ರೆಸಾರ್ಟ್​​ ಬುಕ್​ ಮಾಡುವ ಅವಶ್ಯಕತೆಯಿಲ್ಲ!; ಏಕೆಂದರೆ ಈ ಕಾರಲ್ಲೇ ಇದೆ ಎಲ್ಲಾ ಸೌಲಭ್ಯ!

ಕಾರು ಉತ್ಪಾದಕ ಕಂಪೆನಿಗಳು ವಿಶಿಷ್ಟ ಫೀಚರ್​ಗಳನ್ನು ಒಳಗೊಂಡ ಕಾರುಗಳನ್ನು ಉತ್ಪಾದನೆ ಮಾಡುತ್ತಿವೆ. ಅದರಂತೆ ಬೆಂಜ್ ಕಂಪೆನಿ  ಗ್ರಾಹಕರಿಗೆ ಅನುಕೂಲವಾಗುವಂತಹ  ಮತ್ತು ಪ್ರಯಾಣಕ್ಕೆ ಹೇಳಿ ಮಾಡಿಸಿದಂತಹ ಕಾರೊಂದನ್ನು ಉತ್ಪಾದಿಸಿದೆ.

ಇತ್ತೀಚೆಗೆ ಗ್ರೇಟರ್ ನೋಯ್ಡಾದಲ್ಲಿ ಆರು ದಿನಗಳ ಕಾಲ ಆಟೋ ಎಕ್ಸ್ ಪೋ ಕಾರ್ಯಕ್ರಮ ನಡೆದಿತ್ತು. ಈ ಕಾರ್ಯಕ್ರಮದಲ್ಲಿ ಬಹುತೇಕ ಕಂಪೆನಿಗಳು ಎಲೆಕ್ಟ್ರಾನಿಕ್ ವಾಹನಗಳನ್ನು ಉತ್ಪಾದಿಸಿ ಪರಿಚಯಿಸಿದೆ.

ಕೆಲವು ಕಂಪನಿಗಳು ಗ್ರಾಹಕರಿಗೆಂದೇ ಅತ್ಯಾಧುನಿಕ ಸೌಲಭ್ಯಗಳ ಅಳವಡಿಸಿರುವ ಕಾರುಗಳನ್ನು ಪರಿಚಯಿಸಿದೆ. ಇನ್ನು ಕೆಲವು ಪ್ರತಿಷ್ಠಿತ ಕಂಪೆನಿಗಳು ಮುಂದಿನ ದಿನಗಳನ್ನು ಗುರಿಯಾಗಿಸಿಕೊಂಡು ಎಲೆಕ್ಟ್ರಿಕ್ ವಾಹನ ಉತ್ಪಾದನೆಯತ್ತ ತಮ್ಮ ಚಿತ್ತ ಹರಿಸಿದೆ.

ಮರ್ಸಿಡಿಸ್ ಬೆಂಜ್ ಕಂಪನಿ ಕುಟುಂಬಸ್ಥರನ್ನು ಗುರಿಯಾಗಿಸಿಕೊಂಡು ಎಸ್​ಯುವಿ ಹೆಸರಿನ ಮಾರ್ಕೊ ಪೋಲೊ ಎಂಬ ದೊಡ್ಡ ಗಾತ್ರದ ಕಾರನ್ನು ಉತ್ಪಾದಿಸಿದೆ.

ಮರ್ಸಿಡಿಸ್ ಬೆಂಜ್ ಮಾರ್ಕೊ ಪೋಲೊ ಕ್ಯಾಂಪರ್​​ನ ಮಾರಾಟ ಕಾರ್ಯನಿರ್ವಾಹಕ ಎಸ್. ರಿಕೇಶ್ ಮಾತನಾಡಿ, ಮಾರ್ಕೊ ಪೊಲೊ ಕಾರು ಕುಟುಂಬಸ್ಥರು ಸುದೀರ್ಘ ಪ್ರವಾಣ ಬೆಳಸಲು ನೆರವಾಗುವಂತೆ ಸಿದ್ಧಪಡಿಸಲಾಗಿದೆ ಎಂದು ಹೇಳಿದ್ದಾರೆ.

ನಾಲ್ವರು ಈ ಕಾರನ್ನು ಬಳಸಬಹುದು. ಇದರಲ್ಲಿ ಹಾಸಿಗೆ, ಸ್ನಾನಗೃಹ, ಅಡುಗೆಮನೆ ಇರಲಿದೆ. ಹಾಗಾಗಿ ಕುಟುಂಬಸ್ಥರಿಗೆ, ದೀರ್ಘ ಪ್ರಯಾಣ ಬೆಳಸುವವರಿಗೆ ಈ ಕಾರು ಹೇಳಿಮಾಡಿಸಿದಂತಿದೆ.

ಈ ಕಾರಿನಲ್ಲಿ ಕುರ್ಚಿಗಳು, ಡೇರೆಗಳನ್ನು ಇರಿಸಿಕೊಳ್ಳಬಹುದು. ಮಾತ್ರವಲ್ಲದೆ ಇದರ ಒಳಗೆ ಮಲಗುವಂತೆ ವಿನ್ಯಾಸ ಮಾಡಲಾಗಿದೆ.

ಮಾರ್ಕೊ ಪೋಲೊ ಕ್ಯಾಂಪರ್ ಕಾರು ಡೀಸೆಲ್ ರೂಪಾಂತರವಾಗಿದೆ. 6.8 ಲೀಟರ್ ಡೀಸೆಲ್ ಟ್ಯಾಂಕ್ ಹೊಂದಿದೆ. ಮಾತ್ರವಲ್ಲದೆ ಕಾರಿನ ಒಳಭಾಗದಲ್ಲಿ ನೀರು ಸಂಗ್ರಹಕ್ಕೆ ಬೇಕಾಗಿ ಟ್ಯಾಂಕ್ ನೀಡಲಾಗಿದೆ.

ಇನ್ನು ಈ ಕಾರು 163 ಎಚ್​ಪಿ ಹಾಗೂ 380 ನ್ಯೂಟನ್ ಮೀಟರ್ ಟಾರ್ಕ್ ಉತ್ಪಾದಿಸುತ್ತದೆ. ಗ್ರಾಹಕರಿಗೆ ಈ ಕಾರು 1.46 ಕೋಟಿಗೆ ಸಿಗಲಿದೆ.

ಮಾರ್ಕೊ ಪೋಲೊ ಕಾರು

ಮಾರ್ಕೊ ಪೋಲೊ ಕಾರು

ಮಾರ್ಕೊ ಪೋಲೊ ಕಾರು

ಮಾರ್ಕೊ ಪೋಲೊ ಕಾರು

ಮಾರ್ಕೊ ಪೋಲೊ ಕಾರು

ಮಾರ್ಕೊ ಪೋಲೊ ಕಾರು

ಮಾರ್ಕೊ ಪೋಲೊ ಕಾರು