ಬಡ್ಡಿದರದಲ್ಲಿ ಭಾರೀ ಕಡಿತ: ಮನೆ ಖರೀದಿಗೆ ಕಡಿಮೆ ದರದಲ್ಲಿ ಸಾಲ ಸೌಲಭ್ಯ..!

ಹೌಸಿಂಗ್ ಫೈನಾನ್ಸ್ ಸಂಸ್ಥೆ ಪಿಎನ್‌ಬಿ ಹೌಸಿಂಗ್ ಫೈನಾನ್ಸ್ ಲಿಮಿಟೆಡ್ (ಪಿಎನ್‌ಬಿ ಹೌಸಿಂಗ್ ಫೈನಾನ್ಸ್) ಚಿಲ್ಲರೆ ಸಾಲ ದರವನ್ನು ಕಡಿತಗೊಳಿಸುವುದಾಗಿ ಘೋಷಿಸಿದೆ. ವೈಯುಕ್ತಿಕ ಮನೆ ಸಾಲ ಮತ್ತು ಆಸ್ತಿಯ ಮೇಲಿನ ಸಾಲಗಳ  15 ಬೇಸಿಸ್ ಪಾಯಿಂಟ್ಸ್​  ( ಬಡ್ಡಿದರ) ಕಡಿತಗೊಳಿಸಲು ನಿರ್ಧರಿಸಿದೆ.

ಹೊಸ ಸಾಲ ದರಗಳು ಮೇ 9, 2020 ರಿಂದ ಜಾರಿಗೆ ಬರಲಿದೆ. ಫೆಬ್ರವರಿ 2020ರ ಮೊದಲು ಫ್ಲೋಟಿಂಗ್ ರೇಟ್​ನಲ್ಲಿ ಸಾಲ ಪಡೆದಿರುವ ಎಲ್ಲಾ ಚಿಲ್ಲರೆ ಗ್ರಾಹಕರಿಗೆ ಇದರ ಪ್ರಯೋಜನ ಸಿಗಲಿದೆ. ಇದು ಕೋವಿಡ್ -19 ಲಾಕ್‌ಡೌನ್ ದೃಷ್ಟಿಯಿಂದ ಕಂಪನಿಯು ಗ್ರಾಹಕರಿಗೆ ನೀಡುವ ಕೊಡುಗೆ ಎಂದು ಪಿಎನ್‌ಬಿ ಹೌಸಿಂಗ್ ಫೈನಾನ್ಸ್ ಲಿಮಿಟೆಡ್ ಹೇಳಿದೆ.

ಪಿಎನ್‌ಬಿ ಹೌಸಿಂಗ್ ಫೈನಾನ್ಸ್ ಪಂಜಾಬ್ ನ್ಯಾಷನಲ್ ಬ್ಯಾಂಕ್‌ ಅಂಗ ಸಂಸ್ಥೆಯಾಗಿದೆ. ಇದು ನ್ಯಾಷನಲ್ ಹೌಸಿಂಗ್ ಬ್ಯಾಂಕ್ (ಎನ್‌ಎಚ್‌ಬಿ) ನಲ್ಲಿ ನೋಂದಾಯಿಸಲಾದ ವಸತಿ ಹಣಕಾಸು ಸಂಸ್ಥೆಯಾಗಿದ್ದು, ಇದು ಗ್ರಾಹಕರಿಗೆ ವಸತಿ ಮತ್ತು ವಸತಿ ರಹಿತ ಸಾಲಗಳನ್ನು ಒದಗಿಸುತ್ತದೆ. ಅಲ್ಲದೆ ನವೆಂಬರ್ 7, 2016 ರಿಂದ ಭಾರತೀಯ ಷೇರು ಮಾರುಕಟ್ಟೆಯಲ್ಲಿ ಸ್ಥಾನ ಪಡೆದುಕೊಂಡಿದೆ.

ಸಾರ್ವಜನಿಕ ವಲಯದ ಬ್ಯಾಂಕ್​ಗಳು ಕೂಡ ಸಾಲದ ಮೇಲಿನ ದರವನ್ನು ಕಡಿಮೆ ಮಾಡುತ್ತಿದೆ. ಕಡಿಮೆ ಮಾಡಿದೆ. ಯೂನಿಯನ್ ಬ್ಯಾಂಕ್ ಆಫ್ ಇಂಡಿಯಾ (ಯುಬಿಐ) ಎಲ್ಲಾ ಅವಧಿ ಅಥವಾ ನಿಧಿ ಆಧಾರಿತ ಸಾಲದ ದರವನ್ನು (ಎಂಸಿಎಲ್ಆರ್) 0.05% -0.15% ರಷ್ಟು ಕಡಿತಗೊಳಿಸಿದೆ. ಹೊಸ ದರಗಳು 2020 ಮೇ 11 ರಿಂದ ಜಾರಿಗೆ ಬರಲಿವೆ.

ಬ್ಯಾಂಕ್ ಎಂಸಿಎಲ್ಆರ್ ಅನ್ನು 15 ಬೇಸಿಸ್ ಪಾಯಿಂಟ್​ಗಳಿಂದ 7.15%, 1 ತಿಂಗಳ ಎಂಸಿಎಲ್ಆರ್ ಅನ್ನು 10 ಬೇಸಿಸ್ ಪಾಯಿಂಟ್​ಗಳಿಂದ 7.25%, 3 ತಿಂಗಳು ಮತ್ತು 6 ತಿಂಗಳ ಎಂಸಿಎಲ್ಆರ್ ಅನ್ನು 5 ಬೇಸಿಸ್ ಪಾಯಿಂಟ್​ಗಳಿಂದ 7.40% ಮತ್ತು 7.55% ಕ್ಕೆ ಇಳಿಸಲಾಗಿದೆ.

ಬ್ಯಾಂಕ್ ಒಂದು ವರ್ಷದ ಎಂಸಿಎಲ್‌ಆರ್ ಅನ್ನು 7.75% ರಿಂದ 7.70% ಕ್ಕೆ ಇಳಿಸಿದೆ. ಪರಿಷ್ಕೃತ ಎಂಸಿಎಲ್ಆರ್ 11 ಮೇ 2020 ರಿಂದ ಜಾರಿಗೆ ಬರಲಿದ್ದು, ಇದು ಜುಲೈ 2019 ರಿಂದ ಬ್ಯಾಂಕ್ ಘೋಷಿಸಿದ ದರದಲ್ಲಿ ಸತತ ಹನ್ನೊಂದನೇ ಕಡಿತವಾಗಿದೆ. ಇದಕ್ಕೂ ಮೊದಲು ದೇಶದ ಅತಿದೊಡ್ಡ ಬ್ಯಾಂಕ್ ಎಸ್‌ಬಿಐ ಕೂಡ ಎಂಸಿಎಲ್‌ಆರ್ ಕಡಿತಗೊಳಿಸುವುದಾಗಿ ಘೋಷಿಸಿತು.

money