Iron Box: ಮನೇಲಿರೋ ಇಸ್ತ್ರಿ ಪೆಟ್ಟಿಗೆ ಸುಟ್ಟೋಗಿದ್ಯಾ? ಈ ಟ್ರಿಕ್ಸ್​ ಯೂಸ್​ ಮಾಡಿ ಈಸಿಯಾಗಿ ಕ್ಲೀನ್ ಮಾಡಿ

ಸಾಮಾನ್ಯವಾಗಿ ನಮ್ಮ ಬಟ್ಟೆ ಎಲ್ಲಾದರು ಮಡಚಿ ಇಟ್ಟಾಗ, ಒಗೆದಾಗ ಅದು ಹುಡಿಯಾಗುತ್ತದೆ. ಆ ಸಂದರ್ಭದಲ್ಲಿ ನಾವು ಇಸ್ತ್ರಿ ಪೆಟ್ಟಿಗೆಯ ಮೊರೆ ಹೋಗುತ್ತೇವೆ. ಆದರೆ ಎಷ್ಟೋ ಬಾರಿ ಐರನ್​ ಬಾಕ್ಸ್​ ಅತಿಯಾಗಿ ಬಿಸಿಯಾಗಿ ಬಟ್ಟೆ ಸುಟ್ಟು ಹೋಗುತ್ತದೆ. ಇಂತಹ ಘಟನೆಗಳನ್ನು ನಾವು ಹಲವಾರು ನೋಡಿದ್ದೇವೆ, ಕೇಳಿದ್ದೇವೆ.

ಯಾವಾಗ ಇಸ್ತ್ರಿ ಪೆಟ್ಟಿಗೆಯಿಂದ ಬಟ್ಟೆ ಸುಡುತ್ತದೋ, ಆ ಸಂದರ್ಭದಲ್ಲಿ ಐರನ್ ಬಾಕ್ಸ್​ ಸಹ ಕಪ್ಪಾಗುತ್ತದೆ. ನಂತರ ಅದನ್ನು ಏನು ಮಾಡಿದ್ರೂ ರಿಮೂವ್ ಮಾಡಲಾಗುವುದಿಲ್ಲ. ಈ ಸಂದರ್ಭದಲ್ಲಿ ಕೆಲವರು ಅದನ್ನು ಎಸೆಯಲು ಮುಂದಾಗುತ್ತಾರೆ. ಆದರೆ ಸುಟ್ಟ ಬಟ್ಟೆಯಿಂದ ಐರನ್​ ಬಾಕ್ಸ್​ನಲ್ಲಾದ ಕಲೆಯನ್ನು ಕ್ಷಣಮಾತ್ರದಲ್ಲಿ ಕ್ಲೀನ್ ಮಾಡ್ಬಹುದು. ಇದಕ್ಕಾಗಿ ಇಲ್ಲಿದೆ ಸಿಂಪಲ್ ಟ್ರಿಕ್ಸ್​.

ಪ್ಯಾರಸಿಟಮಾಲ್ ಬಳಸಿ: ನಿಮ್ಮ ಮನೆಯ ಇಸ್ತ್ರಿ ಪೆಟ್ಟಿಗೆ​ಯಲ್ಲಿ ಅಂಟಿಕೊಂಡಿರುವ ಬಟ್ಟೆಯ ಕಲೆಯನ್ನು ತೆಗೆದುಹಾಕಲು ಪ್ಯಾರಸಿಟಮಾಲ್ ಮಾತ್ರೆಯನ್ನು ಬಳಸಿ. ಮೊದಲಿಗೆ ನಿಮ್ಮ ಐರನ್​ ಬಾಕ್ಸ್​ ಅನ್ನು ಸ್ವಲ್ಪ ಬಿಸಿ ಮಾಡಿ. ನಂತರ ಅದರ ಮೇಲೆ ನಿಧಾನಕ್ಕೆ ಪ್ಯಾರಸಿಟಮಾಲ್ ಮಾತ್ರೆಯನ್ನು ಉಜ್ಜಿ. ಉಜ್ಜಿದ ಬಳಿಕ ತಕ್ಷಣ ಬಟ್ಟೆಯಿಂದ ಅಥವಾ ಕಾಗದದಿಂದ ಅದನ್ನು ಕ್ಲೀನ್ ಮಾಡಿ. ಈ ಮೂಲಕ ನಿಮ್ಮ ಐರನ್​ ಬಾಕ್ಸ್​ನಲ್ಲಿರುವ ಎಲ್ಲಾ ಕಲೆಯನ್ನು ಸುಲಭದಲ್ಲಿ ತೆಗೆದುಹಾಕ್ಬಹುದು.

ಅಡುಗೆ ಸೋಡಾವನ್ನು ಸಹ ಬಳಸಬಹುದು: ನಿಮ್ಮ ಸುಟ್ಟ ಐರನ್​ ಬಾಕ್ಸ್​ ಅನ್ನು ಕ್ಲೀನ್​ ಮಾಡಲು, ನೀವು ಬಯಸಿದರೆ, ಅದರಲ್ಲಿ ಅಡುಗೆ ಸೋಡಾವನ್ನು ಸಹ ಬಳಸಬಹುದು. ಮೊದಲು ಅಡುಗೆ ಸೋಡಾ ಮತ್ತು ಸ್ವಲ್ಪ ನೀರನ್ನು ಸೇರಿಸಿ ಪೇಸ್ಟ್ ಮಾಡಿ. ಈ ಪೇಸ್ಟ್ ಅನ್ನು ಐರನ್​ ಬಾಕ್ಸ್​​ನಲ್ಲಿ ಕಲೆ ಆಗಿರುವ ಜಾಗಕ್ಕೆ ಹಚ್ಚಿ.

ಇನ್ನು ಆ ಅಡುಗೆ ಸೋಡಾದ ಪೇಸ್ಟ್​ ಅನ್ನು ಸ್ವಲ್ಪ ಸಮಯದ ನಂತರ ಬಟ್ಟೆಯಿಂದ ನಿಧಾನವಾಗಿ ಕ್ಲೀನ್ ಮಾಡಿ. ಈ ಮೂಲಕ ನಿಮ್ಮ ಐರನ್ ಬಾಕ್ಸ್​​ನಲ್ಲಿರುವ ಕಲೆಯನ್ನು ತೆಗೆದುಹಾಕ್ಬಹುದು.

ವಿನೆಗರ್ ಬಳಸಿ: ಸಣ್ಣ ಟವೆಲ್ ತೆಗೆದುಕೊಂಡ ಅದಕ್ಕೆ ಸ್ವಲ್ಪ ವಿನೆಗರ್ ಹಾಕಿ ನಿಮ್ಮ ಇಸ್ತ್ರಿ ಪೆಟ್ಟಿಗೆಯಲ್ಲಿ ಕಲೆ ಆದ ಸ್ಥಳದಲ್ಲಿ ಉಜ್ಜಿ. ಈ ರೀತಿ ಮಾಡೋದ್ರಿಂದ ಕಲೆಯನ್ನು ಸುಲಭದಲ್ಲಿ ತೆಗೆದುಹಾಕ್ಬಹುದು.

ಉಪ್ಪಿನೊಂದಿಗೆ ಕ್ಲೀನ್ ಮಾಡಿ: ನಿಮ್ಮ ಇಸ್ತ್ರಿ ಪಟ್ಟಿಗೆ ಕಪ್ಪು ಬಣ್ಣಕ್ಕೆ ತಿರುಗಿದ್ದರೆ, ಈಗ ನೀವು ಅದನ್ನು ಉಪ್ಪಿನೊಂದಿಗೆ ಕ್ಲೀನ್ ಮಾಡಬಹುದು. ಇದಕ್ಕಾಗಿ, ಹತ್ತಿ ಟವೆಲ್ ಮೇಲೆ ಒಂದು ಚಮಚ ಉಪ್ಪನ್ನು ಹಾಕಿ. ನಂತರ ಐರನ್ ಬಾಕ್ಸ್ ಮೇಲೆ ಉಜ್ಜಿ. ಇದರಿಂದ ಅದರಲ್ಲಾಗಿರುವ ಕಪ್ಪು ಕಲೆಯನ್ನು ತೆಗೆಯಬಹುದು.