Telegram Group Video Calls: ಗ್ರೂಪ್​ ವಿಡಿಯೋ ಕರೆ ವೈಶಿಷ್ಟ್ಯವನ್ನು ಪರಿಚಯಿಸಿದ ಟೆಲಿಗ್ರಾಂ!

ಜನಪ್ರಿಯ ಟೆಲಿಗ್ರಾಂ ಅಂತಿಮವಾಗಿ ಗ್ರೂಪ್ ವಿಡಿಯೋ ಕರೆ ವೈಶಿಷ್ಟ್ಯವನ್ನು ಪರಿಚಯಿಸಿದೆ. ಇದೀಗ ಸ್ಮಾರ್ಟ್​ಫೋನ್, ಟ್ಯಾಬ್ಲೆಟ್ ಮತ್ತು ಡೆಸ್ಕ್​ಟಾಪ್​ ಬಳಕೆದಾರರು ಗೂಪ್ ವಿಡಿಯೋ ಕರೆಯನ್ನು ಮಾಡಬಹುದಾಗಿದೆ.

ಟೆಲಿಗ್ರಾಂ ಒಂದು ವರ್ಷಗಳ ಹಿಂದೆಯೇ ವಿಡಿಯೋ ಕರೆಯ ಬಗ್ಗೆ ಹೇಳಿಕೊಂಡಿತ್ತು. ಆದರೀಗ ವೈಶಿಷ್ಟ್ಯಯವನ್ನು ಪರಿಚಯಿಸಿದೆ. ಟೆಲಿಗ್ರಾಂ ಬಳಕೆದಾರರು ಆ್ಯಪ್​ ಅಪ್​ಡೇಟ್​ ಮಾಡುವ ಮೂಲಕ  ನೂತನ ಫೀಚರ್​ ಬಳಕೆಗೆ ಸಿಗಲಿದೆ.

ಲಂಡನ್ ಮೂಲದ ಟೆಲಿಗ್ರಾಂ ಆ್ಯಪ್ ನ ಹೊಸ ಕ್ರಮವು ಫೇಸ್​ಬುಕ್​, ವಾಟ್ಸ್ಆ್ಯಪ್ ಮತ್ತು ಆ್ಯಪಲ್​ನ ಫೇಸ್​​ಟೈಂ ಅನ್ನು ತೆಗೆದುಕೊಳ್ಳುತ್ತದೆ. ಟೆಲಿಗ್ರಾಂ ಗ್ರೂಪ್ ಕರೆ ಮಾತ್ರವಲ್ಲದೆ, ಇತ್ತೀಚಿನ ಕೆಲವು ಬದಲಾವಣೆಯನ್ನು ತಂದಿದೆ.

ಜತೆಗೆ ಅನಿಮೇಟೆಡ್ ಬ್ಯಾಗ್​ರೌಂಡ್, ಎಮೋಜಿಗಳನ್ನು ಪರಿಚಯಿಸಿದೆ. ಟೆಲಿಗ್ರಾಂ ಗ್ರೂಪ್ ಆಡಿಯೋ ಸಂಭಾಷಣೆಯನ್ನು ವಿಡಿಯೋ ಕರೆಯಾಗಿ ಪರಿವರ್ತಿಸಲು ಅನುಮತಿಸಿದೆ. ಡಿಸ್ಪ್ಲೇಯಲ್ಲಿ ಕಾಣುವ ಕ್ಯಾಮೆರಾ ಐಕಾನ್ ಒತ್ತಿದರೆ ಗ್ರೂಪ್ ಕರೆಯಾಗಿ ಮಾರ್ಪಾಡಾಗುತ್ತದೆ.

ಜತೆಗೆ ಗ್ರೂಪ್ ಕರೆಯನ್ನು ಪಿನ್ ಮಾಡಬಹುದಾಗಿದೆ. ಸೈಡ್ ಪ್ಯಾನೆಲ್ ತೆರೆಯಬಹುದಾದ ಆಯ್ಕೆಯನ್ನು ನೀಡಿದೆ. ಹಾಗಾಗಿ ಬಳಕೆದಾರರಿಗೆ ಮತ್ತಷ್ಟು ಹತ್ತಿರವಾಗಿದೆ ಟೆಲಿಗ್ರಾಂ ಆ್ಯಪ್.

ಟೆಲಿಗ್ರಾಂ ಆ್ಯಪ್ ಮೂಲಕ ವಿಡಿಯೋ ಗ್ರಿಡ್ ಸ್ಪ್ಲಿಟ್ ಸ್ಕ್ರೀನ್ ವೀಕ್ಷಣೆ ಮಾಡಬಹುದಾಗಿದೆ. ಜತೆಗೆ ಯಾರೆಲ್ಲಾ ಗ್ರೂಪ್ ಕರೆಯಲ್ಲಿ ಇದ್ದಾರೆ ಎಂದು ಗಮನಿಸಬಹುದಾಗಿದೆ.

ಟೆಲಿಗ್ರಾಂ ಗ್ರೂಪ್ ಕರೆ ಭಾವಚಿತ್ರ ಮತ್ತು ಭೂದೃಶ್ಯ ಎರಡಕ್ಕೂ ಹೊಂದಿಕೊಂಡಿದೆ ಹಾಗಾಗಿ ವಿಡಿಯೋ ಕರೆ ಮಾಡುವ ವ್ಯಕ್ತಿಯ ಯಾವುದೆ ಅಡೆತಡೆಯಿಲ್ಲದೆ ಕರೆ ಮಾಡಬಹುದಾಗಿದೆ.

30 ಜನರು ಏಕಕಾಲದಲ್ಲಿ ಗ್ರೂಪ್​ ವಿಡಿಯೋ ಕರೆಯಲ್ಲಿ ಭಾಗವಹಿಸುವ ಸಾಮರ್ಥ್ಯವನ್ನು ಹೊಂದಿದೆ. ಸದ್ಯದಲ್ಲೇ ಅದಕ್ಕಿಂತ ಹೆಚ್​ಚಿನ ಬಳಕೆದಾರರನ್ನು ಬಳಸುವಂತೆ ವೈಶಿಷ್ಟ್ಯವನ್ನು ವೃದ್ಧಿಸಲಿದೆ.