Realme Smartphone: ಮಾರುಕಟ್ಟೆಗೆ ಲಗ್ಗೆಯಿಡಲಿದೆ ರಿಯಲ್​ಮಿಯಿಂದ ಕೇವಲ 9 ನಿಮಿಷಗಳಲ್ಲಿ ಫುಲ್ ಚಾರ್ಜ್​ ಆಗುವ ಸ್ಮಾರ್ಟ್​ಫೋನ್!

ಹೊಸ ಸ್ಮಾರ್ಟ್​ಫೋನ್ ಖರೀದಿ ಮಾಡುವ ಯೋಚನೆಯಲ್ಲಿರುವವರಿಗೆ ರಿಯಲ್​ಮಿ ಕಂಪನಿ ಗುಡ್​ ನ್ಯೂಸ್ ನೀಡುತ್ತಿದೆ. ಇದೀಗ ರಿಯಲ್​ಮಿ ಕಂಪನಿಯಿಂದ ಹೊಸ ಸ್ಮಾರ್ಟ್​ಫೋನ್​ ಬಿಡುಗಡೆಯಾಗುವ ಸುದ್ದಿಯಾಗಿದೆ. ರಿಯಲ್​ಮಿ ಕಂಪನಿಯಿಂದ ರಿಯಲ್​ಮಿ ಜಿಟಿ ನಿಯೋ 5 ಎಂಬ ಮುಂಬರುವ ಸ್ಮಾರ್ಟ್​ಫೋನ್ ಆಗಿದೆ.

ರಿಯಲ್​ಮಿನ ಮುಂಬರುವ ಸ್ಮಾರ್ಟ್‌ಫೋನ್ ರಿಯಲ್​​ಮಿ ಜಿಟಿ ನಿಯೋ 5 ಆಗಿದೆ. ಈ ಫೋನ್‌ನ ಫಿಚರ್ಸ್​ಗಳ ಬಗಬೆ ಕೆಲವು ಮಾಹಿತಿಗಳು ಬಿಡುಗಡೆಯಾಗುವ ಮೊದಲೇ ಲೀಕ್ ಆಗಿದೆ. ಇದು ಅದ್ಭುತ ಬ್ಯಾಟರಿ ವೇಗವನ್ನು ಹೊಂದಿರುತ್ತದೆ ಎಂದು ವರದಿಗಳು ಹೇಳುತ್ತವೆ. ಕಂಪನಿಯು ಸೆಪ್ಟೆಂಬರ್ 8 ರಂದು ರಿಯಲ್​ಮಿ 10 ಪ್ರೋ ಪ್ಲಸ್ ಸ್ಮಾರ್ಟ್​​ಫೋನ್ ಅನ್ನು ಬಿಡುಗಡೆ ಮಾಡಲಿದೆ. ಅಲ್ಲದೆ, ನಿಯೋ ಸರಣಿಯಲ್ಲಿ ಮತ್ತೊಂದು ಹೊಸ ಫೋನ್ ಅನಾವರಣಗೊಳ್ಳಲಿದೆ ಎಮದು ಕಂಪನಿ ತಿಳಿಸಿದೆ.

ರಿಯಲ್​ಮಿ ಜಿಟಿ ನಿಯೋ 3 ಸ್ಮಾರ್ಟ್‌ಫೋನ್ ಅನ್ನು ಈ ವರ್ಷದ ಮಾರ್ಚ್‌ನಲ್ಲಿ ಬಿಡುಗಡೆ ಮಾಡಲಾಯಿತು. ಇದೀಗ ಈ ಸರಣಿಯಲ್ಲಿ ರಿಯಲ್​ಮಿ ಜಿಟಿ ನಿಯೋ 5 ಫೋನ್ ಅನ್ನು ಬಿಡುಗಡೆ ಮಾಡಲು ಮುಂದಾಗಿದೆ. ಈ ಹಿಂದೆ ನಿಯೋ ಸೀರಿಸ್​ನ ಅಡಿಯಲ್ಲಿ ಬಿಡುಗಡೆಯಾದ ಎರಡೂ ಫೋನ್‌ಗಳು 150 ವ್ಯಾಟ್ ಚಾರ್ಜಿಂಗ್ ವೇಗವನ್ನು ಹೊಂದಿವೆ.

5 ನಿಮಿಷಗಳಲ್ಲಿ 50 ಶೇಕಡಾ ಬ್ಯಾಟರಿ ಚಾರ್ಜ್ ಆಗುತ್ತದೆ ಮತ್ತು 15 ನಿಮಿಷಗಳಲ್ಲಿ 100 ಶೇಕಡಾದಷ್ಟು ಬ್ಯಾಟರಿ ತುಂಬುತ್ತದೆ ಎಂದು ಕಂಪನಿ ಹೇಳಿಕೊಂಡಿದೆ. ಮುಂಬರುವ ನಿಯೋ 5 ಸ್ಮಾರ್ಟ್​​ಫೋನ್ ಇದಕ್ಕಿಂತ ಹೆಚ್ಚಿನ ಫೀಚರ್ಸ್​ಗಳನ್ನು ಹೊಂದಿರಲಿವೆ ಎಂದು ಕಂಪನಿ ವರದಿಯಲ್ಲಿ ತಿಳಿಸಿದೆ.

ಫೋನ್ಅರೆನಾದ ವರದಿಯ ಪ್ರಕಾರ, ರಿಯಲ್​ಮಿ ಜಿಟಿ ನಿಯೋ 5 ಸ್ಮಾರ್ಟ್‌ಫೋನ್ 2023 ರ ಮೊದಲ ತ್ರೈಮಾಸಿಕದಲ್ಲಿ ಮಾರುಕಟ್ಟೆಗೆಯಲ್ಲಿ ಲಭ್ಯವಾಗುವ ಸಾಧ್ಯತೆಯಿದೆ. ಈ ಸರಣಿಯಲ್ಲಿ ಬರುವ ಸ್ಮಾರ್ಟ್‌ಫೋನ್‌ಗಳು ಸೋನಿ IMX890 ಸೆನ್ಸಾರ್​ ಮತ್ತು OIS ಬೆಂಬಲದಂತಹ ಫೀಚರ್ಸ್​ಗಳನ್ನು ಹೊಂದಿರಲಿವೆ.

ಅಲ್ಲದೆ, ಎರಡು ಮಾಡೆಲ್‌ಗಳು ಈ ಸೀರಿಸ್​ನ ಅಡಿಯಲ್ಲಿ ಬಿಡುಗಡೆಗೆ ರೆಡಿಯಾಗಿದೆ. ಈ ಸ್ಮಾರ್ಟ್​ಫೋನ್​ನಲ್ಲಿ ಒಂದು 5000 mAh ಬ್ಯಾಟರಿಯನ್ನು ಹೊಂದಿರಬಹುದು ಮತ್ತು ಇನ್ನೊಂದು 4600 mAh ಬ್ಯಾಟರಿಯನ್ನು ಹೊಂದಿರಬಹುದು. ಇವೆರಡೂ ಬೇರೆ ಬೇರೆ ಚಾರ್ಜಿಂಗ್ ವೇಗವನ್ನು ಹೊಂದಿದೆ.

5000 mAh ಬ್ಯಾಟರಿ ಫೋನ್ 150 ವ್ಯಾಟ್ ಚಾರ್ಜಿಂಗ್ ವೇಗವನ್ನು ಹೊಂದಿರುವ ಸಾಧ್ಯತೆಯಿದೆ. ಅಲ್ಲದೆ 4600 mAh ಬ್ಯಾಟರಿ ಫೋನ್ 240 ವ್ಯಾಟ್ ಚಾರ್ಜಿಂಗ್ ವೇಗವನ್ನು ಹೊಂದಿರಬಹುದು. ಅಂದರೆ 240 ವ್ಯಾಟ್ ಚಾರ್ಜಿಂಗ್ ಬೆಂಬಲದೊಂದಿಗೆ ಬರುವ ಮೊದಲ ಸ್ಮಾರ್ಟ್​ಫೋನ್ ಇದಾಗಿದೆ.

ಈ 240 ವ್ಯಾಟ್​​ನಷ್ಟು ವೇಗದ ಚಾರ್ಜಿಂಗ್ ಬೆಂಬಲವನ್ನು ಹೊಂದಿರುವ ಸ್ಮಾರ್ಟ್​ಫೋನ್​ಗಳು ಕೇವಲ 9 ನಿಮಿಷಗಳಲ್ಲಿ ಚಾರ್ಜ್​ ಆಗುತ್ತದೆ.