Success Story: ಯೂಟ್ಯೂಬ್​ ಮೂಲಕ ತಂದೆಯ 40 ಲಕ್ಷ ಸಾಲ ತೀರಿಸಿದ ಮಗ! ಹೇಗೆ ಅಂತೀರಾ?

ಕಳೆದ ಕೆಲವು ವರ್ಷಗಳಿಂದ, ಯೂಟ್ಯೂಬ್​ನಲ್ಲಿ ವಿಡಿಯೋಗಳನ್ನು ಅಪ್‌ಲೋಡ್ ಮಾಡುವ ಹವ್ಯಾಸ ಹೆಚ್ಚಾಗಿದೆ. ನೀವು ಎಲ್ಲಾ ರೀತಿಯವಿಡಿಯೋಗಳನ್ನು ಉಚಿತವಾಗಿ ವೀಕ್ಷಿಸುವ ವೇದಿಕೆಯೆಂದರೆ ಅದು ಯೂಟ್ಯೂಬ್ ಅಂತಾನೇ ಹೇಳ್ಬಹುದು. ಈ ವೇದಿಕೆಯಲ್ಲಿ ಯಾರಾದರೂ ತಮ್ಮದೇ ಆದ ಚಾನಲ್ ಅನ್ನು ಕ್ರಿಯೇಟ್​ ಮಾಡಬಹುದು ಮತ್ತು ವಿಡಿಯೋಗಳನ್ನು ಅಪ್‌ಲೋಡ್ ಮಾಡಬಹುದು. ನಿಮಗೂ ಆಸಕ್ತಿ ಇದ್ದರೆ ನೀವು ಯೂಟ್ಯೂಬ್‌ನಲ್ಲಿ ವಿಡಿಯೋಗಳನ್ನು ಅಪ್‌ಲೋಡ್ ಮಾಡಬಹುದು ಮತ್ತು ಪ್ರತಿ ತಿಂಗಳು ಲಕ್ಷ ರೂಪಾಯಿಗಳನ್ನು ಗಳಿಸಬಹುದು.

ಇತ್ತೀಚಿನ ದಿನಗಳಲ್ಲಿ ಅನೇಕ ಜನರು ಯೂಟ್ಯೂಬ್ ಚಾನೆಲ್ ಕ್ರಿಯೇಟ್​ ಮಾಡಿ ಅದನ್ನೆ ವೃತ್ತಿಯಾಗಿ ಪರಿವರ್ತಿಸಿಕೊಂಡಿದ್ದಾರೆ ಮತ್ತು ಸಾಕಷ್ಟು ಮಂದಿ ಹಣವನ್ನೂ ಸಂಪಾದಿಸುತ್ತಿದ್ದಾರೆ. ಇತ್ತೀಚಿನ ಒಂದು ವರದಿಯ ಪ್ರಕಾರ, ಒಬ್ಬ ವ್ಯಕ್ತಿ ಯೂಟ್ಯೂಬ್‌ನಿಂದ ಹಣ ಮಾಡುವ ಮೂಲಕ ತನ್ನ 40 ಲಕ್ಷ ರೂಪಾಯಿ ಸಾಲವನ್ನು ಮರುಪಾವತಿಸಿದ್ದಾನೆ ಎಂದು ಸುದ್ದಿಯಾಗಿದೆ.

ಬ್ರಿಟನ್‌ನಲ್ಲಿ ನೆಲೆಸಿರುವ ಅರ್ಜುನ್ ಯೋಗನ್ ಎಂಬ ವ್ಯಕ್ತಿಯ ತಾಯಿ ಅನಾರೋಗ್ಯಕ್ಕೆ ಒಳಗಾಗಿದ್ದರು. ಇದರಿಂದ ತಂದೆ ಕೆಲಸ ಬಿಡಬೇಕಾಯಿತು. ಮುಂದೆ.. ತಾಯಿಯ ಚಿಕಿತ್ಸೆಗಾಗಿ ಕುಟುಂಬವು ರೂ.40 ಲಕ್ಷಗಳ ದೊಡ್ಡ ಸಾಲವನ್ನು ಮಾಡಿದೆ.

ಕುಟುಂಬದ ಸಾಲದ ಹೊರೆಯನ್ನು ಕಡಿಮೆ ಮಾಡಲು ಅರ್ಜುನ್ ಆರಂಭದಲ್ಲಿ ಕೆಲಸ ಮಾಡಲು ಆರಂಭಿಸಿದರು. ಆದರೆ ಆ ವೃತ್ತಿಯಲ್ಲಿ ಅವರಿಗೆ ತೃಪ್ತಿ ಸಿಗಲಿಲ್ಲ. ವಿಶೇಷವಾಗಿ ಅವರು ವಿಡಿಯೋಗಳನ್ನು ಸ್ವತಃ ಕ್ರಿಯೇಟ್​​ ಮಾಡುವಲ್ಲಿ ಹೆಚ್ಚು ಆಸಕ್ತಿ ಹೊಂದಿದ್ದರು. ನಂತರ ಅದಕ್ಕಾಗಿ ಒಂದು ಯೂಟ್ಯೂಬ್ ಚಾನೆಲ್ ಅನ್ನು ರಚಿಸಿ ಅದರಲ್ಲಿ ನಿರಂತರವಾಗಿ ವಿಡಿಯೋಗಳನ್ನು ಮಾಡಿ ಅಪ್​ಲೋಡ್​ ಮಾಡಲು ಪ್ರಾರಂಭಿಸಿದರು.

ಇದರಿಂದ ಆದಾಯ ಬರಲಾರಂಭಿಸಿದಾಗ ಅವರು ನಂತರ ಇದನ್ನೇ ವೃತ್ತಿಯನ್ನಾಗಿ ಮಾಡಲು ಪ್ರಾರಂಭಿಸಿದರು. ಇದರಿಂದ ಸಾಕಷ್ಟು ಹಣ ಕೂಡ ಸಂಪಾದನೆ ಮಾಡಿದ್ದರು.ಇದರೊಂದಿಗೆ 40 ಲಕ್ಷ ರೂ.ಗಳ ಸಂಪೂರ್ಣ ಸಾಲವನ್ನು ಮರುಪಾವತಿಸಿದ್ದಾರೆ. ನಂತರ ಅವರು ಲಂಡನ್‌ನಲ್ಲಿ ಒಂದು ಹೊಸ ಮನೆ, ಬಿಎಂಡಬ್ಲ್ಯು ಕಾರನ್ನು ಸಹ ಖರೀದಿಸಿದ್ದಾರೆ.

ನಿಮಗೂ ಕೂಡ ಯಾವುದೇ ವಿಷಯದ ಮೇಲೆ ವಿಡಿಯೋ ಮಾಡುವ ಆಸಕ್ತಿ ಇದ್ದರೆ.. ಯೂಟ್ಯೂಬ್ ನಲ್ಲಿ ವಿಡಿಯೋ ಮಾಡಿ ಅಪ್ ಲೋಡ್ ಮಾಡುವ ಮೂಲಕ ಭಾರೀ ಹಣ ಗಳಿಸಬಹುದು. ಇದಕ್ಕಾಗಿ ನೀವು ಒಂದು ಚಾನೆಲ್​ ಅನ್ನು ರಚಿಸಬೇಕಾಗಿದೆ. ನಿಮ್ಮ ಆಸಕ್ತಿಯ ವಿಷಯದ ಅನುಗುಣವಾಗಿ ನಿಮಗೆ ಬೇಕಾದ ವಿಡಿಯೋಗಳನ್ನು ಮಾಡಬಹುದು.

ಚಾನಲ್ ಪ್ರಾರಂಭವಾದ ನಂತರ, ನೀವು ಅದರ ಬೆಳವಣಿಗೆ ಹೇಗೆ ಮಾಡುವುದು ಎಂಬುದರ ಮೇಲೆ ಹೆಚ್ಚು ಗಮನಹರಿಸಬೇಕು ಮತ್ತು ಮುಂದುವರಿಯಬೇಕು. ಅದೇ ಸಮಯದಲ್ಲಿ, ನಿಮಗೆ ಹಣ ಬರುವಂತೆ ಮಾಡಲಿರುವಂತಹ ಯೂಟ್ಯೂಬ್​ನ ಕೆಲವೊಂದು ನಿಯಮಗಳನ್ನು ಪಾಲಿಸಬೇಕು.

ಯೂಟ್ಯೂಬ್‌ನಲ್ಲಿ ವಿಡಿಯೋವನ್ನು ವೀಕ್ಷಿಸಿದಾಗಲೆಲ್ಲಾ, ಅದರ ನಡುವೆ ಬರುವ ಜಾಹೀರಾತುಗಳಿಂದ ಕ್ರಿಯೇಟರ್ಸ್​ ಹಣ ಪಡೆಯುತ್ತಾರೆ. ನಿಮ್ಮ ಚಾನೆಲ್ ಕೂಡ ಹಣಗಳಿಸಿದಾಗ, ನೀವು ಯೂಟ್ಯೂಬ್​​ನಿಂದ ಹಣವನ್ನು ಪಡೆಯಲು ಪ್ರಾರಂಭಿಸುತ್ತೀರಿ. ನಿಮ್ಮ ಆದಾಯವು ನಿಮ್ಮ ವಿಡಿಯೋ ಪಡೆಯುವ ವೀವ್ಸ್​ಗೆ ತಕ್ಕಂತೆ ಇರುತ್ತದೆ