ಸಾವಿರಾರು ರೂ. ನೀಡಿ ಖರೀದಿಸಿದ ಮೊಬೈಲ್ ಏಕಾಏಕಿ ಕಳವಾದರೆ ಯಾರಿಗೆ ತಾನೆ ಬೇಜಾರಾಗಲ್ಲ ಹೇಳಿ. ಇನ್ನು ಪೊಲೀಸ್ ಠಾಣೆಗೆ ದೂರು ನೀಡಿದರೂ ಮೊಬೈಲ್ ಮರಳಿ ಸಿಗುವುದು ದೂರದ ಮಾತು. ಆದರೆ ಮೊಬೈಲ್ ಕಳೆದು ಹೋಯಿತು ಎಂದು ಪರಿತಪಿಸುವ ಕಾಲ ದೂರವಾಗುವ ಸಮಯ ಹತ್ತಿರವಾಗಿದೆ.
.ಕಳೆದು ಹೋದ ಅಥವಾ ಕಳವು ಮಾಡಲಾದ ಮೊಬೈಲ್ಗಳ ಪತ್ತೆಗಾಗಿ ಕೇಂದ್ರ ದೂರ ಸಂಪರ್ಕ ಇಲಾಖೆ ಹೊಸ ವ್ಯವಸ್ಥೆಯನ್ನು ಜಾರಿಗೆ ತರುತ್ತಿದೆ.
ಇದಕ್ಕಾಗಿ ವೆಬ್ ಪೋರ್ಟಲ್ವೊಂದನ್ನು ಪ್ರಾರಂಭಿಸಲಿದ್ದು, ಈ ಮೂಲಕ ಬಳಕೆದಾರರ ಕಳೆದುಹೋದ ಫೋನ್ನ್ನು ಸುಲಭವಾಗಿ ಪತ್ತೆ ಹಚ್ಚಬಹುದು.
ಕೇಂದ್ರ ದೂರ ಸಂಪರ್ಕ ಇಲಾಖೆಯು ಸೆಂಟ್ರಲ್‌ ಈಕ್ವಿಪ್‌ಮೆಂಟ್‌ ಐಡೆಂಟಿಟಿ ರಿಜಿಸ್ಟರ್‌ (ಸಿಇಐಆರ್) ಎಂಬ ದತ್ತಾಂಶ ಆಧಾರಿತ ನಿರ್ವಹಣ ವ್ಯವಸ್ಥೆಯೊಂದನ್ನು ರೂಪಿಸಿದ್ದು, ಇದರ ಪ್ರಾಯೋಗಿಕ ಪರೀಕ್ಷೆಯು ಮಹಾರಾಷ್ಟ್ರದಲ್ಲಿ ಜಾರಿ ಮಾಡಲಾಗಿದೆ.
ಕೇಂದ್ರ ದೂರಸಂಪರ್ಕ ಇಲಾಖೆ ಸಚಿವ ರವಿಶಂಕರ್‌ ಪ್ರಸಾದ್‌ ಸೆಂಟ್ರಲ್‌ ಈಕ್ವಿಪ್‌ಮೆಂಟ್‌ ಐಡೆಂಟಿಟಿ ರಿಜಿಸ್ಟರ್‌ (ಸಿಇಐಆರ್) ವ್ಯವಸ್ಥೆಗೆ ಮಹಾರಾಷ್ಟ್ರದಲ್ಲಿ ಚಾಲನೆ ನೀಡಿದ್ದು, ಈ ಹೊಸ ಸೇವೆಯು ಯಶಸ್ವಿಯಾದರೆ ಉಳಿದೆಲ್ಲಾ ರಾಜ್ಯಗಳಲ್ಲೂ ಸಿಇಐಆರ್ ಪೋರ್ಟಲ್ ಜಾರಿಗೆ ಬರಲಿದೆ. ಸಿಇಐಆರ್ ಹೇಗೆ ಕಾರ್ಯ ನಿರ್ವಹಿಸಲಿದೆ? ಮುಂದೆ ಓದಿ...
ಪ್ರತಿಯೊಂದು ಮೊಬೈಲ್ ಫೋನ್ಗೂ ನಿಖರ ವಾದ IMEI (ಇಂಟರ್‌ನ್ಯಾಶನಲ್‌ ಮೊಬೈಲ್ ಈಕ್ವಿಪ್‌ಮೆಂಟ್‌ ಐಡೆಂಟಿಟಿ) ನಂಬರ್ ನೀಡಲಾಗಿರುತ್ತದೆ.
ಸಾಮಾನ್ಯವಾಗಿ ಮೊಬೈಲ್ ಕಳ್ಳರು IMEI ನಂಬರ್ಗಳನ್ನು ರಿಪ್ರೋಗ್ರಾಮ್ ಮೂಲಕ ಅಳಿಸಿ ಹಾಕುತ್ತಾರೆ. ಆದರೆ ಇನ್ಮುಂದೆ ಐಎಂಇಐ ಸಂಖ್ಯೆಯನ್ನು ಬದಲಿಸಿದರೂ ಮೊಬೈಲ್‌ಗೆ ಹಾಕುವ ಸಿಮ್‌ನಿಂದಾಗಿ ಸಿಕ್ಕಿಬೀಳುತ್ತಾರೆ.
ಹಾಗೆಯೇ ಸಿಇಐಆರ್ನಲ್ಲಿ IMEI ದತ್ತಾಂಶ ಶೇಖರಿಸಿಡುವುದರಿಂದ ಆ ಮೊಬೈಲ್ ಎಲ್ಲಿದೆ, ಯಾರು ಬಳಸುತ್ತಿದ್ದಾರೆ ಎಂಬುದನ್ನು ಪತ್ತೆ ಹಚ್ಚಬಹುದು.
ಇಲ್ಲಿ ಅಂತಾರಾಷ್ಟ್ರೀಯ ಮಟ್ಟದ ಜಿಎಸ್‌ಎಂ ಅಸೋಸಿಯೇಶನ್‌ನ ಸಂಗ್ರಹದಲ್ಲಿರುವ ಸಂಖ್ಯೆಗಳ ಜೊತೆ IMEI ಡೇಟಾಬೇಸ್‌ ಬೆಸೆಯುತ್ತದೆ.
ಈ ಎಲ್ಲ ಮಾಹಿತಿಗಳು ಸಿಇಐಆರ್ ದತ್ತಾಂಶವು ತನಿಖಾಧಿಕಾರಿಗಳಿಗೆ ನೀಡಲಿದ್ದು, ಇದರಿಂದ ಕಳೆದುಹೋದ ಫೋನ್ಗಳನ್ನು ಪತ್ತೆ ಹಚ್ಚಲು ಸುಲಭವಾಗಲಿದೆ.
ಇದರ ಹೊರತಾಗಿ ಕಳವು ಆದ ಮೊಬೈಲ್ ತಿರುಗಿ ಪಡೆಯಲು ಆಗದಿದ್ದರೂ ಅದನ್ನು ಸಂಪೂರ್ಣ ನಿಷ್ಕ್ರಿಯವನ್ನಂತೂ ಈ ಮೂಲಕ ಮಾಡಬಹುದಾಗಿದೆ. ಸಿಇಐಆರ್ ಯೋಜನೆಯ ಮುಖ್ಯ ಉದ್ದೇಶವೇನು?
- ಮೊಬೈಲ್ ಫೋನ್ ಕಳ್ಳತನವನ್ನು ತಡೆಯುವುದು. ಕದ್ದ ಅಥವಾ ಕಳೆದುಹೋದ ಫೋನ್ಗಳನ್ನು ಎಲ್ಲ ನೆಟ್ವರ್ಕ್ನಲ್ಲಿ ನಿರ್ಬಂಧಿಸುವುದು.
- ಕಳವು ಮಾಡಿದ ಮೊಬೈಲ್ಗಳಿಂದ ಉಂಟಾಗುವ ಅಪಾಯಗಳನ್ನು ತಡೆಗಟ್ಟುವುದು. ನಿಮ್ಮ ಕಳೆದುಹೋದ ಮೊಬೈಲ್ನ್ನು ಮರಳಿ ಪಡೆಯುವುದು ಹೇಗೆ? ಮುಂದೆ ಓದಿ...
- ನಿಮ್ಮ ಮೊಬೈಲ್ ಕಾಣೆಯಾಗಿದ್ದರೆ ಅಥವಾ ಕಳವಾಗಿದ್ದರೆ ಸ್ಥಳೀಯ ಪೊಲೀಸ್ ಠಾಣೆಗೆ ದೂರು ನೀಡಿ ಎಫ್ಐಆರ್‌ ಪಡೆಯಿರಿ.
![[caption id="attachment_246623" align="alignnone" width="800"] - ಈ ಬಗ್ಗೆ ಕೇಂದ್ರ ದೂರ ಸಂಪರ್ಕ ಇಲಾಖೆಯ ಸಹಾಯವಾಣಿ ಸಂಖ್ಯೆ 14422ಕ್ಕೆ ಕರೆ ಮಾಡಿ ಮೊಬೈಲ್ ಕುರಿತಾದ ಮಾಹಿತಿಯನ್ನು ನೀಡಿ.</dd>
<dd>[/caption]](https://static.kannada.news18.com/optimize/EaaV4VnoxNU33G5ewCLGI8SSQ9k=/0x0/static.kannada.news18.com/kannada/uploads/2019/09/Realme-XT-the-first-mobile-with-64-Mpx-camera.jpg "[caption id=\"attachment_246623\" align=\"alignnone\" width=\"800\"] - ಈ ಬಗ್ಗೆ ಕೇಂದ್ರ ದೂರ ಸಂಪರ್ಕ ಇಲಾಖೆಯ ಸಹಾಯವಾಣಿ ಸಂಖ್ಯೆ 14422ಕ್ಕೆ ಕರೆ ಮಾಡಿ ಮೊಬೈಲ್ ಕುರಿತಾದ ಮಾಹಿತಿಯನ್ನು ನೀಡಿ.</dd>
<dd>[/caption]")
[caption id="attachment_246623" align="alignnone" width="800"] - ಈ ಬಗ್ಗೆ ಕೇಂದ್ರ ದೂರ ಸಂಪರ್ಕ ಇಲಾಖೆಯ ಸಹಾಯವಾಣಿ ಸಂಖ್ಯೆ 14422ಕ್ಕೆ ಕರೆ ಮಾಡಿ ಮೊಬೈಲ್ ಕುರಿತಾದ ಮಾಹಿತಿಯನ್ನು ನೀಡಿ.</dd> <dd>[/caption]
- ಯಾರಾದರೂ ಆ ಮೊಬೈಲ್ನಲ್ಲಿ ಸಿಮ್ ಬಳಸಿದರೆ ಅದರ ಮಾಹಿತಿಯು ನೆಟ್‌ವರ್ಕ್‌ ಮೂಲಕ ಸಿಇಐಆರ್/ಪೊಲೀಸರಿಗೆ ತಲುಪುತ್ತದೆ.
