Oneplus 11R 5G: ಮಾರುಕಟ್ಟೆಗೆ ಲಗ್ಗೆಯಿಡ್ತಿದೆ ಒನ್​ಪ್ಲಸ್​ ಕಂಪೆನಿಯ ಹೊಸ ಸ್ಮಾರ್ಟ್​ಫೋನ್​! ಬೆಲೆ ಎಷ್ಟು?

ಒನ್​ಪ್ಲಸ್​ 11ಆರ್​ 5ಜಿ ಯ ​​ಚೈನೀಸ್ ರೂಪಾಂತರವನ್ನು ಕಂಪೆನಿಯ ವೆಬ್‌ಸೈಟ್‌ನಲ್ಲಿ ಬಿಡುಗಡೆ ಮಾಡಲಾಗಿದೆ. ವರದಿಗಳ ಪ್ರಕಾರ, ಒನ್​ಪ್ಲಸ್​​ ಏಸ್​2 ಮತ್ತು ಒನ್​ಪ್ಲಸ್​ 11ಆರ್​ 5ಜಿ ಎರಡೂ ಸ್ಮಾರ್ಟ್​​ಫೋನ್​ಗಳು ಒಂದೇ ರೀತಿಯ ವಿಶೇಷಣಗಳನ್ನು ಹೊಂದಿರಬಹುದು ಎಂದು ಅಂದಾಜಿಸಲಾಗಿದೆ.

ಈ ಸ್ಮಾರ್ಟ್​​ಫೋನ್​ಗಳು 120Hz ರಿಫ್ರೆಶ್ ರೇಟ್​​ನೊಂದಿಗೆ, 6.7-ಇಂಚಿನ ಪೂರ್ಣ ಹೆಚ್​ಡಿ+ ಅಮೋಲ್ಡ್​ ಡಿಸ್ಪ್ಲೇಯನ್ನು ಹೊಂದಿರಬಹುದು. ಇದಲ್ಲದೆ, ಇದು ಸ್ನಾಪ್​ಡ್ರಾಗನ್​ 8+ ಜೆನ್​ 1 ಪ್ರೊಸೆಸರ್​ನೊಂದಿಗೆ ಬರುವ ಸಾಧ್ಯತೆಯಿದೆ.

ಒನ್​ಪ್ಲಸ್​ 11ಆರ್​ 5ಜಿ ಸ್ಮಾರ್ಟ್​ಫೋನ್ 16ಜಿಬಿ ರ್‍ಯಾಮ್ ಮತ್ತು 512ಜಿಬಿ ವರೆಗೆ ಸ್ಟೋರೇಜ್ ಸಾಮರ್ಥ್ಯದೊಂದಿಗೆ ಬರುತ್ತದೆ.

ಇನ್ನು ಈ ಸ್ಮಾರ್ಟ್​​ಫೋನ್ 100W ವೇಗದ ಚಾರ್ಜಿಂಗ್ ಬೆಂಬಲದೊಂದಿಗೆ, 5,000mAh ನ ಶಕ್ತಿಶಾಲಿ ಬ್ಯಾಟರಿಯನ್ನು ಸಹ ಹೊಂದಿರಬಹುದು ಎಂದು ಕಂಪೆನಿ ಹೇಳಿದೆ.

ಇನ್ನು ಒನ್​ಪ್ಲಸ್​ 11ಆರ್​ 5ಜಿ ಸ್ಮಾರ್ಟ್​ಫೋನ್​ ಟ್ರಿಪಲ್ ಹಿಂಬದಿಯ ಕ್ಯಾಮೆರಾ ಸೆಟಪ್ ಅನ್ನು ಹೊಂದಿರಬಹುದು ಎಂದು ನಿರೀಕ್ಷಿಸಲಾಗಿದೆ. ಇದರಲ್ಲಿ ಪ್ರಾಥಮಿಕ ಕ್ಯಾಮೆರಾ 50 ಮೆಗಾಪಿಕ್ಸೆಲ್‌ಗಳು ಮತ್ತು ಇತರ ಎರಡು ಕ್ಯಾಮೆರಾಗಳು 12 ಮೆಗಾಪಿಕ್ಸೆಲ್‌ಗಳು ಮತ್ತು 2 ಮೆಗಾಪಿಕ್ಸೆಲ್‌ಗಳನ್ನು ಹೊಂದಿದೆ. ಅಲ್ಲದೆ, ಸೆಲ್ಫಿಗಾಗಿ 16 ಮೆಗಾಪಿಕ್ಸೆಲ್ ಕ್ಯಾಮೆರಾವನ್ನು ಹೊಂದಿರಬಹುದು.

ಈ ಹ್ಯಾಂಡ್‌ಸೆಟ್ ಅನ್ನು ಜಾಗತಿಕ ಮಾರುಕಟ್ಟೆಯಲ್ಲಿ ಒನ್​ಪ್ಲಸ್​ 11ಆರ್​ 5ಜಿ ಆಗಿ ಪರಿಚಯಿಸಲು ಕಂಪೆನಿ ಸಿದ್ಧಪಡಿಸಲಾಗಿದೆ. ಆದಾಗ್ಯೂ, ಕಂಪನಿಯು ಒನ್​ಪ್ಲಸ್​ ಏಸ್​2 ಅಥವಾ ಒನ್​ಪ್ಲಸ್​ 11ಆರ್ 5ಜಿ ಬಿಡುಗಡೆಯ ಕುರಿತು ಇನ್ನೂ ಯಾವುದೇ ಪ್ರಕಟಣೆಯನ್ನು ಮಾಡಿಲ್ಲ.

ಇತ್ತೀಚೆಗೆ ಅಮೆಜಾನ್​ ಒನ್​​ಪ್ಲಸ್​ 10 ಪ್ರೋ ಸ್ಮಾರ್ಟ್​ಫೋನ್​ನ ಮೇಲೆ ವಿಶೇಷ ಆಫರ್​ ಒಂದನ್ನು ಬಿಡುಗಡೆ ಮಾಡಿದೆ. ಈ ಆಫರ್​ 8ಜಿಬಿ ವೇರಿಯಂಟ್ ನ ಸ್ಮಾರ್ಟ್​ಫೋನ್​ನ ಮೇಲೆ ಲಭ್ಯವಿದೆ.

ಒನ್​ಪ್ಲಸ್​ 10 ಪ್ರೋ 5ಜಿಯ 8ಜಿಬಿ ವೇರಿಯಂಟ್​ನ ಸ್ಮಾರ್ಟ್​ಫೋನ್​ನ ಮೂಲ ಬೆಲೆ 66,900 ರೂಪಾಯಿ ಆಗಿದೆ. ಆದರೆ ಈಗ ಆಫರ್ ಮೂಲಕ ಇದನ್ನು ಕೇವಲ 61,999 ರೂಫಾಯಿಗೆ ಲಭ್ಯವಿದೆ.ಅಂದರೆ ಈ ಸ್ಮಾರ್ಟ್​ಫೋನ್​ ಮೇಲೆ 5 ಸಾವಿರ ರಿಯಾಯಿತಿ ಲಭ್ಯವಿದೆ.