Poco X5 Pro: ಶೀಘ್ರದಲ್ಲೇ ಬಿಡುಗಡೆಯಾಗಲಿದೆ ಪೋಕೋ ಎಕ್ಸ್5 ಪ್ರೋ ಸ್ಮಾರ್ಟ್ಫೋನ್! ಬೆಲೆ ಎಷ್ಟು ಗೊತ್ತಾ?
ಶಿಯೋಮಿ ಕಂಪನಿಯ ಉಪಬ್ರಾಂಡ್ ಆಗಿರುವ ಪೋಕೋ ಶೀಘ್ರದಲ್ಲೇ ಹೊಸ ಸ್ಮಾರ್ಟ್ಫೋನ್ ಅನ್ನು ಭಾರತೀಯ ಮಾರುಕಟ್ಟೆಯಲ್ಲಿ ಬಿಡುಗಡೆ ಮಾಡಲಿದೆ. ಪೋಕೋ ಕಂಪನಿ ಇದೀಗ ಮಾರುಕಟ್ಟೆಗೆ ಪರಿಚಯಿಸಲಿರುವ ಸ್ಮಾರ್ಟ್ಫೋನ್ ಪೋಕೋ ಎಕ್ಸ್5 ಪ್ರೋ ಎಂಬುದಾಗಿದೆ.
ಫೀಚರ್ಸ್: ಪೋಕೋ ಎಕ್ಸ್5 ಸೀರಿಸ್ನ ಫೋನ್‌ಗಳ ಫೀಚರ್ಸ್ಗಳ ಬಗ್ಗೆ ಈಗಾಗಲೇ ಹಲವು ವೆಬ್‌ಸೈಟ್‌ಗಳಲ್ಲಿ ಬಹಿರಂಗಪಡಿಸಲಾಗಿದೆ. ಈ ಸ್ಮಾರ್ಟ್ಫೋನ್ ಇತ್ತೀಚೆಗೆ ಚೀನಾದಲ್ಲಿ ಬಿಡುಗಡೆಯಾದ ನೋಟ್ 12 ಆವೃತ್ತಿಯಂತೆಯೇ ಅದೇ ವೈಶಿಷ್ಟ್ಯಗಳನ್ನು ಹೊಂದಿರುವ ಸಾಧ್ಯತೆಯಿದೆ. ಪೋಕೋ ಎಕ್ಸ್5 ಪ್ರೋ 6.67-ಇಂಚಿನ FHD+ OLED ಡಿಸ್ಪ್ಲೇಯೊಂದಿಗೆ ಬರಬಹುದು. ಇದು 120Hz ಅಡಾಪ್ಟಿವ್ ರಿಫ್ರೆಶ್ ದರ, 1080×2400 ಪಿಕ್ಸೆಲ್‌ಗಳ ರೆಸಲ್ಯೂಶನ್, HDR10+ ಬೆಂಬಲವನ್ನು ನೀಡುವ ಸಾಧ್ಯತೆಯಿದೆ.
ಕ್ಯಾಮೆರಾ ಫೀಚರ್ಸ್: ಈ ಸ್ಮಾರ್ಟ್ಫೋನ್ನ ಮುಂಭಾಗದಲ್ಲಿ ಸೆಲ್ಫಿಗಾಗಿ 16 ಮೆಗಾಪಿಕ್ಸೆಲ್ ಕ್ಯಾಮೆರಾ ಇರುವ ಸಾಧ್ಯತೆಯಿದೆ. ಜೊತೆಗೆ ಹಿಂಭಾಗದಲ್ಲಿ ಟ್ರಿಪಲ್ ಕ್ಯಾಮೆರಾ ಸೆಟಪ್‌ನೊಂದಿಗೆ ಬರುತ್ತದೆ ಎಂದು ಹೇಳಲಾಗುತ್ತದೆ. ಇದು 108 ಎಮ್ಪಿ ಪ್ರಾಥಮಿಕ ಕ್ಯಾಮೆರಾ, 8 ಎಮ್ಪಿ ಅಲ್ಟ್ರಾ ವೈಡ್ ಸೆನ್ಸಾರ್ ಮತ್ತು 2ಎಮ್ಪಿ ಮ್ಯಾಕ್ರೋ ಸೆನ್ಸಾರ್ ಅನ್ನು ಹೊಂದಿರುವ ಸಾಧ್ಯತೆಯಿದೆ.
ಪೋಕೋ ಕಂಪನಿಯು ಇತ್ತೀಚೆಗೆ ಸಿ ಸರಣಿಯಿಂದ ಪೋಕೋ ಸಿ50 ಅನ್ನು ಬಿಡುಗಡೆ ಮಾಡಿದೆ. ಈ ಸ್ಮಾರ್ಟ್ಫೋನ್ 2 ರೂಪಾಂತರಗಳಲ್ಲಿ ಬಿಡುಗಡೆ ಮಾಡಲಾಗಿದೆ. ಇನ್ನು ಇದರಲ್ಲಿ 2GB+32GB ರೂಪಾಂತರದ ಬೆಲೆ ರೂ.6,499 ಆಗಿದ್ದರೆ, 3GB+32GB ರೂಪಾಂತರದ ಬೆಲೆ ರೂ.7,299 ಆಗಿದೆ. ಸ್ಮಾರ್ಟ್ಫೋನ್ ಹೆಚ್ಡಿ+ ರೆಸಲ್ಯೂಶನ್‌ನೊಂದಿಗೆ 6.52-ಇಂಚಿನ ವಾಟರ್-ಡ್ರಾಪ್ ನಾಚ್ ಪ್ಯಾನೆಲ್‌ನೊಂದಿಗೆ ಬರುತ್ತದೆ.