ಮಹಿಳೆಯರಿಗಾಗಿ ಕಡಿಮೆ ತೂಕದ ಬೈಕ್; ರಾಯಲ್​ ಎನ್​ಫೀಲ್ಡ್​​ನಿಂದ ಹೊಸ ಆವಿಷ್ಕಾರ

ರಾಯಲ್ ಎನ್​​ಫೀಲ್ಡ್​ ಬೈಕ್​ ಯಾರಿಗೆ ಇಷ್ಟವಿಲ್ಲ ಹೇಳಿ. ಯುವಕರಿಗಂತೂ ಈ ಬೈಕ್ ಆಚ್ಚು ಮೆಚ್ಚು, ಇನ್ನು ಕಾಲೇಜು ಹುಡುಗಿಯರಿಗಂತೂ ಈ ಬೈಕ್ ಮೇಲೆ ಬೆಟ್ಟದಷ್ಟು ಪ್ರೀತಿ. ಮಾತ್ರವಲ್ಲದೆ, ಕೊಂಡು ಕೊಳ್ಳಬೇಕೆಂಬ ಆಸೆ. ಆದರೆ ಸಾಕಷ್ಟು ಜನರು ಬೈಕ್ ಸಿಸಿ ತಾಳಲಾರದೆ ಕೊಂಡುಕೊಳ್ಳಲು ಹಿಂದೇಟು ಹಾಕುತ್ತಾರೆ.

ಆದರೆ ಇದೀಗ ರಾಯಲ್ ಎನ್​ಫೀಲ್ಡ್​  ಕಂಪನಿ ಹುಡುಗಿಯರಿಗೆಂದು ಹೊಸ ಬೈಕ್​ಗಳನ್ನು ಉತ್ಪಾದಿಸಲು ಮುಂದಾಗಿದೆ. ಲಾಂಗ್ ರೈಡ್ ಹೋಗಬೆಕೆಂದು ಫ್ಯೂಚರ್ ಪ್ಲಾನ್ ಮಾಡಿಕೊಂಡಿದ್ದ ಯುವತಿಯರಿಗೆ ಈ ನೂತನ ಬೈಕ್ ಹೇಳಿ ಮಾಡಿಸಲಿದೆ.

ಹೌದು ರಾಯಲ್ ಎನ್​ಫೀಲ್ಡ್​​  ಕಂಪೆನಿ  350, 500, 650 ಸಿನಿ ಬೈಕ್​​ಗಳನ್ನು ಉತ್ಪಾದಿಸುತ್ತಿದೆ. ಆದರೀಗ ಕಂಪೆನಿ ಮಹಿಳೆಯರಿಗಾಗಿ ಕಡಿಮೆ ಸಿಸಿಯ ಬೈಕ್​​ಗಳನ್ನು ಉತ್ಪಾದಿಸುವತ್ತ ಮುಂದಾಗಿದೆ.

ಮಾತ್ರವಲ್ಲದೆ, ಮಹಿಳೆಯರಿಗಾಗಿ ಕಾಲೆಟುಕುವಂತೆ ಆರಾಮವಾಗಿ ರೈಡ್ ಮಾಡಬಹುದಾಗಿದೆ ಎಂದು ಕಂಪೆನಿ ತಿಳಿಸಿದೆ.

ಇದರ ಜೊತೆಗೆ ವಿನ್ಯಾಸದಲ್ಲೂ ಬದಲಾವಣೆ ಮಾಡುತ್ತಿದೆ. ಈ ಬೈಕ್ ಯುವತಿಯರಿಗೆ ಮಾತ್ರವಲ್ಲದೆ, ಯುವಕರಿಗೂ ಇಷ್ಟವಾಗಲಿದೆ.

ರಾಯಲ್ ಎನ್​ಫೀಲ್ಡ್​​  ಕಂಪೆನಿ ಮಹಿಳೆಯರಿಗಾಗಿ ಸಿದ್ಧಪಡಿಸುತ್ತಿರುವ ನೂತನ ಬೈಕ್ ಭಾರತದ ಜನವರಿ ತಿಂಗಳಿನಲ್ಲಿ ಮಾರುಕಟ್ಟೆ ಪ್ರವೇಶಿಸಲಿದೆ. ಈ ಬೈಕ್ 250ಸಿಸಿ ಎಂಜಿನ್ ಹೊಂದಿರಲಿದೆ.

1980-1990ರ ದಶಕದಲ್ಲಿ ರಾಯಲ್ ಎನ್​ಫೀಲ್ಡ್​  250ಸಿಸಿ ಬೈಕ್​ಗಳನ್ನು ಉತ್ಪಾದಿಸಿ ಬಿಡುಗಡೆ ಮಾಡಿತ್ತು. ನಂತರ ಸ್ಥತಿತ ಮಾಡಿತ್ತು. ಇದೀಗ ಮತ್ತೊಮ್ಮೆ 250ಸಿಸಿಸ ಬೈಕ್​ ಉತ್ಪಾದನೆಗೆ ಮುಂದಾಗಿದೆ.