Google Layoffs: ಸ್ಟಾರ್ ಪರ್ಫಾರ್ಮರ್ ಆಗಿ ಆಯ್ಕೆಯಾಗಿದ್ದವನಿಗೆ ಶಾಕ್, ಆತನನ್ನು ಕೆಲಸದಿಂದಲೇ ವಜಾ ಮಾಡಿದ ಗೂಗಲ್!

ದೇಶದೆಲ್ಲೆಡೆ ವಜಾ ಪ್ರಕ್ರಿಯೆ ಇನ್ನೂ ಮುಂದುವರಿಯುತ್ತಲೇ ಇದೆ.  ಗೂಗಲ್ 12,000 ಉದ್ಯೋಗಿಗಳನ್ನು ವಜಾ ಮಾಡಿದೆ ಎಂದು ಇದೀಗ ತಿಳಿದುಬಂದಿದೆ. ಈ ವಜಾ ಆದವರಲ್ಲಿ ಒಬ್ಬರು ಹರ್ಷ ವಿಜಯ್ ವಾರಿಗ್ಯಾ. ಇವರು ಶನಿವಾರ ಗೂಗಲ್​ ಕಾರ್ಯಾಚರಣೆ ಕೇಂದ್ರದಿಂದ ಇಮೇಲ್ ನಾಟಿಫಿಕೇಶನ್​ ಸ್ವೀಕರಿಸಿದ್ದಾರೆ. ಅದನದನು ನೋಡಿ ವಿಜಯ್ ಅವರು ಶಾಕ್ ಆಗಿದ್ದಾರೆ.- ಈ ಮೇಲ್​ನಲ್ಲಿ ಹೈದರಾಬಾದ್‌ನ ಗೂಗಲ್ ಕೇಂದ್ರದಲ್ಲಿ ಕೆಲಸ ಮಾಡುತ್ತಿರುವ ಉದ್ಯೋಗಿಯನ್ನು ವಜಾ ಮಾಡಲಾಗುತ್ತಿದೆ ಎಂದು  ಬರೆಯಲಾಗಿತ್ತು.

ವಜಾಗೊಳಿಸುವಿಕೆ ಪ್ರಪಂಚದಾದ್ಯಂತ ಎಲ್ಲಾ Google ಕೇಂದ್ರಗಳಲ್ಲಿ ಮುಂದುವರೆಯುತ್ತವೆ. ಮಾರುಕಟ್ಟೆಯ ಅಭಿವೃದ್ಧಿ ಮತ್ತು ಆರ್ಥಿಕ ಹಿಂಜರಿತದಿಂದಾಗಿ ಗೂಗಲ್ 12,000 ಉದ್ಯೋಗಿಗಳನ್ನು ವಜಾಗೊಳಿಸುತ್ತಿದೆ ಎಂದು ತಿಳಿದಿದೆ. ಅದರ ಭಾಗವಾಗಿ ಹೈದರಾಬಾದ್‌ನಲ್ಲಿ ಗೂಗಲ್‌ನಲ್ಲಿ ಕೆಲಸ ಮಾಡುತ್ತಿದ್ದ ಹರ್ಷ್ ವಿಜಯ್ ವಾರಿಗ್ಯಾ ಅವರನ್ನೂ ತೆಗೆದುಹಾಕಲಾಗಿದೆ

ಆದರೆ ಹರ್ಷ್ ವಿಜಯ್ ವಾರಿಗ್ಯಾ ಅವರನ್ನು ತಿಂಗಳ ಸ್ಟಾರ್ ಪರ್ಫಾರ್ಮರ್ ಆಗಿ ಆಯ್ಕೆ ಮಾಡಿದ ಗೂಗಲ್ ಇದೀಗ ಅವರನ್ನು ಕೆಲಸದಿಂದ ವಜಾಗೊಳಿಸುವ ಮೂಲಕ ಅಚ್ಚರಿ ಮೂಡಿಸಿದೆ. ಇನ್ನು ಈ ಕುರಿತಾಗಿ "ನಾನು ಇನ್ನೂ ತಿಂಗಳ ಸ್ಟಾರ್ ಪರ್ಫಾರ್ಮರ್ ಆಗಿರುವಾಗ ನನ್ನನ್ನು ಏಕೆ ವಜಾಗೊಳಿಸಲಾಯಿತು ಎಂಬುದು ನನ್ನ ಮೊದಲ ಪ್ರಶ್ನೆ" ಎಂದು ಅವರು ಲಿಂಕ್ಡ್‌ಇನ್‌ನ ಪೋಸ್ಟ್‌ನಲ್ಲಿ ಬರೆದಿದ್ದಾರೆ.

ಗೂಗಲ್ ಲೇಆಫ್ ತನ್ನ ಮೇಲೆ ಹೇಗೆ ಪರಿಣಾಮ ಬೀರಿತು ಎಂಬುದನ್ನು ಸಹ ಅವರು ವಿವರಿಸಿದ್ದಾರೆ. ಇದರಲ್ಲಿ ಇನ್ನೆರಡು ತಿಂಗಳಿಗೆ ಅರ್ಧದಷ್ಟು ಸಂಬಳ ಮಾತ್ರ ಸಿಗುತ್ತದೆ, ಆರ್ಥಿಕ ಯೋಜನೆಗಳೆಲ್ಲ ಸಂಪೂರ್ಣ ಹಾಳಾಗಿವೆ, ಶನಿವಾರ ಹೀಗಾಯ್ತು, ಆದ್ರಿಂದ ಬರೆಯಲು ಎರಡು ದಿನ ಬೇಕಾಯಿತು, ಈಗ ಬದುಕಿಗಾಗಿ ಹರಸಾಹಸ ಪಡಬೇಕಾಗಿದೆ ಎಂದು ಉದ್ಯೋಗಿ ತನ್ನ ನೋವನ್ನು ಹೇಳಿಕೊಂಡಿದ್ದಾರೆ.

ಇನ್ನು ಇಂತಹ ಪರಿಸ್ಥಿತಿ ಹರ್ಷ ವಿಜಯ್ ವಾರಿಗ್ಯಾಗೆ ಮಾತ್ರ ಅಲ್ಲ. ಅನೇಕ ಉದ್ಯೋಗಿಗಳು ಇದೇ ಪರಿಸ್ಥಿತಿಯನ್ನು ಎದುರಿಸುತ್ತಿದ್ದಾರೆ. ಗುರ್ಗಾಂವ್‌ನಲ್ಲಿರುವ ಗೂಗಲ್ ಕ್ಲೌಡ್ ಪ್ರೋಗ್ರಾಂ ಮ್ಯಾನೇಜರ್, ಒಬ್ಬರ ತಾಯಿ ಆಗಿರುವ ಉಖ್ತರ್ ವಾಲಿಯಾ ಅವರನ್ನು ಇತ್ತೀಚೆಗೆ ವಜಾ ಮಾಡಲಾಗಿದೆ. ಕೆಲವೇ ದಿನಗಳ ಹಿಂದೆ ಗೂಗಲ್ ನಲ್ಲಿ ಐದು ವರ್ಷ ಪೂರೈಸಿದ್ದೇನೆ ಎಂದು ತಮ್ಮ ಅನುಭವ ಹಂಚಿಕೊಂಡಿದ್ದರು. ಆದರೆ ಇದೀಗ ಅವರನ್ನು ಗೂಗಲ್​ ವಜಾ ಮಾಡಿದೆ..

ವಾಲಿಯಾ ಮೀಟಿಂಗ್‌ಗಾಗಿ ತಯಾರಿ ನಡೆಸುತ್ತಿದ್ದಾಗ ಆಕೆಯ ಕಂಪ್ಯೂಟರ್‌ನಲ್ಲಿ ಸಂದೇಶವೊಂದು ಪಾಪ್ ಅಪ್ ಆಗಿತ್ತು. ಆಕೆಯನ್ನು ಗೂಗಲ್ ನಿಂದ ವಜಾ ಮಾಡಲಾಗಿದೆ ಎಂಬುದು ಸಂದೇಶದ ಸಾರಾಂಶವಾಗಿತ್ತು. ಇನ್ನು ಇದರ ಬಗ್ಗೆ ಲಿಂಕ್ಡ್​​ಇನ್​ನಲ್ಲಿ ನನ್ನನ್ನು ಏಕೆ ವಜಾ ಮಾಡಿದ್ದಾರೆಂದು ತಿಳಿದಿಲ್ಲ ಎಂದು ಬರೆದು ಪೋಸ್ಟ್ ಮಾಡಿದ್ದಾರೆ.

ನನ್ನನ್ನು ವಜಾಗೊಳಿಸಿ ಕೆಲವು ದಿನಗಳಾಗಿವೆ. ತನ್ನ ಆರು ವರ್ಷದ ಮಗಳು ತಾಯಿ ಏಕೆ ಕೆಲಸಕ್ಕೆ ಹೋಗುವುದಿಲ್ಲ ಎಂದು ಕೇಳುತ್ತಾಳೆ ಎಂದು ವಾಲಿಯಾ ಲಿಂಕ್ಡ್‌ಇನ್‌ನಲ್ಲಿ ಬರೆದಿದ್ದಾರೆ.