರ್ಯನಿರ್ವಹಿಸಲಿದೆ. ರಿಯಲ್​ಮಿ ಜಿಟಿ ನಿಯೋ 5 ಫೋನ್ 5,000mAh ಬ್ಯಾಟರಿ ಬ್ಯಾಕಪ್​ ಅನ್ನು ಹೊಂದಿರುತ್ತದೆ.

ರಿಯಲ್​ಮಿ ಕಂಪನಿಯಿಂದ ಮುಂಬರುವ ಸ್ಮಾರ್ಟ್​ಫೋನ್ ಇದಾಗಿದ್ದು, ಇದು ಚಾರ್ಜಿಂಗ್ ಅಡಾಪ್ಟರ್ ಕೂಡ ಬಹಳ ಗುಣಮಟ್ಟದ್ದಾಗಿರುತ್ತದೆ. ಆದ್ದರಿಂದ ಕೇವಲ 12 ನಿಮಿಷಗಳಲ್ಲಿ ಇದು ಫುಲ್​​ ಚಾರ್ಜ್​ ಆಗುವಂತೆ ಮಾಡುತ್ತದೆ.