Best Smartphone: ಪವರ್ ಇಲ್ಲ ಅನ್ನೋ ಟೆನ್ಶನ್ ಬೇಡ, ಈ ಸ್ಮಾರ್ಟ್‌ ಫೋನ್ ಕೇವಲ 10 ನಿಮಿಷದಲ್ಲೇ ಚಾರ್ಜ್ ಆಗುತ್ತೆ!

ಪ್ರಮುಖ ಟೆಕ್ ಬ್ರಾಂಡ್ ಇನ್ಫಿನಿಕ್ಸ್ ಕಡಿಮೆ ಬೆಲೆಯಲ್ಲಿ ಉತ್ತಮ ಗುಣಮಟ್ಟದ ಸ್ಮಾರ್ಟ್‌ಫೋನ್‌ಗಳನ್ನು ಬಿಡುಗಡೆ ಮಾಡುವ ಮೂಲಕ ಭಾರೀ ಜನಪ್ರಿಯತೆಯಲ್ಲಿದೆ. ಈ ಕಂಪೆನಿಯು ಸುಧಾರಿತ ತಂತ್ರಜ್ಞಾನ ಮತ್ತು ಅದ್ಭುತ ವಿನ್ಯಾಸಗಳೊಂದಿಗೆ ಫೋನ್‌ಗಳನ್ನು ತಯಾರಿಸುತ್ತದೆ. ಇತ್ತೀಚೆಗೆ, ಕಂಪೆನಿಯು 260W ವೇಗದ ಚಾರ್ಜಿಂಗ್ ಹೊಂದಿರುವ ವಿಶೇಷ ಸ್ಮಾರ್ಟ್​​​ಫೋನ್​ ಅನ್ನು ಬಿಡುಗಡೆ ಮಾಡಿದೆ. ಇಲ್ಲಿಯವರೆಗೆ ಯಾವುದೇ ಮೊಬೈಲ್ ಕಂಪನಿಯು ಇಷ್ಟು ವೇಗದ ಚಾರ್ಜಿಂಗ್ ವ್ಯವಸ್ಥೆಯನ್ನು ಬಿಡುಗಡೆ ಮಾಡಿಲ್ಲ.

ಇನ್ನು ಇನ್ಫಿನಿಕ್ಸ್ ತರಲಿರುವ 260W ವಿಶ್ವದ ಅತ್ಯಂತ ವೇಗದ ಚಾರ್ಜರ್ ಆಗಿರುತ್ತದೆ. ಮುಂಬರುವ ಇನ್ಫಿನಿಕ್ಸ್ GT 10 Pro ಸ್ಮಾರ್ಟ್‌ಫೋನ್‌ನಲ್ಲಿ ಈ ಇತ್ತೀಚಿನ ವೇಗದ ಚಾರ್ಜಿಂಗ್ ತಂತ್ರಜ್ಞಾನವನ್ನು ನೀಡಲು ಕಂಪೆನಿಯು ಯೋಜಿಸುತ್ತಿದೆ ಎಂದು ಇತ್ತೀಚಿನ ವರದಿಗಳು ಹೇಳುತ್ತವೆ.

Infinix ಈ ಹಿಂದೆ 180W ಚಾರ್ಜಿಂಗ್ ಬೆಂಬಲದೊಂದಿಗೆ ಫೋನ್ ಅನ್ನು ಬಿಡುಗಡೆ ಮಾಡಿದೆ. ಇದೀಗ ಶೀಘ್ರದಲ್ಲೇ ಹೊಸ 260W ಚಾರ್ಜಿಂಗ್ ಸಾಮರ್ಥ್ಯವನ್ನು ನೀಡಲು ಸಿದ್ಧವಾಗಿದೆ. Infinix ಸಹ ಇತ್ತೀಚೆಗೆ 110W ವೈರ್‌ಲೆಸ್ ಚಾರ್ಜಿಂಗ್ ಸಾಮರ್ಥ್ಯವನ್ನು ಹೊಂದಿರುವ ಸ್ಮಾರ್ಟ್​​ಫೋನ್​ ಅನ್ನು ಪರಿಚಯಿಸಿದೆ.

ಈ ಹೊಸ 110W ವೈರ್‌ಲೆಸ್ ಚಾರ್ಜರ್‌ಗಳು 16 ನಿಮಿಷಗಳಲ್ಲಿ ಫೋನ್ ಅನ್ನು ಶೇಕಡಾ 0 ರಿಂದ 100 ರಷ್ಟು ಚಾರ್ಜ್ ಮಾಡುತ್ತದೆ. ಇದು GT 10 Pro ನಲ್ಲಿ ನೀಡುವ ಸಾಧ್ಯತೆಯಿದೆ ಎಂದು ತೋರುತ್ತದೆ. Infinix GT 10 Pro ನಲ್ಲಿ 5000mAh ಬ್ಯಾಟರಿಯನ್ನು ಪ್ಯಾಕ್ ಮಾಡುತ್ತದೆ ಎಂದು ವರದಿಯೊಂದು ಬಹಿರಂಗಪಡಿಸಿದೆ.

ಕಂಪನಿಯು ಕೆಲವು ದಿನಗಳ ಹಿಂದೆ 260W ಚಾರ್ಜಿಂಗ್ ಅಡಾಪ್ಟರ್‌ನೊಂದಿಗೆ 4400mAh ಬ್ಯಾಟರಿಯನ್ನು ಬಳಸಿಕೊಂಡು ತನ್ನ ಚಾರ್ಜಿಂಗ್ ಟೆಕ್ನಾಲಜಿಯನ್ನು ಪ್ರದರ್ಶಿಸಿತು. ಆ ಚಾರ್ಜಿಂಗ್ ತಂತ್ರಜ್ಞಾನದೊಂದಿಗೆ, 4400mAh ಬ್ಯಾಟರಿಯು 8 ನಿಮಿಷಗಳಲ್ಲಿ 100 ಪ್ರತಿಶತ ಚಾರ್ಜ್ ಆಗುತ್ತದೆ. ಅಂದರೆ ಮುಂಬರುವ GT 10 Pro ಮೊಬೈಲ್ ಅನ್ನು ಸಂಪೂರ್ಣವಾಗಿ ಚಾರ್ಜ್ ಮಾಡಲು ಕೇವಲ ಹತ್ತು ನಿಮಿಷಗಳು ಸಾಕು.

ರಿಯಲ್​ಮಿ ಕಂಪೆನಿ ಇತ್ತೀಚೆಗೆ ತನ್ನ GT 3 ಫೋನ್​​ನಲ್ಲಿ 240W ವೇಗದ ಚಾರ್ಜಿಂಗ್ ಸಾಮರ್ಥ್ಯದೊಂದಿಗೆ ವಿಶ್ವದ ಅತಿ ವೇಗದ ಚಾರ್ಜಿಂಗ್ ಸ್ಮಾರ್ಟ್‌ಫೋನ್ ಅನ್ನು ಪರಿಚಯಿಸಿತ್ತು. ಆದರೆ ಇನ್ಫಿನಿಕ್ಸ್ ಇದೀಗ ಆ ದಾಖಲೆಯನ್ನು ಮುರಿಯಲಿದೆ.

ಇನ್ಫಿನಿಕ್ಸ್​ ಜಿಟಿ 10 ಪ್ರೋ ಫೀಚರ್ಸ್: ಫ್ಲ್ಯಾಗ್‌ಶಿಪ್ ಮಾಡೆಲ್ ಜಿಟಿ 10 ಪ್ರೋ ಸ್ಮಾರ್ಟ್​​ಫೋನ್​​ನ ಸದ್ಯ ಕೆಲವೊಂದು ಫೀಚರ್ಸ್​​ಗಳು ಸೋಶಿಯಲ್ ಮೀಡಿಯಾದಲ್ಲಿ ಲೀಕ್ ಆಗಿದ್ದು,​​ ಅವರ ಪ್ರಕಾರ, ಈ ಮೊಬೈಲ್ 6.8 ಇಂಚಿನ 120Hz AMOLED ಡಿಸ್ಪ್ಲೇ, 12GB RAM + 256GB ಸ್ಟೋರೇಜ್, MediaTek Dimension 9000 ಪ್ರೊಸೆಸರ್​ನೊಂದಿಗೆ ಲಾಂಚ್ ಆಗಲಿದೆ.

ಇನ್ನು ಈ ಸ್ಮಾರ್ಟ್​​ಫೋನ್​ 200MP ಪ್ರಾಥಮಿಕ ಕ್ಯಾಮೆರಾದೊಂದಿಗೆ ಬರುತ್ತದೆ ಎಂದು ಹೇಳಲಾಗುತ್ತದೆ. ಈ ಫೋನ್ Android 13 OS ನೊಂದಿಗೆ ಕಾರ್ಯನಿರ್ವಹಿಸಬಹುದು. ಆದರೆ ಈ ಫೋನ್ ಯಾವಾಗ ಬಿಡುಗಡೆಯಾಗಬಹುದು ಎಂದು ಇನ್ನೂ ಯಾವುದೆ ಮಾಹಿತಿ ಬಹಿರಂಗವಾಗಿಲ್ಲ.