Realme 10 4G: ಜನವರಿ 9ಕ್ಕೆ ಲಗ್ಗೆಯಿಡಲಿದೆ ರಿಯಲ್​ಮಿ ಕಂಪನಿಯ ಹೊಸ ಸ್ಮಾರ್ಟ್​ಫೋನ್​! 15 ಸಾವಿರಕ್ಕಿಂತಲೂ ಕಡಿಮೆ ಬೆಲೆ

ರಿಯಲ್​ಮಿ ಭಾರತದಲ್ಲಿ ಶೀಘ್ರದಲ್ಲೇ ರಿಯಲ್​​ಮಿ 10 4ಜಿ ಅನ್ನು ಪ್ರಾರಂಭಿಸಲಿದೆ. ಈ ಫೋನ್ ಮುಂದಿನ ವಾರ ಭಾರತದಲ್ಲಿ ಜನವರಿ 9ರಂದು ಮಧ್ಯಾಹ್ನ 12:30 ಕ್ಕೆ ಬಿಡುಗಡೆಯಾಗಲಿದೆ.

ಸದ್ಯ ಈ ಫೋನಿನ ಬೆಲೆಯ ಬಗ್ಗೆ ಯಾವುದೇ ಮಾಹಿತಿಯನ್ನು ಬಿಡುಗಡೆ ಮಾಡಿಲ್ಲ. ಆದರೆ, ಈ ಫೋನ್  15,000 ರೂಪಾಯಿಗಿಂತಲೂ ಕಡಿಮೆ ಬೆಲೆಯಲ್ಲಿ ಮಾರಾಟ ಮಾಡುವುದಾಗಿ ನಿರ್ಧರಿಸಿದೆ.

ರಿಯಲ್​ಮಿ 10 4ಜಿ ಸ್ಮಾರ್ಟ್​ಫೋನ್ ಅನ್ನು ಇಂಡೋನೇಷ್ಯಾದಲ್ಲಿ IDR 2,799,000 ಅಂದರೆ ಭಾರತದಲ್ಲಿ ಸುಮಾರು ರೂ 14,850ಕ್ಕೆ ಪ್ರಾರಂಭಿಸಲಾಗಿದೆ ಎಂದು ತಿಳಿದುಬಂದಿದೆ. ಆದ್ದರಿಂದ ಇದೇ ಬೆಲೆಯಲ್ಲಿ ಭಾರತದಲ್ಲೂ ಬಿಡುಗಡೆಯಾಗಬಹುದೆಂದು ನಂಬಿಕೆಯಿದೆ.

ಇನ್ನು ಈ ಸ್ಮಾರ್ಟ್​​ಫೋನ್ ಅನ್ನು ಇಂಡೋನೇಷ್ಯಾದಲ್ಲಿ ಕ್ಲಾಷ್ ವೈಟ್ ಮತ್ತು ರಶ್ ಬ್ಲ್ಯಾಕ್ ಬಣ್ಣದ ಆಯ್ಕೆಗಳಲ್ಲಿ ಪರಿಚಯಿಸಲಾಯಿತು. ಆದ್ದರಿಂದ ಭಾರತದಲ್ಲಿಯೂ ಅದೇ ಬಣ್ಣದ ಆಯ್ಕೆಯೊಂದಿಗೆ ಬರಬಹುದು ಎಂದು ನಿರೀಕ್ಷಿಸಲಾಗಿದೆ.

ಕಂಪನಿಯು ತನ್ನ ವೆಬ್‌ಸೈಟ್‌ನಲ್ಲಿ ಅದರ ಕೆಲವು ವೈಶಿಷ್ಟ್ಯಗಳ ಬಗ್ಗೆ ಮಾಹಿತಿಯನ್ನು ಬಹಿರಂಗಪಡಿಸಿದೆ ಮತ್ತು ಈ ಫೋನ್ 6nm ಮೀಡಿಯಾ ಟೆಕ್ ಹಿಲಿಯೊ ಜಿ99 ಪ್ರೊಸೆಸರ್‌ನೊಂದಿಗೆ ಬರುತ್ತದೆ . ಮತ್ತುಈ ಮೂಲಕ ಸ್ಮಾರ್ಟ್​​ಫೋನ್ ಉತ್ತಮ ಕಾರ್ಯಕ್ಷಮತೆಯನ್ನು ಹೊಂದಿರುತ್ತದೆ.

ಇದಲ್ಲದೆ, ರಿಯಲ್​ಮಿ 10 4ಜಿ ಸ್ಮಾರ್ಟ್​ಫೋನ್ 90Hz ರಿಫ್ರೆಶ್ ದರದೊಂದಿಗೆ ಸೂಪರ್ ಅಮೋಲ್ಡ್​ ಡಿಸ್ಪ್ಲೇಯನ್ನು ಹೊಂದಿರಲಿದೆ ಎಂದು ಕಂಪನಿ ತಿಳಿಸಿದೆ. ಈ ಡಿಸ್​​ಪ್ಲೇ 6.4ಇಂಚಿನದ್ದಾಗಿದೆ.

ಇಂಡೋನೇಷ್ಯಾದ ಉಳಿದ ಭಾಗಗಳಲ್ಲಿ, ಇದನ್ನು 50 ಮೆಗಾಪಿಕ್ಸೆಲ್​ ಪ್ರಾಥಮಿಕ ಕ್ಯಾಮೆರಾ, 5,000mAh ಬ್ಯಾಟರಿ ಮತ್ತು 3W ಸೂಪರ್​ ವೂಕ್​ ಚಾರ್ಜಿಂಗ್ ಸಾಮರ್ಥ್ಯದ ಬೆಂಬಲದೊಂದಿಗೆ ಪ್ರಾರಂಭಿಸಲಾಯಿತು. ಇದೇ ಫೀಚರ್ಸ್​ ಅನ್ನು ಭಾರತದಲ್ಲಿ ಬಿಡುಗಡೆಯಾಗುವ ಸ್ಮಾರ್ಟ್​​​ಫೋನ್​ಗಳಿಗೆ ಅಳವಡಿಸಬಹುದು ಎಂದು ಹೇಳಲಾಗಿದೆ,

ರಿಯಲ್​​ಮಿ 10 ಪ್ರೋ ಸೀರಿಸ್​ ಅನ್ನು ಕಳೆದ ತಿಂಗಳು ಭಾರತದಲ್ಲಿ ಪ್ರಾರಂಭಿಸಲಾಯಿತು. ನಂತರ ರಿಯಲ್​​ಮಿ 10 ಪ್ರೋ ಮತ್ತು ರಿಯಲ್​​ಮಿ 10 ಪ್ರೋ+ ಅನ್ನು ಈ ಸೀರಿಸ್​​ನ ಅಡಿಯಲ್ಲಿ ಪ್ರಾರಂಭಿಸಲಾಯಿತು. ಇವೆರಡೂ 5ಜಿ ನೆಟ್​​ವರ್ಕ್​ ಸಾಮರ್ಥ್ಯವನ್ನು ಹೊಂದಿದೆ. ಇದೀಗ ಈ ಸೀರಿಸ್​​ನ ಅಡಿಯಲ್ಲಿ ಕಂಪನಿಯು 4ಜಿ ಫೋನ್ ಅನ್ನು ಬಿಡುಗಡೆ ಮಾಡಲು ತಯಾರಿ ನಡೆಸುತ್ತಿದೆ.