Samsung Galaxy Book 3: ಸ್ಯಾಮ್​​ಸಂಗ್ ಗ್ಯಾಲಕ್ಸಿ ಅನ್​ಪ್ಯಾಕ್ಡ್​ ಈವೆಂಟ್​ 2023; ಹೊಸ ಲ್ಯಾಪ್​ಟಾಪ್ ಅನಾವರಣ ಮಾಡಿದ ಕಂಪೆನಿ!

ಸ್ಯಾಮ್​​ಸಂಗ್ ಗ್ಯಾಲಕ್ಸಿ ಅನ್​ಪ್ಯಾಕ್ಡ್​ ಈವೆಂಟ್​ 2023 ಕಾರ್ಯಕ್ರಮದಲ್ಲಿ ತನ್ನ ಗ್ಯಾಲಕ್ಸಿ ಬುಕ್​ 3 ಸೀರಿಸ್​ನ ನೋಟ್‌ಬುಕ್ ಲ್ಯಾಪ್‌ಟಾಪ್‌ಗಳನ್ನು ಅನಾವರಣಗೊಳಿಸಿದೆ. ಇತ್ತೀಚಿನ ಶ್ರೇಣಿಯ ಲ್ಯಾಪ್‌ಟಾಪ್‌ಗಳಲ್ಲಿ ಗ್ಯಾಲಕ್ಸಿ ಬುಕ್​ 3 ಪ್ರೋ 14, ಗ್ಯಾಲಕ್ಸಿ ಬುಕ್​ 3 ಪ್ರೋ 16, ಗ್ಯಾಲಕ್ಸಿ ಬುಕ್​ 3 ಪ್ರೋ 360 ಮತ್ತು ಗ್ಯಾಲಕ್ಸಿ ಬುಕ್​ 3 ಅಲ್ಟ್ರಾ ಸೇರಿವೆ.

ಕಂಪೆನಿ ಬಿಡುಗಡೆ ಮಾಡಿದ ಗ್ಯಾಲಕ್ಸಿ ಬುಕ್​3 ಸೀರಿಸ್​ನ ಲ್ಯಾಪ್​ಟಾಪ್​ಗಳಲ್ಲಿ, ಗ್ಯಾಲಕ್ಸಿ ಬುಕ್​ 3 ಪ್ರೋ ಅನ್ನು ತೆಳುವಾದ ಮತ್ತು ಹಗುರವಾದ ಲ್ಯಾಪ್‌ಟಾಪ್‌ನಂತೆ ಪರಿಚಯಿಸಲಾಗಿದೆ, ಆದರೆ ಗ್ಯಾಲಕ್ಸಿ ಬುಕ್​ 3 ಪ್ರೋ ಅನ್ನು 360 ಡಿಗ್ರಿ ಹಿಂಜ್‌ನೊಂದಿಗೆ ಕಾಂಪ್ಯಾಕ್ಟ್ ಫಾರ್ಮ್ ಫ್ಯಾಕ್ಟರ್‌ನಲ್ಲಿ ಬಿಡುಗಡೆ ಮಾಡಲಾಗಿದೆ. ಹಾಗೆಯೇ ಗ್ಯಾಲಕ್ಸಿ ಬುಕ್​ 3 ಅಲ್ಟ್ರಾ ಟಾಪ್ ಲೈನ್ ಲ್ಯಾಪ್‌ಟಾಪ್ ಆಗಿದೆ.

ಕಂಪನಿಯು ಬಿಡುಗಡೆ ಮಾಡಿದ ಎಲ್ಲಾ ಲ್ಯಾಪ್‌ಟಾಪ್‌ಗಳು ಇಂಟೆಲ್‌ನ ಇತ್ತೀಚಿನ 13 ನೇ ಕೋರ್ ಪ್ರೊಸೆಸರ್‌ಗಳೊಂದಿಗೆ ಅಳವಡಿಸಲ್ಪಟ್ಟಿವೆ. ಇದಲ್ಲದೇ, ಗ್ಯಾಲಕ್ಸಿ ಬುಕ್​ 3 ಅಲ್ಟ್ರಾದಲ್ಲಿ  Nvidia GeForce RTX 40 ಸರಣಿಯ ಗ್ರಾಫಿಕ್ಸ್ ಅನ್ನು ಸಹ ನೀಡಲಾಗಿದೆ. ಹೊಸ ಗ್ಯಾಲಕ್ಸಿ ಬುಕ್​ 3 ಸರಣಿಯ ಲ್ಯಾಪ್‌ಟಾಪ್‌ಗಳು ಉತ್ತಮ ಗುಣಮಟ್ಟದ ಕಾರ್ಯಕ್ಷಮತೆಯನ್ನು ಹೊಂದಿದೆ.

ಇದು ಕಂಪನಿಯ ಇನ್​​ ಬಿಲ್ಟ್​ ಅಪ್ಲಿಕೇಶನ್‌ಗಳು ಮತ್ತು ಗ್ಯಾಲರಿ, ಸ್ಮಾರ್ಟ್ ಸ್ವಿಚ್ ಇಂತಹ ಹಲವು ಫೀಚರ್ಸ್​ಗಳನ್ನು ಹೊಂದಿದೆ. ಈ ಲ್ಯಾಪ್​ಟಾಪ್ ಈ ಬಾರಿಯ ಸ್ಯಾಮ್​ಸಂಗ್ ಕಂಪೆನಿಯ ಹೊಸ ಡಿವೈಸ್​ ಆಗಿದ್ದು, ಮಾರುಕಟ್ಟೆಯಲ್ಲಿ ಹೊ ಸ ಸಂಚಲನವನ್ನೇ ಸೃಷ್ಟಿಸುತ್ತದೆ.

ಸ್ಯಾಮ್​ಸಂಗ್ ಗ್ಯಾಲಕ್ಸಿ ಬುಕ್​ 3 ಅಲ್ಟ್ರಾ ಲ್ಯಾಪ್​ಟಾಪ್ ಎರಡು ಪ್ರೊಸೆಸರ್‌ಗಳಲ್ಲಿ ಲಭ್ಯವಿದೆ. ಇದು 13 ನೇ ತಲೆಮಾರಿನ ಇಂಟೆಲ್ ಕೋರ್​ i7 ಮತ್ತು ಇಂಟೆಲ್ ಕೋರ್ i9 ನೊಂದಿಗೆ ಮೀಸಲಾದ ಗ್ರಾಫಿಕ್ಸ್ ಕಾರ್ಡ್‌ನ ಆಯ್ಕೆಯನ್ನು ಹೊಂದಿದೆ. ಅದೇ ಸರೀತಿಯಲ್ಲಿ, 13 ನೇ ತಲೆಮಾರಿನ ಇಂಟೆಲ್ ಕೋರ್ i7 ಪ್ರೊಸೆಸರ್ ಗ್ಯಾಲಕ್ಸಿ ಬುಕ್​ 3 ಪ್ರೋ 360 ಮತ್ತು ಗ್ಯಾಲಕ್ಸಿ ಬುಕ್​ 3 ಪ್ರೋ ನಲ್ಲಿ ಲಭ್ಯವಿದೆ. ಆದರೆ ಇದು ಇಂಟೆಲ್​ ಎಕ್ಸ್​​ಇ ಗ್ರಾಫಿಕ್ಸ್‌ನೊಂದಿಗೆ ಸಂಯೋಜಿಸಲ್ಪಟ್ಟಿದೆ.

ಇನ್ನು ಈ ಸೀರಿಸ್​ನ ಲ್ಯಾಪ್​ಟಾಪ್​ನ ಡಿಸ್​ಪ್ಲೇ ಫೀಚರ್ಸ್​ ಬಗ್ಗೆ ಹೇಳುವುದಾದರೆ, ಗ್ಯಾಲಕ್ಸಿ ಬುಕ್​ 3 ಹೊಸ ಡೈನಾಮಿಕ್ ಅಮೋಲ್ಡ್​ 2X ಡಿಸ್‌ಪ್ಲೇಯನ್ನು ಹೊಂದಿದ್ದು ಇದು 3K ರೆಸಲ್ಯೂಶನ್ ಜೊತೆಗೆ 500 ಯುನಿಟ್‌ಗಳ ಗರಿಷ್ಠ ಬ್ರೈಟ್‌ನೆಸ್, 1M: 1 ಕಾಂಟ್ರಾಸ್ಟ್ ರೇಶಿಯೋ ಮತ್ತು 120Hz ರಿಫ್ರೆಶ್ ರೇಟ್‌ನೊಂದಿಗೆ ಪಡೆಯುತ್ತದೆ. 

ಈ ಸಾಧನಗಳ ಪೋರ್ಟ್‌ಗಳ ಕುರಿತು ಮಾತನಾಡುವುದಾದರೆ, ಗ್ಯಾಲಕ್ಸಿ ಬುಕ್​ 3 ಅಲ್ಟ್ರಾ ಮತ್ತು ಗ್ಯಾಲಕ್ಸಿ ಬುಕ್​ 3 ಪ್ರೋ ಸರಣಿಗಳು ಥಂಡರ್​ಬೋಲ್ಟ್​ 4 ಬೆಂಬಲದೊಂದಿಗೆ ಎರಡು ಯುಎಸ್​ಬಿ ಟೈಪ್​ ಸಿ ಪೋರ್ಟ್‌ಗಳನ್ನು ಹೊಂದಿವೆ, ಜೊತೆಗೆ 3.5mm ಹೆಡ್‌ಫೋನ್ ಜ್ಯಾಕ್ ಮತ್ತು HDMI ಪೋರ್ಟ್ ಅನ್ನು ಸಹ ಒಳಗೊಂಡಿದೆ.

ಸ್ಯಾಮ್​ಸಂಗ್ ಗ್ಯಾಲಕ್ಸಿ ಬುಕ್​ 3 ಸೀರಿಸ್​ನ ಲ್ಯಾಪ್​ಟಾಪ್​ಗಳಲ್ಲಿ ಗ್ಯಾಲಕ್ಸಿ ಬುಕ್​ 3 ಪ್ರೋ ಲ್ಯಾಪ್​ಟಾಪ್​ ಟಚ್​ಸ್ಕ್ರೀನ್​ ಫೀಚರ್​ ಅನ್ನು ಒಳಗೊಂಡಿದೆ. ಇನ್ನು ಈ ಡಿವೈಸ್​ಗಳ ಬೆಲೆ ಬಗ್ಗೆ ಯಾವುದೇ ಮಾಹಿತಿ ಬಹಿರಂಗವಾಗಿಲ್ಲ.