ಬೆಂಗಳೂರು ಸೇರಿ ಹಲವು ನಗರಗಳಲ್ಲಿ ಜಿಯೋ ಫೈಬರ್​ ಸೇವೆ; ಸಿಗಲಿದೆ ಗರಿಷ್ಠ 1 ಜಿಬಿಪಿಎಸ್​ ಇಂಟರ್​ನೆಟ್​ ವೇಗ!

ರಿಲಾಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್​ನ 42ನೇ ವಾರ್ಷಿಕ ಸಭೆಯಲ್ಲಿ ಸಂಸ್ಥೆಯ ಮುಖ್ಯಸ್ಥ ಮುಖೇಶ್​ ಅಂಬಾನಿ ಜಿಯೋಫೈಬರ್​ ನೆಟ್​ ಬಗ್ಗೆ ಮಾಹಿತಿ ನೀಡಿದ್ದರು. ಸೆ.5ಕ್ಕೆ ಈ ಸೇವೆ ಆರಂಭಗೊಂಡಿದೆ. ಆರಂಭದಲ್ಲಿ ಕೆಲವೇ ನಗರಗಳಲ್ಲಿ ಮಾತ್ರ ಈ ಸೇವೆ ಲಭ್ಯವಿದೆ. ವಿಶೇಷ ಎಂದರೆ, 700 ರೂನಿಂದ ಆರಂಭಿಸಿ 10,000 ರೂವರೆಗೆ ವಿವಿಧ ಪ್ಯಾಕ್​ಗಳು ಲಭ್ಯವಿದೆ.

ಭಾರತದ ಬಹುದೊಡ್ಡ ವಾಣಿಜ್ಯ ವಹಿವಾಟು ಸಂಸ್ಥೆಯಾದ ರಿಲಾಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್ ತನ್ನ 42ನೇ ವಾರ್ಷಿಕ ಸಾಮಾನ್ಯ ಸಭೆ ನಡೆಯಿತು. ಈ ವಾರ್ಷಿಕ ಸಭೆಯಲ್ಲಿ ರಿಲಾಯನ್ಸ್​ ಸಂಸ್ಥೆಯ ಮುಖ್ಯಸ್ಥ ಮುಖೇಶ್​ ಅಂಬಾನಿ  ಅವರು ಜಿಯೋ ಪೋನ್-3 ಎಂಬ ಹೊಸ ಮೊಬೈಲ್ ಲೋಕಾರ್ಪಣೆ ಮತ್ತು ಜಿಯೋ ಬ್ರಾಡ್​ಬ್ಯಾಂಡ್​ ಸೇವೆಯ ಗಿಗಾ ಫೈಬರ್​ನ ಬೆಲೆ, ಮತ್ತು ಬ್ರಾಡ್​ಬ್ಯಾಂಡ್, ಲ್ಯಾಂಡ್​ಲೈನ್​ ಹಾಗೂ ಟೆಲಿವಿಷನ್ ಸೇವೆಗಳನ್ನು ಒಟ್ಟುಗೂಡಿಸುವ ಮೂರೂ ಪ್ಲೇ ಪ್ಲಾನ್ ಅನ್ನು ಪ್ರಕಟಿಸಿತ್ತು.

699 ರೂ. ಪ್ಲ್ಯಾನ್​ನಲ್ಲಿ 100 ಎಂಬಿಪಿಎಸ್​ ವೇಗ ಸಿಗಲಿದ್ದು, 8,499 ರೂ. ಪ್ಯಾಕ್​ನಲ್ಲಿ 1ಜಿಬಿಪಿಎಸ್​ ವರೆಗೆ ವೇಗ ಸಿಗಲಿದೆ. ಎಲ್ಲ ಯೋಜನೆಗಳಿಗೂ ಅನಿಯಮಿತ ಡಾಟಾ ಸೇವೆ ಲಭ್ಯವಿದೆ. ಆದರೆ, ಸೂಚಿಸಿದ್ದಕ್ಕಿಂತ ಹೆಚ್ಚಿನ ಡಾಟಾ ಬಳಸಿದರೆ ಇಂಟರನೆಟ್​ ವೇಗ ಕಡಿಮೆ ಆಗಲಿದೆ. ಡಾಟಾ ಜೊತೆಗೆ ಉಚಿತ ಅನಿಯಮಿತ ಕರೆ, ಟಿವಿ ವಿಡಿಯೋ ಕಾಲಿಂಗ್​ (ಪ್ರತಿ ವರ್ಷಕ್ಕೆ 1,200 ರೂ.) ಸೇವೆಯೂ ಸಿಗಲಿದೆ.

ವೆಲ್‌ಕಮ್​ ಆಫರ್ ಅಲ್ಲದೆ ಇನ್ನೂ ಅನೇಕ ಪ್ಲ್ಯಾನ್​ಗಳು ಇಲ್ಲಿ ಲಭ್ಯವಿದೆ. ಗ್ರಾಹಕರಿಗಾಗಿ 4,500 ರೂ. ಅಥವಾ 2,500 ರೂ. ಎರಡು ಪ್ಯಾಕೇಜ್ನಲ್ಲಿ ಸೇವೆ ದೊರೆಯುತ್ತದೆ.

ಜಿಯೋ ತನ್ನ ನೂತನ ಸೇವೆಯನ್ನು ಲಾಂಚಿಂಗ್ ಆಫರ್​ನೊಂದಿಗೆ ಪ್ರಾರಂಭಿಸಲಿದ್ದು, ಇಲ್ಲಿ ಗ್ರಾಹಕರಿಗೆ ಆರಂಭದಲ್ಲೇ ಹಲವು ಕೊಡುಗೆಗಳು ಸಿಗಲಿದೆ. ವೆಲ್​ಕಮ್ ಆಫರ್​ ಅಡಿಯಲ್ಲಿ ಗ್ರಾಹಕರಿಗೆ HD ಅಥವಾ 4K LED TV ಅಥವಾ 4K ಸೆಟ್-ಟಾಪ್ ಬಾಕ್ಸ್ ಉಚಿತವಾಗಿ ದೊರೆಯಲಿದೆ. ಹಾಗೆಯೇ ಲ್ಯಾಂಡ್‌ಲೈನ್ ಸಂಪರ್ಕವೂ ಉಚಿತವಾಗಿರುತ್ತದೆ. ಈ ಖರೀದಿಗೆ ಯಾವುದೇ ಇನ್​ಸ್ಟಾಲೇಶನ್ ಶುಲ್ಕವನ್ನು ಪಾವತಿಸಬೇಕಾಗಿಲ್ಲ ಎಂಬುದು ವಿಶೇಷ.

ಜಿಯೋ ಗಿಗಾ ಫೈಬರ್‌ ಸೇವೆ ಅಧಿಕೃತವಾಗಿ ಸೆಪ್ಟೆಂಬರ್ 5 ರಿಂದ ಪ್ರಾರಂಭವಾಗಲಿದ್ದು, ಅದಕ್ಕಾಗಿ ನೋಂದಣಿ ಪ್ರಕ್ರಿಯೆ ಆರಂಭವಾಗಿದೆ. ನೀವು ಈ ಸೇವೆಯನ್ನು ಪಡೆಯಲು gigafiber.jio.com ನಲ್ಲಿ ಮೂರು ಸರಳ ಹಂತಗಳ ನೋಂದಣಿ ಮಾಡಿಕೊಳ್ಳಬಹುದು.

ಮೊದಲ ಪುಟದಲ್ಲಿ, ನಿಮಗೆ ಜಿಯೋ ಫೈಬರ್ ಸಂಪರ್ಕ ಅಗತ್ಯವಿರುವ ಸ್ಥಳದಲ್ಲಿ ನಿಮ್ಮ ವಿಳಾಸವನ್ನು ನಮೂದಿಸಬೇಕಾಗುತ್ತದೆ. ಇದರ ನಂತರ, ನಿಮ್ಮ ಹೆಸರು, ಮೊಬೈಲ್ ಸಂಖ್ಯೆ ಮತ್ತು ಇಮೇಲ್ ಐಡಿಯನ್ನು ನೀಡಬೇಕು. ಬಳಿಕ ನಿಮ್ಮ ಮೊಬೈಲ್ ನಂಬರ್​ಗೆ ಒಟಿಪಿ ಕಳುಹಿಸಲಾಗುತ್ತದೆ. ಅದನ್ನು ಒಟಿಪಿ ನೋಂದಣಿ ಮಾಡಿದ ನಂತರ ಅಪ್ಲಿಕೇಶನ್ ಭರ್ತಿ ಪೂರ್ಣಗೊಳ್ಳಲಿದೆ.

ಇದಾದ ಬಳಿಕ ನೀವು ನೀಡಿದ ಮೊಬೈಲ್​ ಸಂಖ್ಯೆಗೆ ಜಿಯೋ ಪ್ರತಿನಿಧಿಯಿಂದ ಕರೆ ಬರುತ್ತದೆ. ಈ ಸೇವೆಯನ್ನು ಪಡೆಯಲು ನೀವು ಆಧಾರ್ ಕಾರ್ಡ್, ಮತದಾರರ ಗುರುತಿನ ಚೀಟಿ, ಪ್ಯಾನ್ ಕಾರ್ಡ್, ಪಾಸ್‌ಪೋರ್ಟ್ ಅಥವಾ ಚಾಲನಾ ಪರವಾನಗಿಯ ಯಾವುದಾದರೊಂದು ಪುರಾವೆ ನೀಡಬೇಕಾಗುತ್ತದೆ.

ಟೆಲಿವಿಷನ್​ ಕ್ಷೇತ್ರದಲ್ಲೂ ರಿಲಾಯನ್ಸ್​ ಜಿಯೋ ದಾಪುಗಾಲಿಡುತ್ತಿದೆ. ಅದಕ್ಕಾಗಿ 72 ಟಿವಿ ಚಾನೆಲ್​ಗಳು ಕಾರ್ಯನಿರ್ವಹಿಸುತ್ತಿದೆ. ಈಗಾಗಲೇ ಟೆಲಿವಿಷನ್​ ಕ್ಷೇತ್ರದಲ್ಲಿ ಸುಮಾರು 800 ಮಿಲಿಯನ್​ ಜನರನ್ನು ರೀಚ್​ ಆಗಿದ್ದು, ಶೇ.95ರಷ್ಟು ಜನರು ವೀಕ್ಷಕರಿದ್ದಾರೆ ಎಂದು ಹೇಳಿದ್ದರು.

ಜಿಯೋ ಫೈಬರ್​ ಪ್ಲಾನ್​ ಚಾಟ್​

ರಿಲಾಯನ್ಸ್​ ಸಂಸ್ಥೆಯ ಒಡೆತನದ ನ್ಯೂಸ್​ 18 ಚಾನೆಲ್​ಗಳು ದೇಶದಾದ್ಯಂತ ಕಾರ್ಯ ನಿರ್ವಹಿಸುತ್ತಿದೆ. ಅಂತೆಯೇ, ಶೇ.95ರಷ್ಟು ಜನರು ವೀಕ್ಷಕರಿದ್ದಾರೆ ಎಂದು ತಿಳಿಸಿದ್ದರು.