Realme GT: 3 ಸಾವಿರ ರೂಪಾಯಿಯ ತ್ವರಿತ ರಿಯಾಯಿತಿ ಬೆಲೆಗೆ ಖರೀದಿಸಿ ರಿಯಲ್​ಮಿ ಜಿಟಿ ಸ್ಮಾರ್ಟ್​ಫೋನ್​!

Realme ತನ್ನ ಪ್ಲಾಟ್​ಫಾರ್ಮ್​ನಲ್ಲಿ ರಿಯಾಲಿಟಿ ಡೇಸ್ ಅನ್ನು ಆಯೋಜಿಸಿದೆ. ಅಲ್ಲಿ ಗ್ರಾಹಕರಿಗೆ ಕಂಪನಿಯ ಸ್ಮಾರ್ಟ್​ಫೋನ್​​ಗಳು, ಇಯರ್​ಬಡ್ಸ್​ಗಳು ಮತ್ತು ಇತರ ಪರಿಕರಗಳನ್ನು ಕಡಿಮೆ ಬೆಲೆಯಲ್ಲಿ ಖರೀದಿಸಲು ಅವಕಾಶವನ್ನು ನೀಡಲಾಗುತ್ತದೆ. ಗ್ರಾಹಕರು ಕಡಿಮೆ ಬೆಲೆಗೆ ಅನೇಕ ವಸ್ತುಗಳನ್ನು ಖರೀದಿಸಬಹುದಾದರೂ, ನೀವು ರಿಯಲ್​ಮಿ ಫೋನ್​​ಗಳ ಅಭಿಮಾನಿಯಾಗಿದ್ದರೆ, ರಿಯಲ್​ಮಿಯ ಪ್ರೀಮಿಯಂ ಸ್ಮಾರ್ಟ್​ಫೋನ್ Realme GT ಮಾಸ್ಟರ್ ಆವೃತ್ತಿಯು ಉತ್ತಮ ಕೊಡುಗೆಗಳೊಂದಿಗೆ ಸಿಗುತ್ತಿದೆ. ಅಂದಹಾಗೆಯೇ realme.com/in ನಿಂದ ಪಡೆದ ಮಾಹಿತಿಯ ಪ್ರಕಾರ, ಈ ಫೋನ್ ಆರಂಭಿಕ ಬೆಲೆ 25,999 ರೂಗಳಲ್ಲಿ ಲಭ್ಯವಾಗುತ್ತಿದೆ.

ಈ ಫೋನಿನ ಮೇಲೆ 280 ರೂ.ವರೆಗೆ ಕಾಯಿನ್ ಡಿಸ್ಕೌಂಟ್ ಕೂಡ ಇರುತ್ತದೆ. MabiKwik ಮೂಲಕ ಫ್ಲಾಟ್ ರೂ.600 ಕ್ಯಾಶ್​ಬ್ಯಾಕ್​​ ಅನ್ನು ಸಹ ಪಡೆಯಬಹುದು. ಅಷ್ಟೇ ಅಲ್ಲ, ಐಸಿಐಸಿಐ ಕ್ರೆಡಿಟ್ ಕಾರ್ಡ್ ಮತ್ತು ಇಎಂಐ ವಹಿವಾಟಿನ ಮೂಲಕ ಗ್ರಾಹಕರಿಗೆ ಈ ಫೋನ್​ನಲ್ಲಿ 3000 ರೂಪಾಯಿಗಳ ತ್ವರಿತ ರಿಯಾಯಿತಿಯನ್ನು ಸಹ ನೀಡಲಾಗುತ್ತದೆ.

ಈ ಫೋನ್ ಮೂರು ಶೇಖರಣಾ ರೂಪಾಂತರಗಳಲ್ಲಿ ಬರುತ್ತದೆ. 6GB + 128GB ರೂಪಾಂತರ, 8GB + 128GB ರೂಪಾಂತರ ಮತ್ತು 8GB + 256GB ರೂಪಾಂತರದಲ್ಲಿ ಸಿಗುತ್ತದೆ. Realme GT ಫೋನಿನ ಪ್ರಮುಖ ವಿಷಯವೆಂದರೆ ಅದರ 120Hz ಸೂಪರ್ AMOLED ಡಿಸ್​ಪ್ಲೇ ಮತ್ತು ಟ್ರಿಪಲ್ ರಿಯರ್ ಕ್ಯಾಮೆರಾ ಸೆಟಪ್ ಹೊಂದಿದೆ.

Realme GT ಮಾಸ್ಟರ್ ಆವೃತ್ತಿಯ ಬಗ್ಗೆ ಮಾತನಾಡುವುದಾದರೆ. ಇದು 6.43-ಇಂಚಿನ ಪೂರ್ಣ HD + ಸೂಪರ್ AMOLED ಡಿಸ್​ಪ್ಲೇಯನ್ನು ಹೊಂದಿದೆ. ಇದರ ಪಿಕ್ಸೆಲ್ ರೆಸಲ್ಯೂಶನ್ 2400×1080 FHD+ ಆಗಿದೆ. ಇದು Qualcomm Snapdragon 778G ಪ್ರೊಸೆಸರ್ ಅನ್ನು ಹೊಂದಿದೆ ಮತ್ತು 8GB RAM ಅನ್ನು ಹೊಂದಿದೆ. ಈ ಸ್ಮಾರ್ಟ್​ಫೋನ್ 360Hz ಟಚ್ ಸ್ಯಾಂಪ್ಲಿಂಗ್ ದರ ಮತ್ತು 120Hz ರಿಫ್ರೆಶ್ ದರವನ್ನು ಹೊಂದಿದೆ. ಈ ರಿಯಲ್​ಮಿ ಫೋನ್ Android 11 ಆಧಾರಿತ Realme UI 2.0 ನಲ್ಲಿ ಕಾರ್ಯನಿರ್ವಹಿಸುತ್ತದೆ.

ಈ ಫೋನ್ 64 ಮೆಗಾಪಿಕ್ಸೆಲ್ ಮುಖ್ಯ ಸಂವೇದಕ, 8 ಮೆಗಾಪಿಕ್ಸೆಲ್ ಅಲ್ಟ್ರಾ ವೈಡ್ ಶೂಟರ್ ಮತ್ತು 2 ಮೆಗಾಪಿಕ್ಸೆಲ್ ಮ್ಯಾಕ್ರೋ ಶೂಟರ್ ಹೊಂದಿದೆ. ಸೆಲ್ಫಿಗಾಗಿ, ಇದು 32-ಮೆಗಾಪಿಕ್ಸೆಲ್ ಮುಂಭಾಗದ ಕ್ಯಾಮೆರಾವನ್ನು ಹೊಂದಿದೆ. ಈ ಫೋನ್ ಕಾಸ್ಮೋಸ್ ಬ್ಲ್ಯಾಕ್, ಲೂನಾ ವೈಟ್ ಮತ್ತು ವಾಯೇಜರ್ ಗ್ರೇ ಬಣ್ಣದ ರೂಪಾಂತರಗಳಲ್ಲಿ ಬಿಡುಗಡೆಯಾಗಿದೆ.

ಫೋನ್​ನಲ್ಲಿ 4,300mAh ಬ್ಯಾಟರಿಯನ್ನು ನೀಡಲಾಗಿದೆ, ಇದು 65W ವೇಗದ ಚಾರ್ಜಿಂಗ್ ಬೆಂಬಲದೊಂದಿಗೆ ಬರುತ್ತದೆ. ಇದು ಯುಎಸ್​ಬಿ ಟೈಪ್-ಸಿ ಕೇಬಲ್ ಅನ್ನು ಹೊಂದಿದೆ.