Selfie: ಹೃದಯ ಸಂಬಂಧಿ ಕಾಯಿಲೆ ನಿಮಗಿದ್ಯಾ? ನೀವು ಕ್ಲಿಕ್ಕಿಸುವ ಸೆಲ್ಫಿ ಹೇಳುತ್ತೆ ಇದಕ್ಕೆ ಉತ್ತರ!

ಸ್ಮಾರ್ಟ್​ಫೋನ್​ನಲ್ಲಿ ಸೆಲ್ಫಿ ಕ್ಯಾಮೆರಾ ಬಂದ ಮೇಲಂತೂ ಸೆಲ್ಫಿ ಕ್ಲಿಕ್ಕಿಸಿಕೊಳ್ಳುವ  ಸಂಖ್ಯೆ ಹೆಚ್ಚಾಗಿದೆ. ಅದರಲ್ಲೂ ಹುಡುಗಿಯರಿಗೆ ಎಲ್ಲೋ ಹೋದರು, ಎಲ್ಲೇ ಬಂದರು, ಕುಂತರು ನಿಂತರು ಸೆಲ್ಫಿ ಕ್ಲಿಕ್ಕಿಸಿಕೊಳ್ಳುವ ಅಭ್ಯಾಸ ತುಸು ಹೆಚ್ಚು.

ಅತಿಯಾದ ಸೆಲ್ಫಿ ಹುಚ್ಚಿನಿಂದ ಅಪಘಾತಗಳು ಸಂಭಂವಿಸಿರುವ ಘಟನೆಗಳು ಬೆಳಕಿಗೆ  ಬರುತ್ತಿರುತ್ತವೆ. ಜಲಪಾತ, ನೀರಿನ ಬಳಿ ಸೆಲ್ಫಿ ಕ್ಲಿಕ್ಕಿಸುತ್ತಾ ಕಾಲು ಜಾರಿ ನೀರಿಗೆ ಬಿದ್ದ ಅನೇಕ ಪ್ರಸಂಗಳು ಬೆಳಕಿಗೆ ಬಂದಿವೆ.  ಆದರೆ ಇಷ್ಟೆಲ್ಲಾ ಅವಾಂತರ ಸೃಷ್ಠಿಸುವ ಸೆಲ್ಫಿಯಿಂದ ಇದೀಗ ಕಾಯಿಲೆಯೊಂದನ್ನು ಪತ್ತೆ ಹಚ್ಚಬಹುದಾಗಿದೆ ಎಂದರೆ ನಂಬುತ್ತೀರಾ?

ಹೌದು. ಸೆಲ್ಫಿ ಕುರಿತಾಗಿ ಅಚ್ಚರಿಯ ಮಾಹಿತಿ ಸಂಶೋಧನೆಯಿಂದ ಬಹಿರಂಗಗೊಂಡಿದೆ. ಏನದು ಗೊತ್ತಾ?ಸೆಲ್ಫಿ ಮೂಲಕ ವ್ಯಕ್ತಿಯ ಹೃದಯ ಸಂಬಂಧಿಸಿದ ಕಾಯಿಲೆಯನ್ನು ಪತ್ತೆ ಹಚ್ಚಬಹುದು ಎಂದು ಸಂಶೋಧನೆಯಿಂದ ಬಹಿರಂಗಗೊಂಡಿದೆ.

ಯುರೋಪಿಯನ್ ಹಾರ್ಟ್ ಜರ್ನಲ್ ನಲ್ಲಿ ಪ್ರಕಟಗೊಂಡಿರುವ ಅಧ್ಯಯನ ವರದಿಯಲ್ಲಿ ಈ ಅಂಶ ಬಹಿರಂಗವಾಗಿದೆ. ಅಲ್ಗಾರಿದಮ್ ಅನ್ನು ಮತ್ತಷ್ಟು ಅಭಿವೃದ್ಧಿ ಪಡಿಸಬೇಕು ಮತ್ತು ಹಲವಾರು ಜನರನ್ನು ಸೇರಿಸಿಕೊಂಡು ಪರೀಕ್ಷಿಸಬೇಕಾಗಿದೆ ಎಂದು ಸಂಶೋಧಕರೊಬ್ಬರು ತಿಳಿಸಿದ್ದಾರೆ

ಹೆಚ್ಚಿನ ಜನರಲ್ಲಿ ಕಂಡುಬರುವ ಸಂಭವನೀಯ ಹೃದಯ ಕಾಯಿಲೆಗಳನ್ನು ಗುರುತಿಸಲಬಲ್ಲ ಸ್ಕ್ರೀನಿಂಗ್ ಸಾಧನವಾಗಿ ಇದನ್ನು ಬಳಸ ಬಹುದಾಗಿದೆ ಎಂದು ಸಂಶೋದಕರು ಹೇಳಿದ್ದಾರೆ.

ನಮ್ಮ ಜ್ನಾನಕ್ಕೆ ಸಂಬಂಧಿಸಿದಂತೆ ಆರ್ಟಿಫೀಷಲ್ ಇಂಟಲಿಜನ್ಸ್ ಮೂಲಕ ವ್ಯಕ್ತಿಯ ಸೆಲ್ಫಿ ಅಥವಾ ಮುಖಚರ್ಯೆಯನ್ನು ನೋಡಿ ಹೃದಯ ಸಂಬಂಧಿತ ರೋಗವನ್ನು ಪ್ರತ್ತೆಹಚ್ಚಬಹುದಾಗಿದೆ ಎಂದು ಸಂಶೋಧಕ, ಚೀನಾದ ಫುವೈ ಆಸ್ಪತ್ರೆಯ ಉಪಾಧ್ಯಕ್ಷ ಝೀ ಝೆಂಗ್ ಹೇಳಿದ್ದಾರೆ

ಹೃದಯ ಸಂಭಂದಿಸಿದ ರೋಗವನ್ನು ಅಥವಾ ಅಪಾಯವನ್ನು ನಿರ್ಣಯಿಸಲು ಆಳವಾದ ಕಲಿಕೆ ಮತ್ತು ಅಭಿವೃದ್ಧಿಯತ್ತ ಹೆಜ್ಜೆ ಹಾಕುತ್ತಿದ್ದೇವೆ ಎಂದರು. ಕಡಿಮೆ ವೆಚ್ಚದಲ್ಲಿ ಈ ಪರೀಕ್ಷೆಯನ್ನು ನಡೆಸಬಹುದಾಗಿದೆ. ಜೊತೆಗೆ ಹೃಯದ ಸಂಬಂಧಿಸಿದ ಸಮಸ್ಯೆಗಳ ಬಗ್ಗೆ ಪತ್ತೆಹಚ್ಚಬಹುದಾಗಿದೆ. ಈ ಅಧ್ಯಯನದ ವರದಿಗಾಗಿ ಚೀನಾ 2017ರ ಜುಲೈ 2019ರ ಮಾರ್ಚ್​ವರೆಗೆ  5,796 ರೋಗಿಗಳನ್ನು ನೋಂದಣಿ ಮಾಡಿಕೊಂಡಿತ್ತು.