Smartphone Cover: 4G ಸ್ಮಾರ್ಟ್​ಫೋನ್​ ಬಳಕೆದಾರರೇ, ಈ ಕವರ್​ ಅಳವಡಿಸಿದರೆ 5G ನೆಟ್​​ವರ್ಕ್​ ಸಿಗುತ್ತದೆ!

ಸ್ಮಾರ್ಟ್​ಫೋನ್ ಕಂಪನಿಗಳು ಮಾರುಕಟ್ಟೆಗೆ ವಿವಿಧ ಫೀಚರ್ಸ್​ಗಳನ್ನು ಅಳವಡಿಸಿಕೊಂಡು ಪರಿಚಯಿಸುತ್ತಿದೆ. ಹೆಚ್ಚಿನ ಸ್ಮಾರ್ಟ್​ಫೋನ್​ಗಳು 5G ಸಂಪರ್ಕಗಳೊಂದಿಗೆ ಬರುತ್ತವೆ. ಇಂದು ನಾವು ನಿಮಗೆ ವಿಶಿಷ್ಟವಾದ ಸ್ಮಾರ್ಟ್​ಫೋನ್ ಕವರ್ ಬಗ್ಗೆ ಹೇಳಲಿದ್ದೇವೆ.

ಅಂದಹಾಗೆಯೇ ಸ್ಮಾರ್ಟ್​ಫೋನ್ 4G ನೆಟ್​ವರ್ಕ್ ಅನ್ನು ಮಾತ್ರ ಬೆಂಬಲಿಸುತ್ತದೆ. ಆದರೆ ಅದರ ಬ್ರಾಂಡ್​ನಿಂದ ಮಾಡಿದ ಕವರ್​ನಲ್ಲಿ 5G ನೆಟ್​ವರ್ಕ್​ ಅನ್ನು ಸಿಗಲಿದೆ. ಇನ್ನು ಸ್ಮಾರ್ಟ್​ಫೋನ್​ ಕ ವರ್ 5G ನೆಟ್​ವರ್ಕ್​ ಅನ್ನು ಹೇಗೆ ಬೆಂಬಲಿಸುತ್ತದೆ ಎಂಬ ಬಗ್ಗೆ ಮಾಹಿತಿ ಇಲ್ಲಿದೆ.

Huawei ನ 4G ಸ್ಮಾರ್ಟ್​ಫೋನ್ Huawei P50 Pro ಬಕಳಕೆದಾರರಿಗಾಗಿ ಈ ಕವರ್ ಅನ್ನು ಪರಿಚಯಿಸಿದೆ. 2021 ರಲ್ಲಿ ಈ ಸ್ಮಾರ್ಟ್​ಫೋನ್ ಬಿಡುಗಡೆಯಾಗಿದೆ. ಅಂದಹಾಗೆಯೇ ಈ ಸ್ಮಾರ್ಟ್​ಫೋನ್ 5ಜಿ ನೆಟ್​ವರ್ಕ್​ ಬೆಂಬಲವನ್ನು ಹೊಂದಿಲ್ಲ. ಇದನ್ನು ಪರಿಗಣಿಸಿ, ಹೊಸ ಕವರ್ ಅನ್ನು ವಿನ್ಯಾಸಗೊಳಿಸಿದೆ ಮತ್ತು ಬಿಡುಗಡೆ ಮಾಡಿದೆ. ಅದರ ಸಹಾಯದಿಂದ ಬಳಕೆದಾರರು ಈ ಫೋನ್​ನಲ್ಲಿ 5G ನೆಟ್​ವರ್ಕ್ ಸಿಗಲಿದೆ.

Huawei P50 Pro ನ ಈ ಹೊಸ ಕವರ್ ಅನ್ನು Soyelink ತಯಾರಿಸಿದೆ. ಈ ಸ್ಮಾರ್ಟ್​ಫೋನ್ ಕೇಸ್​ನಲ್ಲಿ 5G ಮೋಡೆಮ್ ಜೊತೆಗೆ ಇ-ಸಿಮ್ ಚಿಪ್​ಸೆಟ್ ಅನ್ನು ಎಂಬೆಡ್ ಮಾಡಲಾಗಿದೆ. ಈ ರೀತಿಯಾಗಿ ಫೋನ್​​ನಲ್ಲಿ ಈ ಕವರ್ ಅನ್ನು ಹಾಕಿದಾಗ, ಫೋನ್ನ ಮುಖ್ಯ ಸಿಮ್ ಕಾರ್ಡ್ ಮತ್ತು ಕವರ್ನ ಇ-ಸಿಮ್ ನೆಟ್​ವರ್ಕ್​ ಸಿಗ್ನಲ್ ಸ್ವೀಕರಿಸುತ್ತದೆ ಮತ್ತು 4G ಸ್ಮಾರ್ಟ್​ಫೋನ್ 5G ಫೋನ್ ಆಗುತ್ತದೆ.

ಈ ಕವರ್​ನ ಮತ್ತೊಂದು ವಿಶೇಷವೆಂದರೆ ಇದು ತುಂಬಾ ಹಗುರವಾಗಿದೆ. ಇದರ ತೂಕ ಸುಮಾರು 52 ಗ್ರಾಂ ಮತ್ತು ಅದರ ಅಗಲವೂ 3.2 ಮಿಮೀ ಇರಲಿದೆ. ಚರ್ಮದಿಂದ ಮಾಡಲ್ಪಟ್ಟ ಹುವಾವೇ P50 Pro ನ ಕವರ್ ಲೈಟ್ ಗ್ರೇ ಬಣ್ಣದಲ್ಲಿ ಲಭ್ಯವಾಗುತ್ತಿದೆ ಮತ್ತು ಪ್ರಸ್ತುತ ಇದನ್ನು ಚೀನಾದಲ್ಲಿ ಮಾತ್ರ ಖರೀದಿಗೆ ಸಿಗಲಿದೆ.

ಈ ಸ್ಮಾರ್ಟ್​ಫೋನ್ ಕವರ್​ನ ಬೆಲೆ 799 ಯುವಾನ್ (ಸುಮಾರು ರೂ 9,188) ಎಂದು ಹೇಳಲಾಗುತ್ತಿದೆ. ಯಾವಾಗ ಮಾರಾಟಕ್ಕೆ ಲಭ್ಯವಾಗುತ್ತದೆ ಎಂದು ಹೇಳಲಾಗಿಲ್ಲ. ಸದ್ಯಕ್ಕೆ ಈ ಫೋನ್ ಚೀನಾ ಹೊರತುಪಡಿಸಿ ಬೇರೆ ದೇಶಗಳಲ್ಲಿ ಯಾವಾಗ ಮಾರಾಟವಾಗಲಿದೆ ಎಂಬುದರ ಕುರಿತು ಯಾವುದೇ ಮಾಹಿತಿ ಇಲ್ಲ.