Top Smartphones: ಹೊಸ ಸ್ಮಾರ್ಟ್‌ಫೋನ್ ಖರೀದಿಸುವ ಪ್ಲ್ಯಾನ್​ನಲ್ಲಿದ್ದೀರಾ? ಈ ಬಾರಿಯ ಟಾಪ್ 5 ಸ್ಮಾರ್ಟ್​ಫೋನ್‌ಗಳಿವು!

ಆ್ಯಪಲ್​ನ ಐಫೋನ್ 13 ಭಾರತದಲ್ಲಿ ಹೆಚ್ಚು ಮಾರಾಟವಾಗುವ ಸ್ಮಾರ್ಟ್‌ಫೋನ್‌ಗಳ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದೆ. ಇದನ್ನು ಕಳೆದ ವರ್ಷ ಸೆಪ್ಟೆಂಬರ್‌ನಲ್ಲಿ ಪ್ರಾರಂಭಿಸಲಾಯಿತು. ಇದರ ಮಾರುಕಟ್ಟೆ ಪಾಲು 4 ಪ್ರತಿಶತದಷ್ಟು ಅಭಿವೃದ್ಧಿಯಾಗಿದೆ. ಪ್ರಸ್ತುತ, ಈ ಫೋನ್‌ನ ಆರಂಭಿಕ ಬೆಲೆ ರೂ.64,900 ಆಗಿದೆ. ಇನ್ನು ಈ ಫೋನ್ 6.1-ಇಂಚಿನ ಸೂಪರ್ ರೆಟಿನಾ ಡಿಸ್ಪ್ಲೇ ಮತ್ತು 12MP ಪ್ರಾಥಮಿಕ ಕ್ಯಾಮೆರಾವನ್ನು ಹೊಂದಿದೆ.

ಈ ಪಟ್ಟಿಯಲ್ಲಿ ಎರಡನೇ ಹೆಸರು ಸ್ಯಾಮ್​ಸಂಗ್ ಗ್ಯಾಲಕ್ಸಿ ಎಮ್​​13 ಸ್ಮಾರ್ಟ್​​ಫೋನ್ ಆಗಿದೆ. ಈ ಫೋನಿನ ಆರಂಭಿಕ ಬೆಲೆ ರೂ.11,000 ಆಗಿದೆ. ಇದು ಭಾರತದ ಅತ್ಯಂತ ಜನಪ್ರಿಯ ಸ್ಮಾರ್ಟ್‌ಫೋನ್‌ಗಳಲ್ಲಿ ಒಂದಾಗಿದೆ. ಇನ್ನು ಈ ಸ್ಮಾರ್ಟ್​​ಫೋನ್​ 6.6-ಇಂಚಿನ ಫುಲ್ ಹೆಚ್​ಡಿ+ ಡಿಸ್ಪ್ಲೇ ಮತ್ತು 6,000 mAh ಬ್ಯಾಟರಿಯನ್ನು ಹೊಂದಿದೆ.

ಈ ಬಾರಿಯ ಟಾಪ್​ 5 ಸ್ಮಾರ್ಟ್​ಫೋನ್​ಗಳ ಪಟ್ಟಿಯಲ್ಕಿ ರೆಡ್​​ಮಿ ಎ1 ಸ್ಮಾರ್ಟ್​​ಫೋನ್​ 3 ಸ್ಥಾನವನ್ನು ಗಿಟ್ಟಿಸಿಕೊಂಡಿದ. ಈ ಫೋನಿನ ಆರಂಭಿಕ ಬೆಲೆ 6000 ರೂಪಾಯಿ ಎಮದು ನಿಗದಿ ಮಾಡಲಾಗಿದೆ.

ರೆಡ್​​ಮಿ ಎ1 ಸ್ಮಾರ್ಟ್​​ಫೋನ್​ನ ಫೀಚರ್ಸ್​ ಬಗ್ಗೆ ಹೇಳುವುದಾದರೆ, ‘ಇದು 6.52 ಇಂಚಿನ ಡಿಸ್​​ಪ್ಲೇ, 8 ಎಮ್​ಪಿ ಡ್ಯುಯಲ್ ಕ್ಯಾಮೆರಾ, 5000 mAh ಬ್ಯಾಟರಿ, 5ಎಮ್​ಪಿ ಮುಂಭಾಗದ ಕ್ಯಾಮೆರಾ, ಮೀಡಿಯಾ ಟೆಕ್ ಹೆಲಿಯೊ ಎ22 ಪ್ರೊಸೆಸರ್‌ನಂತಹ ವೈಶಿಷ್ಟ್ಯಗಳನ್ನು ಹೊಂದಿದೆ.

ಸ್ಯಾಮ್​ಸಂಗ್​​ ಗ್ಯಾಲಕ್ಸಿ ಎ04ಎಸ್​ ಸ್ಮಾರ್ಟ್​​ಫೋನ್​ ಟಾಪ್​ 5 ಪಟ್ಟಿಯಲ್ಲಿ 4ನೇ ಸ್ಥಾನದಲ್ಲಿದೆ. ಇನ್ನು ಈ ಸ್ಮಾರ್ಟ್​ಫೋನ್​ನ ಆರಂಭಿಕ ಬೆಲೆ ರೂ.13,499 ಆಗಿದೆ. ಇದನ್ನು ಕಳೆದ ಆಗಸ್ಟ್​ನಲ್ಲಿ ಮಾರುಕಟ್ಟೆಗೆ ಪರಿಚಯಿಸಲಾಗಿದೆ.

ಈ ಸ್ಮಾರ್ಟ್​​ಫೋನ್​ 90Hz ರಿಫ್ರೆಶ್ ದರ, 720x1560 ಪಿಕ್ಸೆಲ್‌ಗಳ ರೆಸಲ್ಯೂಶನ್ ಜೊತೆಗೆ 6.5-ಇಂಚಿನ HD+ ಡಿಸ್​ಪ್ಲೇಯನ್ನು ಹೊಂದಿದೆ.ಈ ಸ್ಯಾಮ್​ಸಂಗ್​ ಗ್ಯಾಲಕ್ಸಿ ಎ04ಎಸ್​ ಸ್ಮಾರ್ಟ್​​ಫೊನ್​ ಟ್ರಿಪಲ್ ಕ್ಯಾಮೆರಾ ಸೆಟಪ್‌ಅನ್ನು ಹೊಂದಿದ್ದು, ಇದರಲ್ಲಿ 50 ಮೆಗಾಪಿಕ್ಸೆಲ್​ ಪ್ರಾಥಮಿಕ ಕ್ಯಾಮೆರಾ ಅಳವಡಿಸಲಾಗಿದೆ.

ಈ ಪಟ್ಟಿಯಲ್ಲಿ ಐದನೇ ಮತ್ತು ಕೊನೆಯ ಹೆಸರು ರಿಯಲ್​ಮಿ ಸಿ35 ಪಡೆದುಕೊಂಡಿದೆ. ಈ ಫೋನಿನ ಆರಂಭಿಕ ಬೆಲೆ ರೂ.11,999 ಆಗಿದೆ.

ಇನ್ನು ಈ ಸ್ಮಾರ್ಟ್​​ಫೋನ್ 6.6 ಇಂಚಿನ ಡಿಸ್ಪ್ಲೇ, Unisoc Tiger T616 ಪ್ರೊಸೆಸರ್ ಮತ್ತು 5000 mAh ಬ್ಯಾಟರಿ ಹೊಂದಿದೆ. ಆ್ಯಪಲ್ ಹೊರತುಪಡಿಸಿ ಎಲ್ಲಾ ಫೋನ್‌ಗಳ ಮಾರುಕಟ್ಟೆ ಪಾಲು ಶೇಕಡಾ 3 ರಷ್ಟಿದೆ.