PUBG Mobile Ban: ಮನನೊಂದು ಆತ್ಮಹತ್ಯೆ ಮಾಡಿಕೊಂಡ ಇಬ್ಬರು ಯುವಕರು!

ಸೆಪ್ಟೆಂಬರ್​ 2 ರಂದು ಜನಪ್ರಿಯ ಪ್ಲೇಯರ್ಸ್ ಅನೌನ್ಸ್ ಬ್ಯಾಟಲ್ ಗೇಮ್ (ಪಬ್​ಜಿ) ಅನ್ನು ಕೇಂದ್ರ ಸರ್ಕಾರ ಬ್ಯಾನ್​ ಮಾಡಿದೆ. ಇದೀಗ ಪಬ್​ಜಿ​ ಬ್ಯಾನ್​ ವಿಚಾರಕ್ಕಾಗಿ ಯುವರಿಬ್ಬರು ಆತ್ಮಹ್ಯೆ ಮಾಡಿಕೊಂಡಿರುವ ಘಟನೆ ಬೆಳಕಿಗೆ ಬಂದಿದೆ.

ಪ್ರೀತಂ ಹಾಲ್ಡರ್ ಎಂಬ 21 ವರ್ಷದ ಯುವಕ ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ. ಈತ ಐಟಿಐ ವಿದ್ಯಾರ್ಥಿಯಾಗಿದ್ದು, ಪಶ್ಚಿಮ ಬಂಗಾಳದ ಪುರ್ಬಾ ಲಾಲ್​​​ಪುರ್​​ ಪ್ರದೇಶದಲ್ಲಿ ವಾಸಿಸುತ್ತಿದ್ದನು. ನಿರಂತರ ಪಬ್​ಜಿ ಆಡುತ್ತಿದ್ದನು ಎಂದು ತಿಳಿದುಬಂದಿದೆ.

ಪ್ರೀತಂ ಶುಕ್ರವಾರ ಬೆಳಗ್ಗೆ ಉಪಹಾರ ಸೇವಿಸಿ ತನ್ನ ಕೋಣೆಯೊಳಕ್ಕೆ ಹೋಗಿದ್ದಾನೆ. ಒಳಗಿನಿಂದ ಲಾಕ್ ಮಾಡಿಕೊಂಡಿದ್ದಾನೆ. ಮಧ್ಯಾಹ್ನ ವೇಳೆ ಆತನ ತಾಯಿ ಊಟಕ್ಕೆ ಕರೆಯಲು ಹೋದಾಗ ಬಾಗಿಲು ಲಾಕ್​ ಮಾಡಿಕೊಂಡಿರುವುದು  ಕಂಡು ಬಂದಿದೆ.

ಎಷ್ಟೇ ಜೋರಾಗಿ ಕರೆದರು ಬಾಗಿಲು ತೆರೆಯದಿರುವುದು ಅನುಮಾನ ಬಂದಿದೆ. ನಂತರ ನೆರೆಹೊರೆಯವರ ಸಹಾಯ ಪಡೆದುಕೊಂಡು ಬಾಗಿಲು ಒಡೆದು ಕೋಣೆಯೊಳಕ್ಕೆ ಹೋದಾಗ ಪ್ರೀತಂ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಸ್ಥಿತಿಯಲ್ಲಿದ್ದನು.

ಆತನ ತಾಯಿ ಹೇಳುವ ಪ್ರಕಾರ ‘ಪ್ರೀತಂ ಪಬ್​ಜಿ ಆಡಲು ಆಗದೆ ನಿರಾಶೆಗೊಂಡಿದ್ದನು. ಸೆಪ್ಟೆಂಬರ್ 2 ರಂದು ಕೇಂದ್ರ ಸರ್ಕಾರ ಪಬ್​ಜಿ ಬ್ಯಾನ್​ ಮಾಡಿತ್ತು. ಪ್ರೀತಂ ರಾತ್ರಿ ವೇಳೆಯು ಗೇಮ್​ ಆಡುತ್ತಿದ್ದ. ಆದರೆ ಬ್ಯಾನ್ ಆದ ನಂತರ ಆಡಲಾಗದೆ ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ‘ ಎಂದು ಹೇಳಿದ್ದಾರೆ

ಮತ್ತೊಂದು ಪ್ರಕರಣ ಅಹಮದಾಬಾದ್​ನ ಆನಂದ್ ಜಿಲ್ಲೆಯಲ್ಲಿ ಬೆಳಕಿಗೆ ಬಂದಿವೆ. 16 ವರ್ಷದ ಬಾಲಕ ಪಬ್​​ಜಿ ಆಡುತ್ತಿದ್ದ ಇದನ್ನು ಕಂಡ ಆತನ ತಂದೆ ಗದರಿಸುತ್ತಾರೆ. ನೊಂದ ಯುವಕ ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ ಎಂದು ತಿಳಿದುಬಂದಿದೆ.

ಆತ್ಮಹತ್ಯೆ ಮಾಡಿಕೊಂಡಿರುವ ಯುವಕ ಶಾಲಾ ಶಿಕ್ಷಕನ ಮಗನಾಗಿದ್ದು, ಆಗಸ್ಟ್ 31ರಂದು ಮನೆಯಲ್ಲಿ ಇಟ್ಟಿದ್ದ ಕೀಟ ನಾಶಕ ಸೇವಿಸಿ ಆತ್ಮಹತ್ಯೆ ಯತ್ನಿಸಿದ್ದಾನೆ. ತಕ್ಷಣ ಆತನನ್ನು ಹತ್ತಿರದ ಆಸ್ಪತ್ರೆಗೆ ಕರೆದೊಯ್ಯುವಾಗ ದಾರಿ ಮಧ್ಯದಲ್ಲಿ ಕೊನೆಯುಸಿರೆಳೆದಿದ್ದಾನೆ..

ಕೇಂದ್ರ ಸರ್ಕಾರ ಬಾಹ್ಯ ಮತ್ತು ಆಂತರಿಕ ದೃಷ್ಠಿಯಂದಾಗಿ ಟೆನ್ಸೆಂಟ್ ಕಂಪನಿಯ ಪಬ್​ಜಿ ಗೇಮ್ ಅನ್ನು ಬ್ಯಾನ್ ಮಾಡಿದೆ. ಅಷ್ಟು ಮಾತ್ರವಲ್ಲದೆ ಪಬ್​ಜಿ ಚೀನಾ ಕಂಪೆನಿಯೊಂದಿದೆ ಷೇರು ಹೊಂದಿತ್ತು. ಈ ಕಾರಣಕ್ಕೆ ನಿಷೇಧ ಮಾಡಿದೆ.