Redmi Buds 3 Lite: 18 ಗಂಟೆಗಳ ಬ್ಯಾಟರಿ ಬ್ಯಾಕಪ್! ಜುಲೈ 20 ರಂದು ಬಿಡುಗಡೆಯಾಗಲಿದೆ ರೆಡ್​ಮಿ ಕಂಪನಿಯ ಹೊಸ ಬಡ್ಸ್​

ಪ್ರಮುಖ ಸ್ಮಾರ್ಟ್​ಫೋನ್ ಕಂಪನಿ Xiaomi ತನ್ನ ಹೊಸ ಸಾಧನ Redmi Buds 3 Lite ಅನ್ನು ಜುಲೈ 20 ರಂದು ಭಾರತದಲ್ಲಿ ಬಿಡುಗಡೆ ಮಾಡಲು ಸಿದ್ಧವಾಗಿದೆ. ಈ ಇಯರ್​​ಬಡ್​ಗಳು ಕಳೆದ ವರ್ಷ ಚೀನಾದಲ್ಲಿ ಬಿಡುಗಡೆಯಾದ Redmi Buds 3 ಯೂತ್ ಮಾದರಿಯ ಮರು-ಬ್ರಾಂಡ್ ಆವೃತ್ತಿಯಾಗಿದೆ.

ಸ್ಯಾಮ್​ಸಂಗ್ ಗ್ಯಾಲಕ್ಸಿ ಬಡ್ಸ್ ಪ್ಲಸ್​ನಲ್ಲಿ ಕಾಣಿಸಿಕೊಂಡಿರುವಂತೆಯೇ ಇದು ಇನ್-ಇಯರ್ ವಿನ್ಯಾಸವನ್ನು ಸಹ ಹೊಂದಿದೆ. ಇದು ಆಪಲ್​ನ  ಏರ್​ಪಾಡ್ಸ್ ಪ್ರೊನಂತೆಯೇ ಚಾರ್ಜಿಂಗ್ ಕೇಸ್​ನೊಂದಿಗೆ ಬರುತ್ತದೆ. ಇದು ಸ್ಪಷ್ಟವಾದ ಆಡಿಯೊ ಔಟ್​ಫುಟ್​ಗಾಗಿ 6mm ಡ್ರೈವರ್​​ಗಳನ್ನು ಹೊಂದುವ ಆಯ್ಕೆಯನ್ನು ಹೊಂದಿದೆ.

ಇದು ಬ್ಲೂಟೂತ್ ಸಂಪರ್ಕವನ್ನು ಸಹ ಹೊಂದಿದೆ. Redmi Buds Lite 3 ಬ್ಲೂಟೂತ್ 5.2 ಅನ್ನು ಹೊಂದಿದೆ. 10 ಮೀಟರ್ ವ್ಯಾಪ್ತಿಯನ್ನು ಹೊಂದಿದೆ. ಇದಲ್ಲದೇ, ನಾಯ್ಸ್ ಕ್ಯಾನ್ಸಲೇಷನ್, ಟಚ್ ಕಂಟ್ರೋಲ್, ಡಸ್ಟ್ ರೆಸಿಸ್ಟೆನ್ಸ್, 18 ಗಂಟೆಗಳ ಬ್ಯಾಟರಿ ಬ್ಯಾಕಪ್ ಮುಂತಾದ ವೈಶಿಷ್ಟ್ಯಗಳನ್ನು ಹೊಂದಿದೆ.

ಇದು USB C ವೇಗದ ಚಾರ್ಜಿಂಗ್ ಅನ್ನು ಬೆಂಬಲಿಸುತ್ತದೆ. Redmi Buds 3 ಯೂತ್ ಆವೃತ್ತಿಯನ್ನು ಚೀನಾದಲ್ಲಿ 1,196 ರೂ.ಗೆ ಮಾರಾಟ ಮಾಡಲಾಗಿದೆ. ಹಾಗಾಗಿ ಭಾರತದಲ್ಲಿ ಬಿಡುಗಡೆಯಾಗಲಿರುವ Redmi Buds 3 Lite ಬೆಲೆ ಕೂಡ ಅದೇ ರೀತಿ ನಿಗದಿಯಾಗುವ ಸಾಧ್ಯತೆ ಇದೆ ಎನ್ನುತ್ತಾರೆ ಟೆಕ್ ತಜ್ಞರು.

ಇದಲ್ಲದೇ., Xiaomi Redmi K50i ಸ್ಮಾರ್ಟ್ಫೋನ್ ಮುಂದಿನ ವಾರ ಭಾರತದಲ್ಲಿ ಬಿಡುಗಡೆಯಾಗಲಿದೆ. ಈ ಮೊಬೈಲ್ 5G ತಂತ್ರಜ್ಞಾನದೊಂದಿಗೆ ಬರಲಿದೆ. ರಿಲಯನ್ಸ್ ಜಿಯೋ ಸಹಭಾಗಿತ್ವದಲ್ಲಿ ಕಂಪನಿಯು ಈಗಾಗಲೇ 5G ಪರೀಕ್ಷೆಗಳನ್ನು ಪೂರ್ಣಗೊಳಿಸಿದೆ. ಪರೀಕ್ಷೆಯು ಸಕಾರಾತ್ಮಕ ಫಲಿತಾಂಶಗಳನ್ನು ನೀಡಿದೆ ಎಂದು ಕಂಪನಿ ತಿಳಿಸಿದೆ.

ಆದರೆ ಈ ಫೋನ್ ಕೂಡ ಜುಲೈ 20 ರಂದು ಬಿಡುಗಡೆಯಾಗಲಿದೆ ಎಂಬ ಮಾತು ಕೇಳಿಬರುತ್ತಿದೆ. Redmi K50i 5G 144Hz ಡಿಸ್ಪ್ಲೇಯನ್ನು ಹೊಂದುವ ನಿರೀಕ್ಷೆಯಿದೆ ಮತ್ತು ಮೀಡಿಯಾ ಟೆಕ್ ಡೈಮೆನ್ಷನ್ ಚಿಪ್​ಸೆಟ್​​ನಿಂದ ಚಾಲಿತವಾಗಿದೆ. ಹಲವಾರು ವರ್ಷಗಳ ನಂತರ ದೇಶದಲ್ಲಿ ಬಿಡುಗಡೆಯಾದ Redmi K ಸರಣಿಯ ಮೊದಲ ಸ್ಮಾರ್ಟ್ಫೋನ್ ಇದಾಗಿದೆ. Redmi K50i 5G ದೇಶದಲ್ಲಿ ಪ್ರೀಮಿಯಂ ಮಧ್ಯಮ ಶ್ರೇಣಿಯ ಸ್ಮಾರ್ಟ್​ಫೋನ್​ಗಳೊಂದಿಗೆ ಸ್ಪರ್ಧಿಸುವ ನಿರೀಕ್ಷೆಯಿದೆ.