IPhone:ಈ ಮೊಬೈಲ್​ ಬೆಲೆ ಕೇಳಿದ್ರೆ ತಲೆ ತಿರುಗಿ ಬೀಳ್ತೀರಾ! ಅಂಥದ್ದೇನಿದೆ ಈ ಫೋನ್​ನಲ್ಲಿ ನೋಡಿ

ಇತ್ತೀಚಿನ ದಿನಗಳಲ್ಲಿ ಸ್ಮಾರ್ಟ್​ಫೋನ್​ ಬಳಸದವರೇ ಇಲ್ಲ. ಪ್ರತಿಯೊಬ್ಬ ಸ್ಮಾರ್ಟ್​ಫೋನ್​ ಬಳಕೆದಾರರೂ ಉತ್ತಮ ಕ್ವಾಲಿಟಿಯ ಸ್ಮಾರ್ಟ್​ಫೋನ್ ಬಯಸುತ್ತಾರೆ. ಕೆಲವೊಂದು ಸ್ಮಾರ್ಟ್​ಫೋನ್​ಗಳು ಅವುಗಳ ಬೆಲೆಗೆ ತಕ್ಕ ಫೀಚರ್ಸ್​ ಹೊಂದಿರುತ್ತವೆ.

ಸ್ಮಾರ್ಟ್​​ಫೋನ್​​ಗಳ ಕಂಪನಿಗಳು ಅದರ ಕ್ಯಾಮೆರಾ, ಫೀಚರ್ಸ್​ಗೆ ತಕ್ಕಂತೆ ಅದರ ಬೆಲೆಯನ್ನು ನಿಗದಿ ಮಾಡುತ್ತದೆ. ಆದರೆ ಐಫೋನ್​ಗಳು ಕಡಿಮೆ ಬೆಲೆಯಿಂದ ಹಿಡಿದು ಲಕ್ಷಾಂತರ ಬೆಲೆಯವರೆಗೂ ಮಾರುಕಟ್ಟೆಯಲ್ಲಿ ಲಭ್ಯವಿದೆ. ಆದರೆ ಇಲ್ಲೊಂದು ಐಫೋನ್ 97 ಕೋಟಿ ರೂಪಾಯಿ ಆಗಿದೆ. ಇದರ ಫೀಚರ್ಸ್​, ವಿಶೇಷತೆ ಬಗ್ಗೆ ಮಾಹಿತಿ ಇಲ್ಲಿದೆ.

ವಿಶ್ವದ ಅತ್ಯಂತ ದುಬಾರಿ ಐಫೋನ್ ಮೊಬೈಲ್ ಮಾರುಕಟ್ಟೆಯಲ್ಲಿದೆ. ಬ್ಲ್ಯಾಕ್ ಡೈಮಂಡ್ ಬಣ್ಣದಲ್ಲಿ 97 ಕೋಟಿ ರೂ. ಬೆಲೆಯ ದುಬಾರಿ ಐಫೋನ್ ಇದಾಗಿದೆ. ವಿಶ್ವದ ಕೆಲವು ದುಬಾರಿ ಮತ್ತು ಐಷಾರಾಮಿ ವಸ್ತುಗಳ ಹೆಸರಾಂತ ಸೃಷ್ಟಿಕರ್ತ ಸ್ಟುವರ್ಟ್ ಹ್ಯೂಸ್ ಅವರು ಈ ವಿಶ್ವದ ದುಬಾರಿ ಐಫೋನ್ ಅನ್ನು ತಯಾರಿಸಿದ್ದಾರೆ. ಐಷಾರಾಮಿ ವೆಬ್​ಸೈಟ್ alux.com ಇದನ್ನು ವಿಶ್ವದ ಅತ್ಯಂತ ದುಬಾರಿ ಐಫೋನ್ ಎಂದು ಹೇಳಿದೆ.

ಸಾಮಾನ್ಯ ಐಫೋನ್ ಆಗಿದ್ದ ಐಫೋನ್ 5 ಅನ್ನು ಚಿನ್ನ ಮತ್ತು ಡೈಮಂಡ್‌ನಿಂದ ಮಾಡಲಾಗಿದ್ದು, ಈ ಐಫೋನಿನ ಪೂರ್ಣ ದೇಹವನ್ನು ಸುಂದರವಾಗಿ ಅಲಂಕರಿಸಲಾಗಿದೆ. ಇನ್ನು ಹಿಂಬದಿಯಲ್ಲಿರುವ ಆ್ಯಪಲ್ ಲೋಗೋವನ್ನೂ ವಜ್ರದಿಂದಲೇ ವಿನ್ಯಾಸ ಮಾಡಲಾಗಿರುವುದು ಈ ದುಬಾರಿ ಐಫೋನಿನ ವಿಶೇಷಗಳಲ್ಲಿ ಒಂದು ಎಂದು ಹೇಳಬಹುದು.

4 ಇಂಚಿನ ಸ್ಕ್ರೀನ್ ಡಿಸ್​​ಪ್ಲೇಯನ್ನು ಹೊಂದಿರುವ ಈ ಐಫೋನ್, 8 ಮೆಗಾ ಪಿಕ್ಸೆಲ್​ ರೆಕಾರ್ಡಿಂಗ್ ಕ್ಯಾಮೆರಾವನ್ನು ಇದು ಹೊಂದಿದೆ. ಈ ದುಬಾರಿ ಐಫೋನ್ 6 ಜಿಬಿ, 32 ಜಿಬಿ ಹಾಗೂ 64 ಜಿಬಿಯ ಮೂರು ವೇರಿಯೆಂಟ್ಗಳಲ್ಲಿ ಮಾರುಕಟ್ಟೆಯಲ್ಲಿ ಬಿಡುಗಡೆಮಾಡಿದೆ.

ಈ ಐಫೋನ್ ಬಿಟ್ಟರೆ ವೆರ್ಟು ಸಿಗ್ನೇಚರ್ ಡೈಮಂಡ್ ಎಂಬ ಫೋನ್ ವಿಶ್ವದ ಅತೀ ದುಬಾರಿ ಮೊಬೈಲ್ ಆಗಿದೆ. ವೆರ್ಟು ಎಂಬ ಕಂಪನಿಯು ಬ್ರಿಟನ್‌ ಮೂಲದ ಹ್ಯಾಂಡ್‌ ಮೇಡ್ ರೀಟೆಲ್‌ ಮೊಬೈಲ್ ತಯಾರಿಕಾ ಕಂಪನಿಯಾಗಿದ್ದು, 2018ರಲ್ಲಿ ನೋಕಿಯಾ ಫಿನಿಶ್ ಮೊಬೈಲ್‌ ಫೋನ್‌ ತಯಾರಕರಿಂದ ಸ್ಥಾಪಿತವಾಗಿದೆ.

ಸ್ಮಾರ್ಟ್​ಫೋನ್​ ಕಂಪನಿಗಳ ಬೆಲೆಗಳು ಅವುಗಳ ಫೀಚರ್ಸ್​​ಗೆ ತಕ್ಕಂತೆ ಮಾರುಕಟ್ಟೆಯಲ್ಲಿ ನೀಡಿದ್ದಾರೆ. ಈ ಐಫೋನ್ 5 ಸ್ಮಾರ್ಟ್​ಫೋನ್​ ಅನ್ನು ಅವುಗಳ ಫೀಚರ್ಸ್​ ಜೊತೆಗೆ ಅದರ ವಿನ್ಯಾಸವನ್ನು ಅಭಿವೃದ್ಧಿ ಮಾಡುವ ಮೂಲಕ ಇದರ ಬೆಲೆಯನ್ನು ಹೆಚ್ಚಿಸಿದ್ದಾರೆ.