ಜಿಯೋ ಕರೆ ದರ ನಡುವೆಯು ಗಂಟೆಗಟ್ಟಲೇ ಮಾತನಾಡಲು ಇಲ್ಲಿದೆ ಹೊಸ ರಿಚಾರ್ಜ್​ ಪ್ಲ್ಯಾನ್

ಭಾರತೀಯ ಟೆಲಿಕಾಂ ದಿಗ್ಗಜ ರಿಲಯನ್ಸ್ ಜಿಯೋ ಕಂಪೆನಿ ಸಂಪೂರ್ಣ ಉಚಿತ ಕರೆ ಸೌಲಭ್ಯವನ್ನು ಕೊನೆಗೊಳಿಸಿದೆ. ಇಂದಿನಿಂದ ಜಿಯೋ ಬಳಕೆದಾರರು ಇತರೆ ನೆಟ್​ವರ್ಕ್​ಗಳಿಗೆ ಕರೆ ಮಾಡಿದರೆ ಪ್ರತಿ ನಿಮಿಷಕ್ಕೆ 6 ಪೈಸೆ ದರ ವಿಧಿಸಲಾಗುತ್ತದೆ.

ಟ್ರಾಯ್ ನಿಯಮದಂತೆ ಜಿಯೋ ಸಂಸ್ಥೆ ಇಂಟರ್​ ಕನೆಕ್ಟ್ ಯೂಸೇಜ್ ಚಾರ್ಜ್ (IUC) ಜಾರಿಗೊಳಿಸಿದೆ. ಅಂದರೆ, ಜಿಯೋ ನೆಟ್​ವರ್ಕ್​ನಿಂದ ಏರ್​ಟೆಲ್​ನಂತಹ ಬೇರೆ ನೆಟ್​ವರ್ಕ್​ ಗ್ರಾಹಕರಿಗೆ ಕರೆ ಮಾಡಿದಾಗ, ಆ ನೆಟ್​ವರ್ಕ್​ಗೆ ಜಿಯೋ ಸಂಸ್ಥೆ ಇಂತಿಷ್ಟು ದರ ಪಾವತಿಸಬೇಕಾಗುತ್ತದೆ. ಇದರ ಹೊರತಾಗಿ ಕರೆ ಸ್ವೀಕಾರಕ್ಕೆ, ಮಿಸ್ಡ್ ಕಾಲ್​ಗೆ ಐಯುಸಿ ದರ ವಿಧಿಸುತ್ತಿಲ್ಲ.

ಕೆಲ ದಿನಗಳ ಹಿಂದೆಯಷ್ಟೇ ಜಿಯೋ ತನ್ನ ರಿಂಗಿಂಗ್ ಅವಧಿಯನ್ನು ಕಡಿಮೆ ಮಾಡಿತ್ತು. 35-40 ಸೆಕೆಂಡುಗಳಿಂದ 25 ಸೆಕೆಂಡ್‌ಗಳಿಗೆ ರಿಂಗ್ ಸಮಯ ಇಳಿಸಿತ್ತು. ಇದಕ್ಕೆ ಮುಖ್ಯ ಕಾರಣ ಗ್ರಾಹಕರಿಗೆ ಅನುಕೂಲವಾಗುವಂತೆ ಇತರ ನೆಟ್‌ವರ್ಕ್‌ಗಳಿಂದ ಜಿಯೋಗೆ ಕರೆ ಬರುವಂತೆ ಮಾಡುವುದಾಗಿದೆ. ಏಕೆಂದರೆ...

ಕಡಿಮೆ ಅವಧಿಯ ರಿಂಗ್​ನಿಂದ ಕರೆಗಳು ಸ್ವೀಕರಿಸಲು ಸಾಧ್ಯವಾಗುವುದಿಲ್ಲ. ಇದರಿಂದ ಮಿಸ್ಡ್ ಕಾಲ್ ನೋಡಿದ ಬಳಕೆದಾರರು ಜಿಯೋ ಕರೆ ಮಾಡುತ್ತಾರೆ. ಈ ರೀತಿ ಹೆಚ್ಚು ಕರೆಗಳು ಬಂದರೆ ತನ್ನ ಗ್ರಾಹಕರ ಮೇಲೆ ಐಯುಸಿ ದರ ಹೊರೆಯಾಗುವುದಿಲ್ಲ ಎಂಬುದು ಜಿಯೋ ಪ್ಲ್ಯಾನ್.

ಇನ್ನು ಐಯುಸಿ ರಿಚಾರ್ಜ್ ಪ್ಲಾನ್ ಪ್ಯಾಕ್​​ಗಳನ್ನು ಜಿಯೋ ಘೋಷಿಸಿದ್ದು, ಈ ಮೂಲಕ ಗ್ರಾಹಕರಿಗೆ ಹೆಚ್ಚಿನ ಆಫರ್​ಗಳನ್ನು ಪ್ರಸ್ತುತಪಡಿಸಿದೆ. ಈ ಪ್ಯಾಕ್​ಗಳು ಟ್ರಾಯ್ ಐಯುಸಿ ನಿಯಮ ಕೊನೆಗೊಳಿಸುವವರೆಗೆ ಜಾರಿಯಲ್ಲಿರಲಿದೆ. ಐಯುಸಿ ಪ್ಯಾಕ್​ಗಳಾವುವು?

ಜಿಯೋ ಕಂಪನಿಯು 10, 20 ರೂ, 50 ಮತ್ತು 100 ರೂಗಳ 4 ಐಯುಸಿ ಪ್ಯಾಕ್‌ಗಳನ್ನು ಚಂದಾದಾರರಿಗೆ ನೀಡುತ್ತಿದೆ. ಇದು 10 ರೂ. ಪ್ಯಾಕ್‌ನಲ್ಲಿ 124 ನಿಮಿಷಗಳ ಕಾಲ ಕರೆ ಮಾಡಬಹುದು. ಇನ್ನು..

20 ರೂ. ರಿಚಾರ್ಜ್​ ಪ್ಯಾಕ್​ನಲ್ಲಿ 249 ನಿಮಿಷಗಳು, 50 ರೂ. ಪ್ಲ್ಯಾನ್​​ನಲ್ಲಿ 656 ನಿಮಿಷಗಳು ಮತ್ತು 100 ರೂ. ರಿಚಾರ್ಜ್​ ಪ್ಲ್ಯಾನ್​​ನಲ್ಲಿ 1362 ನಿಮಿಷಗಳ ಕಾಲ ಮಾತನಾಡಬಹುದು ಎಂದು ತಿಳಿಸಲಾಗಿದೆ. ಇದಲ್ಲದೆ ಉಚಿತ ಡೇಟಾ ಪ್ಯಾಕ್ ಕೂಡ ಗ್ರಾಹಕರಿಗೆ ಸಿಗಲಿದೆ.

ಐಯುಸಿ ಪ್ಯಾಕ್‌ಗಳಲ್ಲಿ ನಾಲ್ಕು ಡೇಟಾ ಪ್ಲ್ಯಾನ್​ಗಳನ್ನು ಉಚಿತವಾಗಿ ಪರಿಚಯಿಸಿದೆ. ನೀವು 10 ರೂಪಾಯಿಗಳ ಐಯುಸಿ ಪ್ಯಾಕ್ ತೆಗೆದುಕೊಂಡರೆ ನಿಮಗೆ 1 ಜಿಬಿ ಡೇಟಾ ಸಿಗಲಿದೆ.

ಇನ್ನು 20 ರೂ. ಟಾಪ್​ ಅಪ್ ಮೇಲೆ 2 ಜಿಬಿ., 50 ಟಾಪ್ ಅಪ್ ಜೊತೆಗೆ 5 ಜಿಬಿ ಮತ್ತು ಮತ್ತು 100 ರೂ. 10 ಜಿಬಿ ಉಚಿತ ಡೇಟಾವನ್ನು ರಿಲಯನ್ಸ್ ಜಿಯೋ ಗ್ರಾಹಕರಿಗೆ ನೀಡಲಿದೆ. ಬೇರೇನು ಉಚಿತ?

ಐಯುಸಿ ಚಾರ್ಜ್​ ಹೊರತಾಗಿಯು ಜಿಯೋ-ಟು-ಜಿಯೋ ಕರೆ, ಜಿಯೋ ಟು ಲ್ಯಾಂಡ್‌ಲೈನ್ ಕರೆ ಮತ್ತು ಒಳಬರುವ ಕರೆಗಳನ್ನು ಉಚಿತವಾಗಿದೆ. ಇದಲ್ಲದೆ, ವಾಟ್ಸ್ಆ್ಯಪ್ ಮತ್ತು ಫೇಸ್‌ಟೈಮ್ ಮಾಡಿದ ಕರೆಗಳು ಸಹ ಉಚಿತವಾಗಿರಲಿದೆ.

ಏನಿದು ಐಯುಸಿ?: ಐಯುಸಿ ಎಂದರೆ ಇಂಟರ್​ ಕನೆಕ್ಟ್ ಯೂಸೇಜ್ ಚಾರ್ಜ್. ಬೇರೆ ನೆಟ್ವರ್ಕ್​ಗೆ ಮಾಡುವ ಕರೆಗೆ ವಿಧಿಸಲಾಗುವ ದರ ಇದಾಗಿದೆ. ಅಂದರೆ, ಜಿಯೋ ನೆಟ್ವರ್ಕ್​ನಿಂದ ಏರ್​ಟೆಲ್​ನಂತಹ ಬೇರೆ ನೆಟ್ವರ್ಕ್​ಗೆ ಗ್ರಾಹಕರು ಕರೆ ಮಾಡಿದಾಗ, ಆ ನೆಟ್ವರ್ಕ್​ಗೆ ಜಿಯೋ ಸಂಸ್ಥೆ ಇಂತಿಷ್ಟು ದರ ಪಾವತಿಸಬೇಕಾಗುತ್ತದೆ. ಈ ದರವೇ ಐಯುಸಿ ಆಗಿದೆ. ಟ್ರಾಯ್ ಸಂಸ್ಥೆಯೇ ಈ ಐಯುಸಿ ದರವನ್ನು ನಿಗದಿ ಮಾಡಿದೆ. 2017ಕ್ಕಿಂತ ಮುಂಚೆ 14 ಪೈಸೆ ಇದ್ದ ಐಯುಸಿ ದರವನ್ನು ಜಿಯೋ 6 ಪೈಸೆಗೆ ಇಳಿಕೆ ಮಾಡಿದೆ.

ಏರ್​ಟೆಲ್, ವೊಡಾಫೋನ್ ಸಂಸ್ಥೆಗಳು ಐಯುಸಿ ದರವನ್ನು ತನ್ನ ಗ್ರಾಹಕರಿಂದಲೇ ಭರಿಸುತ್ತದೆ. ಜಿಯೋ ಸಂಸ್ಥೆ ಇದೂವರೆಗೂ ಈ ದರವನ್ನು ತಾನೇ ಭರಿಸುತ್ತಿತ್ತು. ಕಳೆದ ಮೂರು ವರ್ಷದಲ್ಲಿ ಜಿಯೋ ಸಂಸ್ಥೆ ಬರೋಬ್ಬರಿ 13.5 ಸಾವಿರ ಕೋಟಿ ರೂ ಐಯುಸಿ ಮೊತ್ತವನ್ನು ಇತರ ಟೆಲಿಕಾಂ ಆಪರೇಟರುಗಳಿಗೆ ಪಾವತಿ ಮಾಡಿದೆ. ಈ ಹಿನ್ನೆಲೆಯಲ್ಲಿ ಇನ್ಮುಂದಿನ ವೆಚ್ಚವನ್ನು ತನ್ನ ಗ್ರಾಹಕರ ಮೇಲೆ ಹಾಕುವುದು ಅನಿವಾರ್ಯ ಎಂಬುದು ಜಿಯೋ ಹೇಳಿಕೆ.