Best Smartphones: ಈ ವರ್ಷದಲ್ಲಿ ಬಿಡುಗಡೆಯಾದ ಅದ್ಬುತ ಫೀಚರ್ಸ್​ ಹೊಂದಿದ ಸ್ಮಾರ್ಟ್​​ಫೋನ್​ಗಳಿವು!

ಈ ವರ್ಷ ಮಾರುಕಟ್ಟೆಗೆ ಗುಣಮಟ್ಟದ ಫೀಚರ್ಸ್​ಗಳನ್ನು ಹೊಂದಿರುವ ಹಲವಾರು ಸ್ಮಾರ್ಟ್​​ಫೋನ್​​ಗಳು ಬಿಡುಗಡೆಯಾಗಿದೆ. ಅದರಲ್ಲಿ ವಿವೋ ಎಕ್ಸ್​80 ಸ್ಮಾರ್ಟ್​​ಫೋನ್​ ಸಹ ಒಂದು. ಈ ಸ್ಮಾರ್ಟ್​​ಫೋನ್​ ಅತ್ಯಂತ ವೇಗದ ಆಂಡ್ರಾಯ್ಡ್ ಸ್ಮಾರ್ಟ್​ಫೋನ್ ಎಂಬ ಜನಪ್ರಿಯತೆಯನ್ನು ಪಡೆದುಕೊಂಡಿದೆ. ಈ ಸ್ಮಾರ್ಟ್​​ಫೋನ್ 79,999 ರೂಪಾಯಿ ಬೆಲೆಯನ್ನು ಹೊಂದಿದೆ.

ಇದು 6.78ಇಂಚಿನ ಹೆಚ್‌ಡಿ ಡಿಸ್‌ಪ್ಲೇ ಹೊಂದಿದೆ. ಮೀಡಿಯಾಟೆಕ್‌ ಡೈಮೆನ್ಸಿಟಿ 9000 SoC ಪ್ರೊಸೆಸರ್‌ ಬಲವನ್ನು ಈ ಸ್ಮಾರ್ಟ್​ಫೋನ್​ನಲ್ಲಿ ನೀಡಲಾಗಿದೆ. ಇದರಲ್ಲಿ ಮುಖ್ಯ ಕ್ಯಾಮೆರಾ 50 ಮೆಗಾಪಿಕ್ಸೆಲ್ ಸೋನಿ IMX866 RGBW ಸೆನ್ಸಾರ್‌ ಹೊಂದಿದೆ. ಜೊತೆಗೆ 4,500mAh ಬ್ಯಾಟರಿ ಸಾಮರ್ಥ್ಯವನ್ನು ಹೊಂದಿದ್ದು, ಈ ಬ್ಯಾಟರಿಯು 80W ಫ್ಲ್ಯಾಶ್ ವೇಗದ ಚಾರ್ಜಿಂಗ್ ತಂತ್ರಜ್ಞಾನವನ್ನು ಬೆಂಬಲಿಸುತ್ತದೆ.

ಐಕ್ಯೂ 9T: ಐಕ್ಯೂ ಕಂಪೆನಿಯಿಂದ ಬಿಡುಗಡೆಯಾದ ಸ್ಮಾರ್ಟ್​​ಫೋನ್​ಗಳ ಸಾಲಿನಲ್ಲಿ ಐಕ್ಯೂ 9ಟಿ ಸ್ಮಾರ್ಟ್​ಫೋನ್​ ಸಹ ಒಂದು. ಈ ಸ್ಮಾರ್ಟ್​​ಫೋನ್ ಉತ್ತಮ ಫೀಚರ್ಸ್​, ವಿನ್ಯಾಸದೊಂದಿಗೆ ಹೆಚ್ಚು ಗ್ರಾಹಕರನ್ನು ಸೆಳೆದಿದೆ.

ಈ ಐಕ್ಯೂ 9ಟಿ ಫೋನ್ 6.78 ಇಂಚಿನ ಫುಲ್‌ ಹೆಚ್‌ಡಿ+ ಡಿಸ್‌ಪ್ಲೇ ಹೊಂದಿದೆ. ಇದು ಸ್ನಾಪ್‌ಡ್ರಾಗನ್ 8+ Gen 1 SoC ಪ್ರೊಸೆಸರ್‌ ಸಾಮರ್ಥ್ಯವನ್ನು ಪಡೆದುಕೊಂಡಿದೆ. ಆಪ್ಟಿಕಲ್ ಇಮೇಜ್ ಸ್ಟೆಬಿಲೈಸೇಶನ್ (OIS) ಅನ್ನು ಬೆಂಬಲಿಸುವ 50 ಮೆಗಾಪಿಕ್ಸೆಲ್ ಮುಖ್ಯ ಕ್ಯಾಮೆರಾ ಸಹ ಇದೆ. ಐಕ್ಯೂ 9T ಸ್ಮಾರ್ಟ್‌ಫೋನ್‌ 4,700mAh ಸಾಮರ್ಥ್ಯದ ಬ್ಯಾಟರಿಯನ್ನು ಹೊಂದಿದ್ದು, 120W ವೇಗದ ಚಾರ್ಜಿಂಗ್‌ ಬೆಂಬಲಿಸುತ್ತದೆ.

ಪ್ರೀಮಿಯಂ ಸ್ಮಾರ್ಟ್​​ಫೋನ್​ಗಳನ್ನು ಬಿಡುಗಡೆ ಮಾಎ=ಡುವ ಮೂಲಕ ರಿಯಲ್​​ಮಿ ಕಂಪೆನಿ ಭಾರೀ ಜನಮನ್ನಣೆಯನ್ನು ಪಡೆದಿದೆ. ಇನ್ನು ಈ ಕಂಪೆನಿ ಇತ್ತೀಚೆಗೆ ರಿಯಲ್​ಮಿ ಜಿಟಿ 3 ಎಂಬ ಸ್ಮಾರ್ಟ್​ಫೋನ್​ ಪರಿಚಯಿಸಿತ್ತು. ಇದರ ಬೆಲೆ 42,999 ರೂಪಾಯಿಯಾಗಿದೆ.

rಇಯಲ್​ಮಿ ಜಿಟಿ 3 ಸ್ಮಾರ್ಟ್​​​ಫೋನ್​ 6.43 ಇಂಚಿನ ಹೆಚ್‌ಡಿ + ಅಮೋಲ್ಡ್​ ಡಿಸ್‌ಪ್ಲೇಯನ್ನು ಹೊಂದಿದೆ. ಮೀಡಿಯಾ ಟೆಕ್ ಡೈಮೆನ್ಸಿಟಿ 8100 ಎಸ್​​​ಓಸಿ ಪ್ರೊಸೆಸರ್‌ ನೀಡಲಾಗಿದೆ. ಇನ್ನು ಈ ಫೋನ್​ ಟ್ರಿಪಲ್ ರಿಯರ್‌ ಕ್ಯಾಮೆರಾ ಸೆಟಪ್‌ ಅನ್ನು ಹೊಂದಿದ್ದು, ಇದರಲ್ಲಿ ಮುಖ್ಯ ಕ್ಯಾಮೆರಾ 50 ಮೆಗಾ ಪಿಕ್ಸೆಲ್ ಸೆನ್ಸಾರ್​ನಲ್ಲಿದೆ. ಜೊತೆಗೆ 4,500 mAh ಸಾಮರ್ಥ್ಯದ ಬ್ಯಾಟರಿ ಬ್ಯಾಕಪ್​ ಸಹ ಹೊಂದಿದೆ. ಇನ್ನು ಈ ಬ್ಯಾಟರಿಯು 150W ವೇಗ ಚಾರ್ಜಿಂಗ್ ಸಾಮರ್ಥ್ಯದಲ್ಲಿದೆ.

ಮೊಟೊರೊಲಾ ಕಂಪೆನಿ ಬಜೆಟ್​ ಬೆಲೆಯಲ್ಲಿ ಹಲವಾರು ಸ್ಮಾರ್ಟ್​​ಫೋನ್​ಗಳನ್ನು ಮಾರುಕಟ್ಟೆಗೆ ಪರಿಚಯಿಸಿದೆ. ಇತ್ತೀಚೆಗೆ ಈ ಕಂಪೆನಿಯಿಂದ ಮೊಟೊರೊಲಾ ಎಡ್ಜ್ 30 ಫ್ಯೂಶನ್ ಎಂಬ ಸ್ಮಾರ್ಟ್​ಫೋನ್ ಲಾಂಚ್ ಆಗಿತ್ತು. ಇದರ ಬೆಲೆ 39,999 ರೂಪಾಯಿ.

ಇದು 6.55 ಇಂಚಿನ ಕರ್ವ್ಡ್ ಎಂಡ್‌ಲೆಸ್ ಎಡ್ಜ್ ಪೋಲ್ಡ್ ಡಿಸ್‌ಪ್ಲೇ ಹೊಂದಿದೆ. ಸ್ನಾಪ್‌ಡ್ರಾಗನ್‌ 888+ SoC ಪ್ರೊಸೆಸರ್‌ನಲ್ಲಿ ಅಳವಡಿಸಲಾಗಿದ್ದು ಇದರಲ್ಲಿ ಮುಖ್ಯ ಕ್ಯಾಮೆರಾ 50 ಮೆಗಾಪಿಕ್ಸೆಲ್‌ ಸೆನ್ಸಾರ್‌ ಇದೆ. 4,400mAh ಸಾಮರ್ಥ್ಯದ ಬ್ಯಾಟರಿಯನ್ನು ಹೊಂದಿದೆ. ಇದು 68W ಟರ್ಬೋಪವರ್ ಫಾಸ್ಟ್ ಚಾರ್ಜಿಂಗ್ ಬೆಂಬಲಿಸುತ್ತದೆ.